Од безбедна дистанца претставниците на прволигашите ја решаваат судбината на прекинатата сезона (Фото)
Дали ќе се доигра или ќе биде „свирен“ предвремен крај.
Претставници на фудбалските прволигаши ја започнаа седницата на која се разговара околу иднината на прекинатата сезона. Првенството беше прекинато поради корона-вирусот, а од УЕФА побараа најдоцна до 25 мај да се донесе конечна одлука за сите првенства во Европа.
На состанокот кој е во тек се забележува дека се внимава на безбедноста и учесниците ја користат мерката за социјална дистанца, како и носење на заштитни маски.
