Барселона и официјално го комплетира ангажманот на Серхио Агуеро, со кого потпиша до јуни 2023 година. Аргентинскиот напаѓач е првото засилување на Каталоците за следната сезона и воедно прво во ерата на Жоан Лапорта, новиот претседател.
Во договорот на Агуеро е ставена клаузула од 100 милиони евра како гаранција дека клубот нема предвреме да ја пушти легендата на Манчестер сити.
Со овој ангажман речиси сигурно е останувањето на Лионел Меси во Барселона бидејќи доведувањето на Агуеро беше еден од условите за Меси да остане, но и обратно, кога станува збор за одлуката на ексиграчот на Сити и Атлетико да дојде на „Камп ноу“.
Следни потписи деновиве се очекуваат на Ерик Гарсија, кој доаѓа без отштета исто така од Манчестер сити, како и Џини Вајналдум од Ливерпул.
✍️ @aguerosergiokun
💙❤️ #KunCuler— FC Barcelona (@FCBarcelona) May 31, 2021
