На натпреварот помеѓу Кајрен Вилсон и Рајан Деј беше виден првиот максимален брејк од 147 поени на Светското првенство во снукер.
Овој подвиг му успеа на Вилсон, а ова е само 13-ти пат во историјата на шампионатите во „Крусибл театарот“ во Шефилд некој играч да направи максимум. Рони О‘Саливен и Стивен Хендри се рекордери со по три максимуми на СП, но Рони вакво нешто не направил од 2008 година, а Хендри од 2012.
Публиката уживаше во мајсторското чистење на масата, а како што е редот во овој спорт, први на Вилсон му честитаа судијата и противникот. Ако биде единствен на ова СП со направен брејк од 147, Вилсон ќе добие бонус од 55.000 фунти.
Kyren Wilson scores the 13th maximum break in Crucible history! pic.twitter.com/1ucsislOlX
— Chris Hammer (@ChrisHammer180) April 19, 2023