Сакраменто кингс го победи Њујорк никс во меч што беше многу значаен за гостите во битката за плејофот. Кингс славеа во „Медисон Сквер Гарден“ со 102:94, а главна ѕвезда на мечот беше ДеАрон Фокс, кој постигна 30 поени.
Голема помош имаше и од вториот бек Бади Хилд кој уфрли 19 поени, а Сакраменто се задржа на деветтото место на западот во НБА лигата и има шанси за плејоф настап.
Њујорк повторно е во губитнички тренд, има пет порази во низа, а вечерва и немаше посебно расположен кошаркар за победа против Кингс.
Денис Смит јуниор со 18 поени беше најефикасен кај домашниот тим, кој е убедливо последен во Источната конференција и е најслаб тим во целата лига.