Како што објави реномираниот магазин „Форбс“, постои можност и Вимблдон и „Ролан Гарос“ да го следат примерот на Австралијан опен, па и на овие грен-слем турнири учество да им се дозволи само на оние тенисери и тенисерки кои се целосно вакцинирани против Ковид-19.
Најдобриот тенисер на светот, Новак Ѓоковиќ, не сака да каже дали е вакциниран или не, но рече дека не му се допаѓа условувањето и уценувањето дека може да играат само вакцинираните. Ако сака рекордна 21-ва титула во кариерата и да не губи многу поени на АТП листата, изгледа Србинот ќе мора да се вакцинира. А, ако веќе е вакциниран, тоа ќе се открие.
