-2.2 C
Skopje
сабота, 3 јануари 2026
Дома Blog Страница 10

Челзи ги разочара фановите на „Стемфорд бриџ“ за крај на 2025 година

Трајан Маневски
-
0
Челзи ги разочара фановите на „Стемфорд бриџ“ за крај на 2025 година

Челзи уште еднаш потврди дека нема квалитет да се бори за титулата во Премиер лигата откако на свој терен одигра само 2:2 против Борнмут во меч од 19-тото коло на англиското првенство. На половина од шампионатот, Челзи има големо, двоцифрено заостанување во однос на лидерот Арсенал, но и второпласираниот Манчестер сити, па јасно е дека премија за овој тим ќе биде ако заврши во Топ 4 до крајот.

Борнмут уште на стартот најави дека е дојден во Лондон да не загуби и преку Брукс поведе со 1:0 во шестата минута. Челзи брзо се врати во игра и со погодоците на Кол Палмер од пенал во 15-тата минута и на Енцо Фернандес во 23-тата минута направи целосен пресврт и поведе со 2:1.

Борнмут не се предаде и со голот на Клајверт стигна до 2:2 во 27-мата минута. Интересно е дека овој резултат не се менуваше во следните малку повеќе од 60 минути игра, па на крајот двата тима освоија по еден бод.

Со 2:2 заврши и дуелот меѓу Вест хем и Брајтон, додека четири погодоци имаше и на мечот меѓу Барнли и Њукасл, но таму гостите славеа со 1:3. На гости се радуваше и Евертон кој со 2:0 го победи Нотингем форест.

Бренан Џонсон го менува тимот во трансфер вреден 40 милиони евра, но ќе остане во Лондон

Никола Ѓуровски
-
0
Бренан Џонсон го менува тимот во трансфер вреден 40 милиони евра, но ќе остане во Лондон

Крилниот напаѓач на Тотенхем, Бренан Џонсон, ќе го напушти лондонскиот клуб, но не и Лондон, потврди „Скај спорт“.

Тотенхем ја прифатил понудата од 40.000.000 евра за офанзивецот кој не е во плановите на Томас Франк.

Оваа сезона тој помина само 600 минути на теренот во Премиер лигата, најчесто влегувајќи од клупата, постигнувајќи два гола, еден во Лигата на шампионите и еден во Лига купот.

Во споредба со минатата сезона, кога одигра дури 51 натпревар во сите натпреварувања и поминал над 3.000 минути на теренот, јасно е дека младиот напаѓач не можел да биде задоволен со својот статус, па логично одлучил да замине.

Тотенхем ја прифатил понудата на Кристал палас од 40 милиони евра и сега се чека Џонсон да ги договори личните услови со новиот клуб.

Оливер Гласнер така ќе добие големо засилување во нападот бидејќи Џонсон ќе биде опција заедно со Џереми Пин, Исмаила Сар и Нкетија.

Кристал Палас се бори на повеќе фронтови, а главната цел е да нападне трофеј во конференциската лига на УЕФА, како и наредната сезона повторно да се обиде да обезбеди пласман во Европа.

Граѓанинот Оскар Боб во 2026 ќе стане Милионер

Никола Ѓуровски
-
0
Граѓанинот Оскар Боб во 2026 ќе стане Милионер

Манчестер сити и Борусија Дортмунд водат преговори за евентуален трансфер на Оскар Боб од англискиот во германскиот клуб. Според англиски извори, на маса е модел според кој фудбалерот најпрво би пристигнал како позајмен играч, со опција за откуп во износ од околу 30 милиони фунти.

Крилниот напаѓач е дел од академијата на Сити уште од својата 16-та година, но досега не успеа да се наметне во првиот тим. Дополнително, Граѓаните ќе мора да продадат некој од офанзивците бидејќи се чини дека се сигурни во намерата да го ангажираат Антоан Семењо од Борнмут, а двајцата настапуваат на слични позиции.

Оскар Боб, кој е репрезентативец на Норвешка, вкупно има 162 настапи со 34 постигнати голови и 37 асистенции за различните селекции на клубот од Манчестер.

Шкендија продаде играч за 400.000 евра и тоа во руски прволигаш

Трајан Маневски
-
0
Шкендија продаде играч за 400.000 евра и тоа во руски прволигаш

Актуелниот македонски првак Шкендија продолжува да ја полни клупската каса. По одличните настапи на европска сцена каде се избоди за место во нокаут фазата во Конференциската лига и заработи над шест милиони евра, Шкендија не мирува и кога се работи за трансфери на фудбалерите.

Тетовскиот тим договори во зимскиот преоден рок кој започнува на 1 јануари, да го продаде Клисман Цаке. Албанскиот централен дефанзивец има активен договор со Шкендија уште шест месеци, а на Шкендија реши да го продаде во Ахмат Грозни во руската Прва лига. Според шпекулациите, цената на трансферот е 400.000 евра, што секако е одлична сума за играч чиј договор истекува на крајот од сезонава.

Цаке оваа сезона во дресот на Шкендија одигра 12 меча, од кои шест беа во рамките на Конференциската лига на УЕФА, а со своите настапи го привлече вниманието на повеќе клубови кои беа заинтересирани за него.

Ахмат Грозни, кој се наоѓа на 8. место на табелата во руската Премиер лига, а со Цаке ќе потпише договор на три години.

Серхио Рамос ќе ја засили Ница?

Никола Ѓуровски
-
0
Серхио Рамос ќе ја засили Ница?

Искусниот шпански дефанзивец Серхио Рамос не размислува за повлекување и има јасна желба да продолжи да игра на највисоко ниво. Неговата следна фудбалска станица би можела да биде Франција, поточно југот на земјата и клубот Ница.

Според француски извори, шпанскиот стопер веќе е во преговори со францускиот прволигаш, кој моментално се соочува со сериозна криза. Клубот неодамна остана без тренер, откако Франк Ез си замина по 18 месеци, по немилиот инцидент во кој дел од играчите и спортскиот директор биле нападнати од навивачи.

Во Ница веруваат дека токму ангажманот на Серхио Рамос би можело да донесе стабилност и да го „изгасне пожарот“. Искусниот Шпанец во моментов е слободен агент по заминувањето од мексиканскиот Монтереј, а зад себе има импресивна кариера со настапи за Севиља, Реал Мадрид и Пари Сен Жермен.

Ница се наоѓа на 13-тата позиција на табелата во Лига 1 со 17 бода и е во серија од шест последовни порази, што дополнително ја зголемува потребата од итни и квалитетни засилувања.

Роналдо го постигна најбизарниот гол во кариерата (Видео)

Трајан Маневски
-
0
Роналдо го постигна најбизарниот гол во кариерата (Видео)

Екипата на Ал-Наср одигра само 2:2 на гостувањето кај Ал-Етифака, во 11. коло од првенството на Саудиска Арабија. Ова беше прв пат сезоната Ал-Наср да не победи во домашниот шампионат, откако по првите 10 кола освои перфектни 30 бодови.

Ал-Наср доминираше на теренот. Гостите упатија 26 шута кон противничкиот гол од кои седум беа во рамите на голот, но на крајот не победија. Домаќините поведоа со голот на Вајналдум во 16 минута, што беше резултат по првото полувреме.

На почетокот на вториот дел, Жоао Феликс израмни на 1:1, а потоа во 67 минута на сцена стапи Кристијано Роналдо. Португалецот го постигна најбизарниот гол во кариерата, откако по еден шут на гостински играч, топката го удри Роналдо во грбот, го смени правецот на движеше и заврши во голот.

За Роналдо ова е 957 гол во кариерата.

Ал-Наср водеше со 2:1, но не успеа да победи затоа што Вајналдум се претвори во херој на домашниот тим и со својот втор гол израмни на 2:2.

„Кралот Казу“ пронајде нов клуб и на 59 години

Никола Ѓуровски
-
0
„Кралот Казу“ пронајде нов клуб и на 59 години

Јапонскиот фудбалер Казујоши Миура, највозрасниот професионален фудбалер во светот, потпиша договор за позајмица до јуни со третолигашот Фукушима јунајтед, соопшти клубот.

Миура во февруари ќе наполни 59 години, а овој трансфер значи дека би можело повторно да игра во Џеј-лигата, односно во една од трите највисоки јапонски лиги, првпат по пет години.

Поранешниот репрезентативец на Јапонија ја започна кариерата во 1986 година во бразилскиот Сантос, а минатата сезона настапуваше на позајмица во четвртолигашот Атлетико Сузука, каде што не постигна гол во вкупно 69 минути игра распределени на седум натпревари.

„Мојата страст кон фудбалот не се промени, без разлика на годините. Многу сум благодарен за оваа можност и ветувам дека ќе го дадам максимумот за да придонесам за тимот. Ајде заедно да создадеме историја“, изјави Миура, кој се подготвува за својата 41-ва сезона во професионалниот фудбал.

Миура, познат во Јапонија како „Кралот Казу“, ова ќе му биде четврта позајмица од 2022 година од Јокохама, член на Втората лига на Јапонија. За тој клуб потпиша во 2005 година, но од 2020 година нема забележано ниту еден настап.

За време на клупската кариера играше и во Италија, Хрватска и во Австралија.

Во дресот на репрезентацијата на Јапонија постигна 55 гола на 89 натпревари, а интернационалната кариера ја заврши во 2000 година.

Миура претходно изјави дека сака да игра до 60 години, а по испаѓањето во регионалните лиги минатата сезона порача дека е подготвен за нов предизвик.

Фукушима јунајтед минатата сезона заврши на десеттото место во конкуренција на 20 клубови во Третата лига на Јапонија.

Дупната гума е причина за сообраќајката во која загинаа две лица, а легендарниот боксер Џошуа се спаси

Трајан Маневски
-
0
Дупната гума е причина за сообраќајката во која загинаа две лица, а легендарниот боксер Џошуа се спаси

Нигериската полиција потврди дека дупната гума е причина за сообраќајната несреќа во која за малку ќе настрадаше британскиот боксер Ентони Џошуа, но имаше двајца загинати. Легендарниот 36-годишен боксер едвај се спаси откако автомобилот „СУВ лексус“, во кој тој седеше на задното седиште, удри во застанат камион на опасниот пат Лагос-Ибадан.

За разлика од Џошуа, неговите пријатели Латиф Ајоделе и Сина Гами загинаа на самото место на сообраќајката. Двајцата мажи кои беа речиси исто годиште како Џошуа, патуваа со поранешниот светски првак во тешка категорија.

Бабатунде Акинбији, кој е командант на Нигериската полиција за сообраќај и контрола, изјави дека првичната истрага покажала дека Лексусот загубил контрола откако дошло до пукање на едната гума додека автомобилот возел со голема брзина.

Полицијата верува дека „СУВ лексусот“, кој бил управуван од локален возач, изгубил контрола додека се обидувал да престигне друго возило.

Фотографиите и видеоснимките од местото на несреќата покажуваат дека камионот бил застанат покрај патот, блиску до внатрешната лента на автопатот на којшто имало три ленти за движење.

Џошуа и возачот преживеаја затоа што биле на левата страна од возилото, додека двајцата настрадани биле на десната страна на предното и задното седиште.

Од Нотингам форест се жалат на судењето, сметаат дека се оштетени во дуелот против Манчестер сити

Трајан Маневски
-
0
Од Нотингам форест се жалат на судењето, сметаат дека се оштетени во дуелот против Манчестер сити

Екипата на Нотингам форест не е ни бледа сенка на одличните резултати од минатата сезона, па сега е во долниот дел од табелата. По 18 одиграни меча, Нотингам форест освои само 18 бода и е на 17-тата позиција, последна која носи спас од испаѓање.

Пред три дена, Нотингам форест на свој терен загуби од Манчестер сити со 1:2 во меч на кој сите три гола беа постигнати во второто полувреме. Сити поведе, па домаќините израмнија, а во 83-тата минута Граѓаните стигнаа до 2:1 и победа на теренот на Нотингам форест.

Челниците на Нотингам форест сега и официјално вложија жалба до Организацијата на професионални судии во Англија (ПГМОЛ), и тоа за две спорни ситуации. Од клубот побарале да ги слушнат аудиоснимките меѓу судиите за моментот од почетокот на второто полувреме, кога Рубен Дијаш го фаулира Игор Жезус. Домаќините сметаат дека играчот на Сити требало да добие втор жолт картон, но тоа не се случи.

Втората ситуација е кога Сити го постигна голот за победа од 2:1. Рајан Шерки беше стрелец, а од Нотингам форест сметаат дека во зачетокот на акцијата, Морган Гибс го фаулирал Нико О’Рајли.

 

Вардарецот Мато блесна и на АКН: Даде гол против Нигерија, но неговата Уганда загуби (Видео)

Трајан Маневски
-
0
Вардарецот Мато блесна и на АКН: Даде гол против Нигерија, но неговата Уганда загуби (Видео)

Фудбалерот на Вардар, Роџерс Мато, постигна гол на Африканскиот куп на нациите. Мато, кој го носи дресот на Уганда, постигна погодок во дуелот со фавортитот Нигерија, но тој не беше доволен да се избегне поразот.

Нигерија водеше со 3:0, Уганда беше со играч помалку, а Мато погоди за 1:3 во 75-тата минута, и тоа по една одлична акција која може да ја видите ТУКА.

1...91011...10.322Страна 10 од 10.322

Спорт Манија е портал наменет за љубителите на спортот кој почна со работа на 14 септември 2018 година.

Контакт: contact@sportmanija.mk

Спорт Манија © 2018-2023