Дома Blog Страница 10547

Неверојатен пропуст на полицијата ги предизвика сите нереди во Буенос Аирес (Видео)

Трајан Маневски
-
0

Јужна Америка ќе почека додека го дознае новиот континентален владетел, бидејќи синоќешниот реванш дуел од финалето во Купот Либертадорес меѓу Ривер плата и Бока јуниорс, не се одигра. Причина за тоа е дивеењето на домашните навивачи пред мечот.

Првиот и најголем инцидент се случи кога автобусот со кои беа пренесувани играчите на Бока јуниорс, беше нападнат од фанови  на Ривер плата. Навивачите на Ривер фрлаа со секакви тврди предмети кон автобусот и успеаа да искршат повеќе стакла. Дел од скршените стакла повредија неколку играчи на Бока.

Кулминацијата се случи на влезот од стадионот, каде гостите беа нападнати и со солзавец. По овие напади, следуваше жестока пресметка меѓу полицијата и разулавените фанови на домаќините. Тројца гостински играчи мораа да одат во болница за да им бидат санирани повредите, а почетокот на мечот неколку пати беше поместуван, за на крајот да се одлучи дека нема услови за игра.

Според некои анализи, полицијата во голем дел е виновна за настанатите нереди, бидејќи решила автобусот со играчите на Бока да помине низ делот од градот каде што со часови претходно биле стационирани најверните фанови на Ривер.

Најавите се дека средбата треба да се одигра вечерва во 21 часот, но не се знае дали тоа ќе биде на стадионот на Ривер, бидејќи легендарниот „Монументал“ е затворен од градските власти. 

 

Нередите се претворија во грабежи низ Буенос Аирес (Видео)

Трајан Маневски
-
0

Наместо фудбалски празник и добивање на новиот јужноамерикански клупски првак, синоќа во Буенос Аирес се случи вистински хаос. Навивачите на Ривер плата го нападнаа автобусот во кои се превезуваа играчите на Бока јуниорс, а потоа настрадаа и неколку фудбалери на гостите.

Тоа е причината поради која подоцна се случи вистински хаос околку, но и во стадионот, па мораше мечот да се одигра денеска со почеток во 21 часот.

Во хаосот кој синоќа се случуваше низ улиците на Буенос Аирес, се вклучија и луѓе кои не се навивачи на Ривер плата, но имаше и такви кои со дресови во бело-црвена боја правеа нешто што нема врска со фудбалот, кршеа и крадеа по автомобили.

 

 

Голден Стејт победи со кош на 5 секунди до крајот (Видео)

Трајан Маневски
-
0

Откако за прв пар нанижаа четири порази по ред со Стив кер на клупата, Голден Стејт многу брзо се врати на победите. „Воините“ сега имаат два триумфа во низа. Ноќеска беше победен Сакраменто со 117:116. Во неизвесна завршница, НБА шампионот до победата стигна благодарение на поените на Клеј Томпсон постигнати на пет секунди до крајот.

Последниот напад го имаа гостите, но промашија и пропуштија да направат изненадување. Томпсон кој го даде решавачкиот кош, на крајот заврши со 31 поени, а прва ѕвезда на вечерта беше Кевин Дурант кој за 40 минути игра, реализираше 44 поени.

Кливленд повеќе не е најслаб тим во лигата. „Коњаницата“ прв пат сезонава спои два триумфа, откако со 117:108 беше подобра од Хјустон. Единствената победа на гостински терено ноќеска ја забележа Денвер и тоа на теренот на Оклахома, победувајќи со 105:98.

Резултати: Кливленд – Хјустон 117:108, Минесота – Чикаго 111:96, Оклахома – Денвер 105:98, Вашингтон – Њу Орлеанс 124:114, Далас – Бостон 113:104, Голден Стејт – Сакраменто 117:116, Милвоки – Сан Антонио 135:1298.

Затворен стадионот на Ривер! Не се знае каде ќе се игра финалето

Трајан Маневски
-
0

Нема крај на сапуницата наречена финале во Купот Либертадорес. Ривер плата и Бока јуниорс вечерва требаше да го одиграат реванш мечот и да решат кој ќе биде новиот јужноамерикански првак, но тоа не се случи. Причина за тоа се нередите кои ги приредија навивачите на Ривер.

Домашните фанови првично ги нападнаа гостинските играчи, а потоа се случија големи нереди и околу стадионот „Монументал“. Неколку играчи на Бока јуниорс завршија во болница поради нападот, па по неколку саати размислување, беше решено финалето да се одложи за 24 часа.

Откако нередите продолжија, градските власти изненадувачки решија да го затворат стадионот „Монументал“. Тоа значи дека домот на Ривер е суспендиран и не се знае каде ќе се игра реванш дуелот кој треба да се игра в недела со почеток во 21 часот и по кој треба да се знае новиот јужноамерикански првак. Можно е од Ривер да добие парична казна за лоша организација, па доколку таа биде платена, мечот сепак да се одигра на местото на кое првично и требаше да се игра реваншот.

 

Навивачки стампеда во и надвор од стадионот (Видеа)

Трајан Маневски
-
1

Никој не може да ја контролира ситуацијата на и надвор од стадионот „Монументал“ каде вечерва требаше да се игра реванш мечот од финалето во Купот Либертадорес меѓу Ривер плата и Бока јуниорс. ПОради нередите кои ги направија навивачите на Ривер и нападот врз фудбалерите на Бока, дуелот се одложи.

Одложувањето на мечот создаде дополнителен проблем. Вистински хаос завладеа на и надвор од стадионот. На една од снимките се гледа како претседателот на Ривер се обидува да даде изјава, но тој самиот прекинува со снимањето и бега, откако гледа како толпа народ неконтролирано трча.

https://twitter.com/TVDMolen/status/1066462564006141953

Ништо не беше подобра ситуацијата и пред стадионот, а полицијата со пендраци во рацете се обидува да воспостави ред.

 

 

Работата е вон контрола: Навивач на Ривер застрелан со гумен куршум (Видео)

Трајан Маневски
-
1

Дел од улиците на главниот град на Аргентина, Буенос Аирес се во хаос. Навивачите на Ривер плата се во „војна“ со полицијата. Нередите започнаа при доаѓањето на автобусот со играчите на Бока јуниорс, кои требаше на „Монументал“ да го одиграат реванш мечот од финалето во Купот Либертадорес.

Откако беа нападнати гостинските играчи, низ улиците постојано има нереди и пресметки меѓу навивачите и полицијата. Според неофицијални извори, еден навивач на Ривер е погоден со гумен куршум, па дури тогаш се случил хаосот.

Дополнители нереди имаше по излегување на навивачите на Ривер од стадионот, откако беше јасно дека мечот ќе биде одложен.

Ако е се како што треба, реванш мечот од финалето на Купот Либертадорес, ќе се игра утревечер во 21 часот.

 

Аргентинска сапуница – Суперкласико ќе се игра утре од 21 часот

Зоран Поповски
-
0

Суперкласико втор дел ќе се игра утре од 21 часот, а конечната одлука е со одобрение на челниците на јужноамериканската федерација.

Инцидентот што го направија навивачите на Ривер Плата со напад на автобусот со играчи на Бока јуниорс сепак имаше сериозни последици по фудбалерите на гостинскиот тим. Тие сепак ќе имаат време од еден ден да се вратат од шокот и да го играат реваншот во финалето на Копа Либертадорес, на полниот „Ел Монументал“, кој е дома на Ривер Плата.

И првиот меч беше одложен, па на „Ла Бомбоњера“, каде домаќин е Бока јуниорс првично не се играше во закажаниот термин, но тогаш причина беше големото невреме. Сега пак има одложување, но од многу посериозна причина, а тоа е атакот на домашните навивачи на автобусот со играчи на Ривер Плата.

Првиот меч заврши нерешено, 2:2, но во јужноамериканската Лига на шампиони, или како што се нарекува Копа Либертадорес, не важи правилото за повеќе голови на гости при израмнет резултат на двата меча, па реваншот и двете екипи ќе го почнат без предност.

 

Тевес: Вистината е дека сме приморени да играме

Трајан Маневски
-
1

Една од најголемите ѕвезди на Бока јуниорс, Карлос Тевес вели дека тие не сакаат вечерва да го играат реваншот од финалето во Либертадорес купот против Ривер плата, но се приморани на тоа. Тевес беше еден од оние кои повраќаше, откако играчите на Бока беа нападнати со солзавец, при доаѓањето на стадионот „Монументал“.

Соиграчот на Тевес, Перес заврши со повредено око и тој сигурно нема да игра.

„Вистината е дека ние не сакаме да играме, но сме приморани. Перес има повреда на окото“, вели Тевес.

Играчите на двата тима излегоа да се загреваат. Стартот на дуелот е закажан за 23:15 часот.

Додека сите чекаат старт на средбата, пред стадионот има нови нереди.

 

(Видео) Дембеле и го чува врвот на Барселона – Атлетико не успеа да го прекине 10-годишниот пост

Зоран Поповски
-
0

Атлетико Мадрид не успеа да го прекине 10-годишниот пост без победа против Барселона, а ги спречи Осман Дембеле со израмнувачки гол за гостите во 89. минута. Претходно Диего Коста со првиот погодок од февруари годинава му донесе предност на домаќинот.

Коста беше прецизен во 77. минута на асистенција на Гризман, но потоа на сцена стапи танедмот Меси и Дембеле. Аргентинецот одлично го проигра помладиот соиграч, а францускиот ас погоди за реми во самиот финиш од дербито.

Барселона остана на лидерската позиција со 25 бодови од 13 натпревари, Атлетико е вторпласиран со бод помалку, но Севилја може да ги прескокне и двете екипи, ако утре го победи Валјадолид на домашен терен.

https://twitter.com/ElevenSports_UK/status/1066443620637659137

https://twitter.com/FIFAWCGoals/status/1066446833172578304

Интер ќе преноќи до Јувентус

Зоран Поповски
-
0

Интер имаше лесна задача и рутински ја заврши со победа од 3:0 против Фрозиноне, па од втората позиција ќе го чека расплетот на утрешните мечеви од 13. коло во Серија.

Кејта Балде се разигра постигна два гола за домаќините, а иницијативата што ја имаше Интер во текот на целиот меч со гол ја круниса и Лаутаро Мартинес.

Интер има 28 бодови, исто како и Наполи, но со меч повеќе, а двете екипи заостануваат за 9 бодови зад Јувентус, екипа која денеска го победи Спал со 2:0.

1...10.54610.54710.548...10.818Страна 10.547 од 10.818