Мајкл Олисе постигна еврогол од слободен удар за Кристал палас во првата минута од судиското продолжение и го шокира Манчестер јунајтед со реми 1:1 во заостанат меч од Премиер лигата.
Олисе погоди од многу тешка позиција откосо, а голот е уште поатрактивен бидејќи топката од пречката заврши зад грбот на Де Хеа.
The disrespect from Olise acting like the goal is no big deal 😂 pic.twitter.com/MBQWDSuYcu
— Abubakar Jr.🇪🇦 (@abubakar_fuad) January 18, 2023
Претходно Бруно Фернандеш го постигна единствениот гол за Манчестер јунајтед во финишот на првиот дел.
Португалецот беше прецизен во 44. минута, но се покажа како недоволно за победа и продолжување на серијата од 7 победи.
Bruno Fernandes Goal pic.twitter.com/oBqn4kHhuI
— Skirk. (@SkirkFTBL) January 18, 2023
Голманот Де Хеа, кој имаше две исклучително добри одбрани, по една во првото и во второто полувреме на крајот беше трагичар и е виновен за израмнувачкиот гол на Кристал палас.
https://twitter.com/centredevils/status/1615815607160819712?s=20&t=Fg4ONrD64YvnDeRZ45AD9Q
Со ремито 1:1 вечерва Манчестер јунајтед е втор со 39 бода, колку што има Манчестер сити, со 8 бода помалку од лидерот Арсенал, кој има и меч помалку, исто како и Сити.
Викендов, односно во недела од 17.30 часот во Лондон токму овие две екипи, Арсенал и Манчестер јунајтед ќе играат меѓусебе.
Хендикеп за гостите од Манчестер ќе биде отсуството на Каземиро, кој вечерва доби петти жолт картон и нема право да игра на дербито на „Емирејтс“ во Лондон.
