Њукасл го има епитетот „најбогат клуб во светот“ откако беше купен од инвестицискиот фонд на Саудиска Арабија. Минатата година дојде до пласман во Лигата на шампионите, но оваа сезона е под потребното ниво. Сепак, голем проблем е финансиската состојба во која се најде клубот. Според англиските медиуми, Њукасл е во загуба од 85 милиони евра, пред сè поради зголемените плати на фудбалерите.
Оваа сума нема да биде никаков проблем за богатите сопственици, но проблем е финансискиот ферплеј во Англија, кој не дозволува влез на пари без сериозна оправданост. Така сега раководството е принудено да стави дел од ѕвездите на продажба за да ги оправда финансиските вложувања.