Дома Blog Страница 10635

Борусија игра фудбал за мерак, во Дортмунд ќе падне и Херта

Зоран Поповски
-
0

Германскиот фудбал го познава одлично, беше дел од Бундеслигата како играч на Ајнтрахт Франкфурт и вели дека оддамна немало екипа, која игра фудбал за мерак, како што во моментов тоа го прави Борусија Дортмунд.

Александар Васоски повторно ги анализира натпреварите од германското првенство, има пет предлог типови, а меѓу нив е и дербито меѓу Борусија Дортмунд и Херта.

„Борусија е како машина за голови, изненадува начинот на кој постигнуваат погодоци, а играат и убав фудбал за око. Веројатно и најубав во Германија и очекувам нова нивна победа во ефикасен меч, вели Васоски во анализата за Спорт Манија.

Еве го неговиот избор за дел од дуелите од 9. коло во Бундеслигата.

 

Мајнц – Баерн (Сабота, 15.30)

Домаќините немаат постигнато гол на последните 5 натпревари и кризата кај нив е евидентна. Во Германија тешко е да се вадите против Баерн. Особено што шампионот полека го остава зад себе периодот на турбуленции и се стабилизира со формата. Односот на релација Нико Ковач и играчи се подобрува и очекувам сигурна победа на Баерн.

Предлог тип: 2-2&2+ (1.93)

 

Хановер – Аугсбург (Сабота, 15.30)

По традиција на нивните дуели има многу погодоци, а и сезонава и двете екипи се ефикасни. Хановер игра отворен фудбал, сака да игра на гол повеќе од противникот, а и Аугсбург е ривал по мерка. И гостинот знае да биде ефеикасен, па овде ќе типувам 3 и повеќе голови.

Предлог тип: 3+(1.75)

 

Борусија Дортмунд – Херта (Сабота, 15.30)

Борусија е хит и тоа не само во германскиот фудбал, бидејќи игра неверојатно добро и во Лигата на шампионите. Имаат постигнато 18 голови  на последните четири натпревари на домашен терен и се работи за екипа која во моментов игра најубав фудбал во Германија. Очекувам да продолжат во исто темпо и да забележат нова победа во ефикасен меч.

Предлог тип: 1-1&3+ (2.80)

 

Хофенхајм – Штутгарт (Сабота, 18.30)

Мал проблем за Хофенхајм може да биде настапот на два фронта и во Бундеслигата и во Лигата на шампионите, но овде ќе се потпрам на квалитетот на домаќинот и на лошата форма на Штутгарт. Хофенхајм лесно постигнува голови, Штутгарт уште полесно беше декласиран од Борусија Дортмунд во минатото коло и тоа на домашен терен и не верувам дека има сили за изненадување. Верувам дека Хофенхајм ќе победи, но посигурен тип ми е дека ќе постигна два, или повеќе голови во мрежата на гостите.

Предлог тип: Т12+ (1.44)

 

Лајпциг – Шалке 04 (Недела, 15.30)

Ова е меч на две екипи кои ја претставуваат Германија во европските купови, а според мене Лајпциг е во подобра форма. Игра добро и во Бундеслигата и во Европа Лигата. Шалке 04 игра променливо, не може да влезе во вистински ритам и мислам дека проблемите што ги има тимот од Гелзенкирхен ќе ги искористи Лајпциг. Верувам дека домаќините можат да постигнат два или повеќе голови, со што ќе ја продолжат агонијата на Шалке 04. Очекувам по овој меч гостите да останат без тренер.

Предлог тип: Т12+ (1.87)

 

ФИФА воведува нови правила: Нема веќе „крадење“ на времето

Трајан Маневски
-
0

Премногу пауза и задржување на времето се најнепопуларните работи во фудбалот. Во англиската Премиер лига сезонава натпреварите активно се играат во просек по 55 минути и 9 секунди. Вкупно биле направени 2599 измени, од кои 129 односно 5 отсто се во судиското надополнување на времето. Арбитрите во просек се решаваат средбата да трае дополнителни 4 минути и 22 секунди.

Поради фактот дека во Англија само 55 минути се активни од вкупно 90, а и во сите останати првенства ситуацијата е многу слична, меѓународниот одбор за правила на фудбалската игра (ИФАБ) предложи да се забрани вршење на замени на играчите во судиското надополнување. Уште една од можните нови правила е да му се дозволи на играчот кој ќе биде заменет, да го напушти теренто до најблиската аут линија, а не како што е досега, само на определеното место.

Со воведување на овие правила, сигурно би се намалило залудно потрешеното време без активен фудбал. За тоа дали ќе бидат овие правила веведени ќе се гласа дури следната година.

 

Алегри не му дава одмор на Роналдо

Трајан Маневски
-
0

Јувентус денеска гостува кај Емполи во меч од 10 коло на италијанската Серија А, во обид да започне нова победничка низа. „Старата дама“ имаше осум победи по ред во првенството, но изминатиот викенд на свој терен киксираше и одигра само 1:1 против Џенова.

Тренерот на италијанскиот првак, Масимилијано Алегри најави дека не планира да одмора ниту еден од првотимците, а посебно потенцираше дека Кристијано Роналдо ќе биде на теренот. Алегри вели дека неговите играчи во нападот ќе мора да ја подобрат реализацијата, бидејќи не даваат доволно голови, во однос на тоа колку шанси создаваат.

„Роналдо ќе игра. Ние ќе мора да ја подобриме реализацијата ако сакаме да победиме. Емполи е добар тим кој знае да ја контролира топката во свој посед. Ако не одиграме како што треба, ова може да биде тежок меч за нас“, рече Алегри.

Кристијано кој дојде во Јувентус за сума од 112 милиони евра, сезонава одигра 11 меча и даде пет гола, што е под неговиот просек на кој сме навикнати. Јувентус на ова гостување ќе биде без Сами Хедира и Емре Џан, а неизвесно е дали во нападот ќе биде Марио Манџукиќ.

 

 

ПСЖ во јануари сака да го купи Санчез, но има проблем

Трајан Маневски
-
0

Шампионот на Франција, Пари Сен Жермен уште сега започнува со потрага на нови засилувања во јануарскиот преоден рок. Како прва опција за доведување на „Паркот на принцовите“ е Алекси Санчез. Чилеанскиот репрезентативец е едно од најголемите разочарувања во Манчестер јунајтед, па иако беше доведен како големо засилување, сега почесто е на клупата за резерви, отколку на теренот.

Самиот Санчез побарал да си замине од Манчестер, тимот во кој веќе два месеци не бил стартер. „Светците“ од Париз не размислуваат многу и веруваат дека напаѓачот одлично би се снашол во нивниот состав. Сепак, за реализација на овој трансфер има еден голем проблем. Санчез е еден од најскапоплатените фудбалери во Англија, сума која ПСЖ секако би можел да си ја дозволи, но тоа ќе биде спротивно од правилата на УЕФА. Францускиот првак на тој начин би го нарушил правилото за финансиски фер-плеј и ќе ризикува да биде драстично казнет.

 

Во Премиер лигата долго време не било толку неизвесно

Трајан Маневски
-
0

Шампионот Манчестер сити ја предводи групата од пет екипи кои се одвоија во трката за титулата во Премиер лигата. Денеска стартува 10. коло во англиското првенство, а интересно е тоа што ниту еден клуб засега се нема одвоено. Дури пет екипи се во растојание од само два бода, што покажува дека може да биде едно од најнеизвесните првенства во историјата.

„Нема дилема дека има пет кандидати за титулата. Кога разликата меѓу сите овие тимови е само два бода, значи дека сите имаат квалитет“, реле Гвардиола.

Од водечката петорка денеска игра само Ливерпул. Тимот на Јирген Клоп на свој терен е апсолутен фаворит против Кардиф. Овие два тима последен пат во Премиер лигата играа во сезоната 2013/14 и на двете средби имаше гол-шоу. Ливерпул на „Енфилд Роуд“ победи со 3:1, а потоа на гости фаворитот славеше со убедливи 6:3.

 

Многу дерби дуели: Типувајте Спортска прогноза до 15:30 часот

Трајан Маневски
-
0

Второто коло на Спортска прогноза денеска започнува. За сите оние кои немаат типувано, имаат време до 15:30 часот да ги дадат своите прогнози на понудените 12 двојки. Сите погодени натпревари се за подарок мобилен телефон Сансунг Галакси А6.

Невројатно интересни средби нуди ова коло. Секако најважно во фокусот е утрешното „Ел Класико“ помеѓу Барселона и Реал Мадрид. Сепак тоа не е единственото дерби. Ајакс игра против Феенорд во Холандија, Наполи ја пречекува Рома, а Лацио е против Интер во италијанската Серија А, а Олимпик Марсеј ќе се обиде да го изненади ПСЖ во Франција. Никако не смее да се заборави ни дербито во Премиер лигата меѓу Тотенхем и Манчестер сити.

За да прогнозирате и да се обидете да стигнете до вреден подарок треба да бидете дел од СПОРТСКА ПРОГНОЗА. За да имате можност за подарок кликнете ТУКА и типувајте.

Правила

  • Прогнозерот со погодени 12 натпревари добива телефон Samsung Galaxy A6 2018.
  • Доколку 2 или повеќе ги погодат сите натпревари во едно коло, наградата станува парична: Ќе бидат доделени ваучери од SPORT LIFE во вкупна вредност од 15.000 (ако има двајца добитници ќе добијат ваучери во вредност од 7.500 денари, тројца по 5.000 денари).
  • За погодени 11 натпревари – ваучер од 1.000 денари.
  • За погодени 10 натпревари – ваучер од 500 денари.
  • За погодени 9 натпревари – Ваучер од 200 денари.

Секој корисник има право на една прогноза. Прогнозерите кои прогнозирале два или повеќе пати ќе бидат дисквалификувани за тековното коло.

Ваучерите се активираат исклучиво на Sport Life клуб-картичка.

Во конкуренција се прогнозите испратени 30 минути пред почетокот на првиот натпревар.

 

Торонто со најдобар старт во клупската историјата

Трајан Маневски
-
0

Торонто репторс е најдобриот тим на стартот во НБА лигата. Тимот од Канада има перфектни шест триумфи, без пораз. Ноќеска беше победен Далас со 116:107 и Торонто го продолжи најдобриот старт во клупската историја. Интересно е тоа што распоредот во НБА сакаше Торонто да биде домаќин на пет од првите шест средби во сезоната и засега одлично го користи својот терен и ги радува навивачите.

Уште од самиот почеток, домаќините покажаа дека нема да му дозволат на Далас ни да се понадева на триумф. По шест минути игра, „рептилите“ водеа со 18:2, а по првите 12 минути, на семафорот стоеше 39:26. Далас се приближи на 50:45, но на полувремето разиката беше зголемена на девет поени (69:60). Иако Далас во второто полувреме се доближи и на три поени, сепак не успеа да му го нанесе првиот пораз на моментно најдобриот тим во НБА лигата.

Тимската игра е најголемо оружје на Торонто. Против Далас, дури седуммина играчи постигнаа двоцифрен број на поени, а ноќеска предводник беше Леонард со 21 поен, а Лобри додаде 20 поени и 12 асистенции.

Со перфектен старт е и Милвоки, кој немаше милост и со убедливи 125:95 победи на гостувањето кај Минесота. За бакси ова беше петта победа по ред и се веднаш зад Торонто, не само на Истокот туку во цела НБА лига. До петата победа стигна и шампионот Голден Стејт кој со 128:110 го победи Њујорк на гости. „Воините“ имаат пет победи, но и еден пораз, за разлика од безгрешниот Милвоки.

Во останатите мечеви: Шарлот – Чикаго 135:106, Хјустон – ЛА Клиперс 113:133, Њу Орлеанс – Бруклин 117:115, Сакраменто – Вашингтон 116:112.

Побара тајм-аут и не им кажа ниту еден збор на играчите (Видео)

Трајан Маневски
-
0

Панатинаикос синоќа загуби на свој терен од Жалгирис со 83:87 во четвртото коло од кошаркарската Евролига. Речиси во текот на целиот меч Литванците беа во водство. На полувреме имаа предност од 44:33, кога тренерот на ПАО, Шпанецот Чави Пасквал покажа дека едноставно е немоќен да се спротистави.

Стратегот на домаќините побара тајм-аут, а кога играчите се собраа и чекаа да слушнат некој совет од тренерот, Пасквал едноставно замолче. Целиот тајм-аут помина, а тренерот ништо не кажа, а играчите само седеа и едноставно одморија за таа минута.

 

„Армејците“ во чекор со европскиот првак

Томас Ѓорѓиевски
-
0

ЦСКА Москва добро се намачи за победа на гостувањето во Лас Палмас кај Гран Канарија, при конечни 106:91. Изрбаниците на Димитрис Итудис и по четири средби остануваат непоразени во Евролигата, исто како и европскиот првак Реал Мадрид, па заедно со „кралевите“ ја делат првата позиција на табелата.

Домаќините добро се држеа во првите два периоди, а на паузата имаа и предност од три поени, при резултат од 55-52. ЦСКА со додатни напори го свртеа резултатот во своја корист, но неизвесноста траеше се до последните четири минути од мечот, за потоа гостите да направат и +9. На две минути пред крајот Де Коло погоди тројка за 100 поени на ЦСКА, кош можеби ја запечати победата за неговиот тим.

Нандо Де Коло беше најефикасниот од шестте играчи на ЦСКА кои постигнаа двоцифрен број на поени, а Французинот постигна 22, Хигинс додаде 17 поени. Клевин Хена беше најрасположениот играч на Гран Канарија со 17 поени.

Претходно Жалгирис славеше по продолжение против на гости кај Панатинаикос со конечнен резултат од 87:83, а исто така издвои гостински триумф иБарселона, откако ја совлада екипата на Дарушафака со резултат од 79:71.

Еспањол и со реми „рамо до рамо“ со Барса

Томас Ѓорѓиевски
-
0

Еспањол можеше со победа да избие на чело на табелата во Ла Лига и да преноќи на врвот, но Валјадолид имаше други планови. Домаќините во последните моменти од средбата израмнија за конечни 1-1, на отворањето на 10. коло во шпанскиот шампионат.

Борха Иглесиас донесе рана предност за каталонскиот состав, а Верде им донесе значаен бод на Валјадолид со израмнувачкиот гол во 91-та минута.

Еспањол и со реми барем до недела ќе ја дели првата позиција со Барселона, и двете екипи имаат по 18 бодови. Актуелниот првак во недела го игра првото овосезонско дерби, „Ел класико“ против Реал Мадрид

1...10.63410.63510.636...10.800Страна 10.635 од 10.800