Откажани сезоните во две првенства во кои не се одредија шампиони

Европската федерација за водни спортови (ЛЕН) одлучи да се прекинат сезоните во Лигата на шампионите и Еврокупот притоа без да се прогласат шампиони. Одлуката е донесена врз основа на тоа дека пред прекинот поради пандемијата, уште се играа мечевите од групната фаза, а дополнително финалниот турнир требаше да се одржи во Џенова, Италија, една од најпогодените земји во Европа од пандемијата со вирусот ковид-19.

Иако постоеше опција да се одржи финален турнир со учесници според моменталниот пласман на табелите во групите, сепак такво нешто нема да се случи, а познато е дека вирусот лесно се пренесува во вода и целта е да се избегне ризик, односно поголема штета.

Колку за потсетување, актуелен европски првак е тимот на Ференцварош, додека освојувач на Еврокупот минатата сезона беше Марсеј.

- Оглас -

Најнови вести