Дома Blog Страница 10627

На ораницата „Вембли“ подобро се снајде Манчестер сити

Зоран Поповски
-
0

Манчестер сити го победи Тотенхем со 1-0 на исклучително лошиот терен на „Вембли“, а победничкиот гол беше дело на Ријад Марез во шесттата минута.

На храмот на фудбалот во Англија, на „Вембли“ играчите на двете екипи се мачеа да ја исконтролираат топката, на теренот оштетен од натптреварите на НФЛ-екипите.

Сепак, подобро се снајдоа гостите и победија за продолжување на серијата без пораз во Премиер лигата. Манчестер сити има 8 победи и две нерешени, исто како и Ливерпул, па двете екипи се на првите две позиции со по 26 бодови.

По поразот вечерва, Тотенхем падна на петтата позиција со 21 бод.

Икарди е незадржлив, Интер лесно го „среди“ Лацио

Зоран Поповски
-
0

Мауро Икарди потврди дека е во извонредна форма, постигна два од трите голови на дербито во Серија А, кое го доби неговиот Интер против Лацио.

Икарди ги постигна првиот и третиот погодок, а во меѓувреме и Брозовиќ беше прецизен за убедливи 3-0 и пробив на второто место на табелата.

Мечот беше под знак прашалник и беше неизвесно дали ќе се игра поради невремето во Рим, кое очигледно повеќе им пречеше на домаќините, на играчите на Лацио.

„Лацијалите“ беа инфериорни и го доживеаја третиот едноподруго пораз од Интер во меѓусебните дуели на „Олимпико“.

Ајакс е неприкосновен, Балканот е фабрика за таленти

Зоран Поповски
-
0

Ајакс има најмногу продадени играчи во Европа, точно 77, објави Фудбалската опсерваторија „CIES“, а по него следуваат познати клубови од просторите на поранешна Југославија.

Услов е играчите да настапувале најмалку три години за клубот, а Ајакс и од порано е познат како клуб-расадник за таленти.

По него, на делба на второто место се Партизан од Белград и Динамо Киев со по 69 фудбалери што играат во странски клубови.

Ерата на Здравко Мамиќ во Динамо Загреб заврши, но популарните „модри“ во минатиот период продаваа доста играчи, и тоа мошне скапо. Имаат 66-мина фудбалери што минале низ „Максимир“, а сега играат во други клубови.

На четвртото место е Црвена ѕвезда со 61, а топ 5 го затвора Спортинг Лисабон.

Во анализата на „CIES“, се опфатени 31 европска лига.

Заврши сагата со Лопетеги – Реал му врачи отказ, ќе го менува Солари

Зоран Поповски
-
0

Сагата со Хулен Лопетеги заврши и Реал Мадрид и официјално му врачи отказ, а како што објавија на клупската страница, нов тренер, но само како привремено решение, е поставен Сантијаго Солари.

„Сакаме да ја промениме динамиката, а сите цели сè уште се достижни. Има диспропорција меѓу квалитетот на играчите и нивните игри на теренот во последно време. Имаме 8 номинирани фудбалери за Златната топка и лоши резултати“, стои во соопштението на Кралскиот клуб.

Солари е тренер на вториот тим на Реал Мадрид, позиција од која на кормилото на актуелниот европски првак дојде и Зинедин Зидан. Тренер, кој имаше одлични резултати и освои три титули во Лигата на шампионите со Реал.

Нов проблем за Валенсија, се повреди капитенот Парехо

Зоран Поповски
-
0

Капитенот на Валенсија, Дани Парехо, ќе биде отсутен најмалку две седмици од терените, а има проблем со стомачниот мускул.

Валенсија игра лошо, нема победа на три меча по ред во Ла Лига, шест ако се сметаат и дуелите во Лигата на шампионите, а сега ќе го нема и капитенот.

Претходно се повреди и Езекиел Гарај, па „лилјаците“ имаат дополнителни проблеми пред дуелот со Жирона на трети ноември.

Шоу му фати сеир на Погба – Побрзо се вратив од повреда и го обновив договорот

Зоран Поповски
-
0

Јусејн Болт побрзо трча на 100 метри од времето што му треба на Пол Погба да изведе пенал, а сеир на соиграчот од Манчестер јунајтед му фати и Лук Шоу.

Бекот на „црвените ѓаволи“ на својот профил на „Твитер“ напиша дека побрзо се вратил по повредата и патем и го обновил договорот со Јунајтед од времето што му требаше на Погба да го изведе пеналот.

Ситуацијата во 27-мата минута на дуелот со Евертон беше мошне интересна, а на Пол му требаше цела вечност да го изведе ударот од белата точка и промаши. Сепак, веднаш потоа даде гол и Јунајтед го победи Евертон со 2-1.

Понеделнички проблеми со терените – „Вембли“ е ораница, Тотенхем и Сити имаат проблем

Зоран Поповски
-
0

Тревникот на „Вембли“ е оштетен и Тотенхем и Манчестер сити ќе имаат многу проблеми пред дербито во Премиер лигата вечерва, од 21 часот.

На храмот на англискиот фудбал се играат мечеви од НФЛ, па моментно на час и половина до почетокот на последниот меч од 10-тото коло во Премиер лигата теренот личи на ораница.

Во Англија велат дека ваков лош терен на „Вембли“ немало во последните 15 години, па играчите на Тотенхем и на Манчестер сити ќе имаат многу проблеми со контролата на топката.

 

Последна вест од Рим – Дербито во Серија А ќе се игра

Зоран Поповски
-
0

Лацио и Интер сепак ќе го играат дербито од 10-тото коло во Серија А, иако беше најавено дека е можно одложување поради невреме.

Во Рим врне дожд постојано, но „лацијалите“ се снајдоа навреме и теренот е покриен со специјални фолии, па не е оштетен.

Проблем е и сообраќајот, но се очекува „Олимпико“ да биде пристојно пополнет за мечот што е на распоред вечерва, од 20.30 часот.

 

Пресврт! Конте нема да дојде во Реал

Трајан Маневски
-
0

Антонио Конте се најавуваше како речиси сигурно решение за тренерското место на Реал Мадрид. Кралскиот клуб треба официјално да му даде отказ на Хулен Лопетеги и да најде негова замена. Италијанскиот стратег Конте беше прва опција за седнување на клупата на „Сантијаго Бернабеу“, но сега работите се комплицираат.

Дел од играчите, предводени од капитенот Серхио Рамос, биле против опцијата Конте да биде новиот тренер. Италијанецот е познат како човек кој воведува цврста дисциплина во екипите во кои работи, а тоа не им се допаѓа на многу играчи. Конте има и посебен режим за исхрана на фудбалерите, а за тоа може да прочитате ТУКА.

Сега е многу веројатно дека Сантијаго Сколари ќе биде на чело на екипата за дуелот од Купот на Шпанија против Мелија. Сколари моментно работи во Реал Мадрид Б. Доколку не се најде соодветно решение, постои опција Сколари да биде и наследник на Лопетеги. Ако тоа се случи, потегот би бил сличен на тој кога беше назначен Зинедин Зидан. Французинот беше тренер во Реал Мадрид Б, а кога дојде во првиот тим, со „кралевите“ освои три титули европски првак.

Се одложува дербито Лацио – Интер?

Трајан Маневски
-
0

Дербито од 10-тото коло во италијанската Серија А меѓу Лацио и Интер може вечерва да не се одигра. Причина за тоа е дождот кој деновиве врне во главниот град на Италија. Според некои прогнози, токму за време на мечот можно е да има и невреме со обилен дожд, кој ќе биде причина дуелот да не се одигра денеска.

Лацио и Интер одлично ја започнаа сезоната. Во досегашните девет меча Интер е трет со 19 бодови, а Лацио има еден бод помалку на четвртата позиција. Останува да дојде 20.30 часот и да видиме какви ќе бидат временските услови во Рим и дали теренот на „Олимпико“ ќе биде подготвен за овој возбудлив дуел.

 

1...10.62610.62710.628...10.802Страна 10.627 од 10.802