Екипите на Барнли, Флитвуд, Гримзби и Шефилд јунајтед обезбедија пласман во осминафиналето на најстарото англиско клупско натпреварување, ФА купот.
Шефилд јунајтед со 3:1 го совлада тимот на Рексам, чиј сопственик е познатиот холивудски актер, Рајан Рејнолдс.
So proud of these boys. And the 4000 plus away supporters who gave it all. @Wrexham_AFC
— Ryan Reynolds (@VancityReynolds) February 7, 2023
Шефилд до пласманот во осминафиналето дојде со голови дадени во судиското продолжение, Шарп во 94-тата минута погоди за 2:1, а конечниот резултат го постави Сандер Берге во шестата минута од судиското продолжение.
Претходно, Ахмедхоџиќ во 50-тата минута погоди за 1:0, а единствениот гол за Рексам го постигна Малин во 59-тата минута. Во осминафиналето, Шефилд јунајтед ќе игра против Тотенхем.
Убедлив триумф од 3:0 оствари Гримсби во дуелот против Лутон, додка Флитвуд со 1:0 го победи Шефилд вензди. Барнли благодарение на голот на Тела во 94-тата минута, со 2:1 го победи Ипсвич и се пласира во осминафиналето.