Без наслов - Страница 10089

Трајковски бил соиграч со тројца косовски репрезентативци

-

13.09.2018

Крилниот центар Бојан Трајковски добро ја познава салата во Приштина, каде што вечерва ќе се игра мечот Косово – Македонија, а тој делеше иста соблекувална и со тројца косовски репрезентативци кои ќе се најдат од другата страна на средбата од претквалификациите за Евробаскетот 2021.

Додека играше за косовскиот клуб Сигал Приштина, а тоа беше по неколку месеци во две различни сезони, Трајковски беше клупски колега со Фисник Ругова, Дардан Бериша и Леонард Мекај, кои вечерва ќе бидат во составот на селекторот Дамир Мулаомеровиќ.

Трајковски во 2015 година, како член на Приштина, освои тројна круна, поточно шампионската првенствена титула и Купот на Косово, како и трофејот во регионалната Балканска лига БИБЛ.

Иако и на стручниот штаб на македонската репрезентација добро му се познати квалитетите на Бериша, кој е главен поентер на Косово, сепак,вдобредојдени може да бидат информациите на Трајковски, кој одлично го познава косовскиот бек кој своевремено настапуваше и за репрезентацијата на Полска.

Мајкл Џордан „влезе“ и во Пари Сен Жермен

Трајан Маневски

-

13.09.2018

0

Влијанието на Мајкл Џордан преку неговата спортска марка „Аир Џордан“ добива нова димензија. Откако стана главна во кошарката, а потоа се рашири и на останатите спортови низ Америка, сега влегува и во фудбалот. И тоа не каде било, туку директно во редовите на францускиот првак Пари Сен Жермен.

Денеска во Париз беше промовирана новата опрема на „светците“ со заштитниот знак на Мајкл Џордан. Американската фирма ќе пушти повеќе од 90 различни продукти со амблемот на ПСЖ, каде што главни ѕвезди се Нејмар, Килјан Мбапе и Единсон Кавани.

Двете страни се договориле да склучат договор на три години, а Џордан верува дека францускиот клуб е вистинско место за да се промовира во фудбалот. Веќе неколку години ПСЖ е доминантен во Франција, а тимот се надева дека сезонава може да има историска година и во Лигата на шампионите, која никогаш ја нема освоено.

Мулаомеровиќ: Мечот со Македонија е најважен за нас

Трајан Маневски

-

13.09.2018

0

Дамир Мулаомеровиќ како селектор на националниот тим на Косово во пресрет на пресметката со Македонија, која е негова дебитантска како предводник на нашите соседи, смета дека вечерашниот меч е клучен за Косово во оваа претквалификациска фаза.

„Групата е тешка, можеби и најтешка во овие претквалификации, но верувам во својот тим. Момците ја извршуваат секоја задача. Мислам дека најважен ќе биде овој натпревар со Македонците, бидејќи по ова, имаме гостувања во Скопје и Романија. Мораме да водиме сметка и за кош-разликата. Знаеме дека салата ќе биде полна, интересот е голем, а наше е да дадеме максимум и да одиме на победа“, вели 43-годишниот Мулаомеровиќ.

Новиот селектор на Косово верува дека успеал да ја смени филозофијата на тимот и дека тимот ќе биде и психички подготвен. На располагање го имаат и истиот натурализиран играч кој настапи за Косово и лани во Скопје, тоа е Скот Бамфорт.

„Македонија има добар тим. Тоа што им се приклучи Ричард Хендрикс, не ги менува нашите планови. Ги повикувам навивачите да дојдат во голем број бидејќи овие играчи заслужуваат голема поддршка“, изјави Мулаомеровиќ.

Вардар ја има втората најдобра атмосфера во ракометната Европа

Трајан Маневски

-

13.09.2018

0

Доскорешниот тренер на Вардар, Раул Гонзалес, го доби признанието за најдобар стратег во Лигата на шампионите за минатата сезона. Така решија сите тренери кои гласаа во традиционалниот избор кој го спроведува Европската ракометна федерација (ЕХФ) пред стартот на новата сезона во ЛШ.

Актуелниот македонски ракометен селектор, а сега тренер на Пари Сен Жермен, доби 18 гласови и за еден глас беше подобар од предводникот на европскиот првак Монпелје, Патрис Канаје.

Атмосферата која навивачите на Вардар ја создадаваа минатата сезона во „Јане Сандански“ е на второ место во гласањето. Како подобри навивачи се покажале само фановите на Веспрем.

Во идеалниот тим кој го одбраа тренерите место имаше за некогашните Вардарци, Арпак Штербик (голман) и Лука Циндриќ (централен бек). Меѓу најдобрите се и Уве Генцхајмер (лево крило), Микел Хансен (лев бек), Давид Балгер (десно крило), Дика Мим (десен бек) и Лудовик Фабрегас како пивот.

Креативно: Во Лајпциг има „тркало на казните“

Трајан Маневски

-

13.09.2018

0

Креативно решение за тоа како да ги дисциплинира непослушните фудбалери смислил тренерот на Лајпциг, Ралф Рангник.

Стратегот на бундеслигашот направил „тркало на казните“. Секој оној што ќе задоцни на тренинг, нема да ги слуша неговите задачи и ќе отстапи од правилата во клубот, ќе има можност да си ја проба среќата на „тркалото на казните“.

За разлика од традиционалните и стандардни парични казни кои се применуваат во останатите клубови, во Лајпциг има друг вид казни. Тркалото може да застане на „три часа работа во клупската продавница“, „да ја искоси тревата на стадионот“, „да исчисти дел од трибината“, „да послужи храна во клупското бифе“, „да им купи подароци на сите во клубот“ или „да биде водич на оние кои сакаат да го разгледаат стадионот“.

Сите овие казни и не се толку лоши, а фудбалерите најмногу се плашат „тркалото на казните“ да не застане на „да го одработи тренингот облечен како балерина“. По овој нов метод на казнување на тренерот Рангник, фудбалерите сигурно многу повеќе ќе внимаваат.

Дресовите на Барди одат како алва

Зоран Поповски

-

13.09.2018

0

Македонскиот репрезентативец Енис Барди станува сè повлијателен во Леванте, па и во шпанската Ла Лига, а „Марка“ објави дека играчот од средниот ред е во топ 3 играчи на својот клуб според продажбата на дресовите.
Десетката на Барди е најпродавана, по тие на соиграчите Хозе Моралес и Роџер Марти. Или по редослед, дресовите со броевите 11, 9 и 10 се најбарани во Валенсија, од каде што е Леванте. Секако, ова е клупско рангирање, но и голем комплимент за игрите и односот на Барди.
Нашиот репрезентативец ја игра само втората сезона во Ла Лига и во Леванте, а веќе е во друштво на капитенот Моралес и на Роџер, кои се многу подолго од него во клубот.
Дебитантската сезона, лани во Леванте, Барди ја одигра брилијантно. Неговите слободни удари беа сензационални за шпанските љубители на фудбалот, а со девет голови нашиот репрезентативец беше меѓу најефикасните кај Леванте.

И казнети и среќни – Киево остана без три бода и 200 илјади евра

Зоран Поповски

-

13.09.2018

0

Киево остана без три бода по одлуката на италијанскиот суд да го казни калчолигашот од Верона поради малверзации на раководството.
И покрај казната, која е надополнета и со парична глоба од 200 илјади евра, во Киево можат да бидат среќни.
Првично, Обвинителството бараше многу подрастична казна и минусирање на 15 бодови во тековното првенство.
Претседателот на популарните „lетечки магариња“, Лука Кампедели, е казнет со тримесечна суспензија.
Раководството на Киево е фатено во сериозни финансиски малверзации со лажно зголемување на цените на играчите.
Кампедели во соработка со дел од раководството на Чезена разменувале фудбалери по цена многу повисока од реалната, а клубот направил ќар од 25 милиони евра.

Победата за Македонија кај Косово ќе вреди повеќе од два бода

Трајан Маневски

-

13.09.2018

0

Првиот голем чекор за македонската сениорска репрезентација кон враќањети во европската кошаркарска елита треба да биде победа на вечерашното (почеток 20.30 часот, пренос Алфа ТВ) гостување во Приштина, кај соседот Косово.

Доколку „црвено-жолтите“ го поминат косовскиот тест на гостински терен, вратата до место меѓу 32-те најдобри во Европа ќе биде отворена, а низ неа ќе треба да се мине преку подобар меѓусебен биланс против Романија, која в недела ни гостува во Скопје.

Македонскиот национален тим лани гостуваше во Приштина и загуби со 68:72. Конечниот резултат не изгледа страшно, но тој пораз ја спречи Македонија да настапи во квалификациите за Светското првенство 2019. Не смее да се повтори ланското прво полувреме, во кое Косово направи огромни 40:20. Македонија беше подобра во второро полувреме, но само за да избегне катастрофа. Сега доколку одиграме сконцентрирано во сите 40 минути, имаме реални шанси.

„Секогаш е потешко кога се игра на гости, без разлика дали е прв или последен меч од циклусот. Мора да одиграме сконцентрирано и да прикажеме добра игра. Одработивме два тренинга во салата во Приштина и можам да кажам дека играчите се подготвени. Оние кошаркари кои се жалеа на ситни повреди, не пријавија никакви проблеми и тренираа со полн интензитет. Ќе мора да внимаваме на повеќе елементи во играта, да ги спречиме во намерата да ги блокираат нашите играчи, а во ист момент да внимаваме на одбраната, особено над Дардан Бериша, чии квалитети добро ги знаеме. Многу ќе ни биде полесно понатаму ако успееме оваа фаза да ја отвориме со гостинска победа“, вели селекторот Јорданчо Давитков, кој вчера наполни 55 години.

Косово е во црна серија од шест порази по ред, последната победа им е над Естонија, на домашен терен на 19-ти август 2017, и таа победа ја исфрли Македонија од место во квалификациите за СП.

Во понудата на SPORT LIFE, Македонија е фаворит. Квотата за победа на нашите е 1.40. Коефициентот за победа на Косово е 2.95, а за нерешено по 40 минути игра, квотата е 16.0.

Ривалство кое завршувало и со тепачки на теренот

Трајан Маневски

-

13.09.2018

0

Кошаркарските дуели меѓу Србија и Грција често знаат да бидат вистинска класика. Големите ривали вечерва ќе играат во квалификациите за пласман на Светското првенство. Грција е домаќин, но Србија најавува дека оди на победа.

По досегашните шест кола во групата, Грција е перфектна со шест победи, но ниеднаш нема играно со Србија, ниту со Германија, кои се главните ривали. За разлика од Грците, Србија веќе претрпе два порази во групата, и двата во дуелите со Германија.

Првопласираните три селекции одат на завршницата на Мундијалот, што значи дека покрај Германија, токму Србија и Грција треба да се најдат на завршницата. Сепак, секогаш е големо задоволство да се победи лутиот ривал. За тоа какви може да бидат дуелите на овие ривали, потсетува и мечот од 2010 година, кога на пријателски турнир на теренот се случи масовна тепачка. Сега не би требало да излезат работите од контрола, но сигурно дека ќе има „искри“.

Грците најавија дека ќе бидат во најсилниот состав, но и покрај тоа, гостите се фаворити. Србите најавија дека ќе атакуваат на двата бода за да ја продолжат низата од четири победи што ја имаат против Грција.

Во ваква ситуација, кога Србија е фаворит, а и традицијата е на нејзина страна, како предлог тип за денеска нудиме 2-2, односно Србија да води на полувреме и на крајот да се радува на триумф. За ваков расплет, во обложувалниците на SPORT LIFE коефициентот е 2.25.

Само за победа на Србија, коефициентот во SPORT LIFE е 1.65, додека триумф на Грција „вреди“ 2.25. Евентуално драматично реми е со коефициент 12. „Границата“ за вкупно поени е на 155,5 поени.

Нема бегање од нов дуел – Вардар против Македонија Ѓ.П дерби во 1/8-финалето на Купот

Зоран Поповски

-

13.09.2018

0

Локалното скопско дерби меѓу Вардар и Македонија Ѓорче Петров ќе биде во фокусот на осминафиналните мечеви во националниот Куп на Македонија.
Ждрепката што се одржа денеска сакаше двете екипи да играат меѓу себе по четврти пат во кус рок од околу еден месец.
Најмногу ќари второлигашот Кораби, кој ќе биде слободен и директно го мина осминафиналето.
Бранителот на трофејот, Шкендија, ќе м у биде домаќин на второлигашот Кит-Го, а и останатите дуели ќе бидат интересни.
Првите дуели ќе се играат на 19-ти септември, а реваншите се три недели подоцна.

Двојки, осминафинале, Куп на Македонија:
Вардар – Македонија Ѓ.П., Шкендија – Кит-Го, Брегалница – Академија Пандев, Пелистер – Беласица, Гостивар – Победа, Скопје – Силекс и Тиквеш – Работнички. Слободен е Кораби.