Дома Blog Страница 10634

„Нула“ во Билбао

Томас Ѓорѓиевски
-
0

Атлетик Билбао и Валенсија одиграа сиромашно реми без голови на „Сан Мамеш“ во рамките од 10. коло во Ла Лига. Колку навистина оваа средба беше сиромашна и неатрактивна, покажува севкупната статискита во ударите во рамки на двете екипи.

Домаќините само еднаш се заканија кон голот на „лилјаците“ и тоа во самиот финиш на средбата, додека тимот на Марселињо на два пати се обиде да ја протне топката во мрежата, но безуспешно.

И двете екипи остануваат во долниот дел на табелата по 10 натпревари во шпанскиот шампионат, за Валенсија ова е осмо реми и со 11 бода се на 13-тото место, додека Билбао има еден бод помалку и се наоѓа на 16-тата позиција.

Ливерпул се радува, до утре е прв во Англија

Томас Ѓорѓиевски
-
0

Ливерпул до утре ќе преноќи на чело на табелата во Премиер лигата, откако денес го совлада Кардиф со убедливи 4-1. „Црвените“ притиснаа за рано водство кое го донесе Салах во 10-тата минута, а за втор гол мораше да се чека дури до средината на вториот дел.

По неколку обиди Ливерпул конечно успеа пак да ја пробие одбраната на гостите, а Мане ја затресе мрежата во 66-та минута. Мала надеж за Кардиф беше голот на Патерсон во 77-та минута, но фудбалерите на Клоп одлучија да стават крај на сите неизвесности, па Шаќири и Мане ја запечатија победата во 83-та, односно 87-ма минута.

Вотфорд со убедливи 3-0 триумфираше над Хадерсфилд, со идентичен резултат победи и Борнмут на гости кај Фулам, Брајтон со минимални 1-0 беше подобар од Вулверхемптон, додека Саутемптон и Њукасл резимираа без голови, 0-0.

Со 26 бода сега Ливерпул е на првото место во Премиер лигата, најмалку до утре, а второ пласираниот Манчестер сити (23 бода) го очекува тешко гостување во Лондон кај Тотенхем.

Херта со последен здив го спречи налетот на „милионерите“

Томас Ѓорѓиевски
-
0

Херта ја прекина низата на Борусија Дортмунд со гол постигнат од пенал во 91-та минута од мечот за конечни 2-2 на „Сигнал Идуна“ стадионот. „Милионерите“ ја пропуштија шансата да се зацврстат на врвот и да ја запишат петтата победа во низа во 9. коло, а сега имаат само два бода (21) повеќе од второ пласираниот Баерн Минхен (19).

Џејдон Санчо на два пати ја тресеше мрежата на Херта, во 27-та минута, пред Калу да израмни на неколку минути пред паузата, за потоа Санчо повторно да се запише во листата на стрелци, во 61-та минута од средбата. Ексфудбалерот на Челзи беше повторно прецизен од белата точка во првата минута од судиското надополнување.

Баерн Минхен доста се намачи за да го совлада тимот на Мајнц со конечни 2-1, „баварците“ полека влегуваат во ритам со вториот триумф на последните два меча во германскиот шампионат. За избраниците на Нико Ковач, победата ја донесоа Леон Горецка (39‘) и Тијаго Алкантара (62‘), а почесниот гол за домаќините го постигна Боетис во 48-та минута.

Со идентичен резултат и Аугзбург славеше гостинска победа кај Хановер (1-2), додека Волфсбруг оствари убедлив триумф од 3-0 протиф Фортуна Дизелдорф.

https://twitter.com/bvbnewscom/status/1056190066295537664

Осум гола на два меча за момците на Гасперини, лесно совладана Парма

Томас Ѓорѓиевски
-
0

Аталанта со 3-0 славеше убедлив триумф над Парма во првата средба од 10. коло во Серија А. За домаќините ова е само трет триумф во оваа сезона, втор во низа, откако во претходното коло со 5-1 победи на гости кај Киево. „Црно-сините“ ваков учинок последен пат остварија во април 2018 година, кога на два меча на домашен терени ги победи Торино и Џенова, со резултат од 2-1, односно 3-1.

Иако убедлива, до победата Аталанта мораше да се избори во вторите 45 минути од мечот. Дефанзивецот на гостите, Галиоло, им помогна на Аталанта да го постигнат првиот гол на средбата, за потоа Паломино во 72-та, односно Манчини во 80-тата минута да ги осигураат новите три бода за тимот на Џам Пјеро Гасперини.

Од останатите денешни средби во италијанското првенство, игра актуелниот бранител на титулата, тимот тна Јувентус против Емполи во 18 часот, додека Торино и Фиорентина ќе ги одмерат силите во вечерниот термин од 20:30 часот.

Стивенс со пресврт се избори за финале во Сингапур

Томас Ѓорѓиевски
-
0

Слоан Стивенс ја совлада Каролина Плишкова со 2-1 во сетови во второто полуфинале на ВТА финалињата во Сингапур. Американката се избори за меч против Елина Свитолина во борба за пехарот, откако против Плишкова мораше да прави пресврт по катастрофалното издание во првиот сет, кој Стефанс го загуби со 6-0.

Американската тенисерска со три брејка го освои наредниот сет со 6-4 и израмни на 1-1, додека во одлучувачкиот, за нешто повеќе од половина час, Стивенс го загуби само првиот гем при нејзин сервис, за потоа да ги освои наредните шест, и да слави пласман во финалето.

Финалната пресметка меѓу Свитолина и Стивенс ќе се одигра утре, во 12:30 часот.

Покетино: Не сакам социјални мрежи, затоа сум младолик

Златко Јуруковски
-
0

Аргентинецот Маурисио Покетино ги отфрли гласините дека може наскоро да стане тренер на Реал Мадрид, и да добие договор со кој би бил најскап тренер во историјата. Покетино на интересен начин одговори на шпекулациите на британските медиуми.

„Не сум по социјалните мрежи. Немам Фејсбук, Твитер, Инстаграм. А, и другите медиуми не ги следам често. Затоа косата не ми е обелена, имам ваква затегната кожа и изгледам помлад отколку што сум“ – рече Покетино.

Покетино е сконцентриран на дуелот со Манчестер сити, и воопшто не размислува на ништо друго, иако редовно се спомнува како кандидат за наследик на Лопетеги, кој може да добие отказ ако Реал загуби од Барселона.

Кристијан сезонава е среќно име за Жирона

Златко Јуруковски
-
0

Иако играше без најдобриот стрелец во шпанскта лига, Кристијан Стуани, во екипата на Жирона се најде друг фудбалер со името Кристијан кој ќе им донесе победа од 2:1 над Рајо Валјекано. Порту со два гола е најзаслужен за триумфот над Рајо, кај кој Столе Димитриевски беше на клупата за резерви.

Каталонците славеа на силниот дожд, благодарение на двата погодока на Кристијан Португес кого сите го викаат Порту. Во второто полувреме, неколку минути по излегувањето на Порту од игра, гостите од Мадрид намалија и внесоа неизвесност.

Порту немаше дадено гол во првенството уште од 27 февруари, но го прекина постот и тоа како двоен стрелец. Ова беше меѓусебен дуел на овие два клуба во Ла Лига, во втора лига играле неколку пати, и Рајо досега никогаш немаше загубено на овој стадион.

Сепак, Жирона дојде до својата прва победа од 19 сеотември наваму, а Рајо остана без триумф од 14 септември.

Лопетеги води со 3:1 против Валверде

Златко Јуруковски
-
0

За актуелните тренери на Барселона и Реал Мадрид, нема да биде пријатно доколку го загубат утрешното „Ел Класико“ на „Камп Ноу“, особено гостинскиот најверојатно би добил отказ, па и нивното тактичко надмудрување ќе биде важен елемент на средбата.

Ернесто Валверде од Барса и Хулен Лопетеги од Реал, трети пат се среќаваат еден против друг како тренери, а двапати имаат играно еден против друг и како фудбалери. Тоа се случи во сезоната 1991/1992, кога Валверде го носеше дресот на Атлетик Билбао, а Лопетеги го чуваше голот на Логроњес. Двајцата имаат по една победа.

Како тренери, подобар е Лопетеги, кој на клупата на Порто, ги доби двете пресметки од Лигата на шампионите во сезоната 2014/2015 против Валверде, кој во тоа време беше тренер на Атлетик Билбао. На тие два меча, за Порто играше Касемиро.

Патеката во Мексико е најтешка во Формула 1

Златко Јуруковски
-
0

Условите во кои се вози на патеката „Ерманос Родригес“ во Мексико сити се најтешки во Формула 1 шампионатот, велат стручњаците, па затоа можни се изненадувања.

На вчерашниот прв слободен тренинг, најбрз беше Даниел Рикјардо од Ред Бул, кој најави атак и на пол-позицијата. Лани победи Макс Верстапен, истотака од Ред Бул кој користи мотор на Рено. Луис Хамилтон лани трката во Мексико ја заврши дури на деветтото место, и тоа е доказ дека тука не постојат правилата како на другите трки.

Во Мексико не можете да планирате ништо однапред, па ако Хамилтон повторно биде деветти, а Себастијан Фетел победи, ќе има ново одложување на шампионската промоција.

Патеката во Мексико е долга 4.304 метри, в недела ќе се возат 71 круга, а таму првпат е возено во 1963 година. Најголем проблем е што таа се наоѓа на надморска височина од околу 2.000 метри. Тоа значи дека воздухот е разреден, има само 78 отсто кислород, и тоа влијае врз ладењето на моторот и сопирачките. И ДРС системот тука не е толку функционален како на другите трки.

Елина Свитолина се измачи, но дојде до ВТА финалето

Златко Јуруковски
-
0

Украинката Елина Свитолина е првата финалистка на завршниот ВТА турнир во Сингапур. Во првото полуфинале, таа ја совлада Кики Бертенс со 7-5, 6-7, 6-4. Тенисерките водеа голема и исцрпувачка борба која траеше 2 часа и 37 минути. Ова беше најдолг меч на турнирот.

Свитолина без пораз дојде до финалето на турнирот на кој се осум од деветте најдобри тенисерки на светот (без повредената Симона Халеп). Бертенс на турнирот влезе како резерва, по откажување на Халеп, но таа докажа дека е тенисерка со најголем напредок во 2018 година, и ги освои срцата на љубителите на овој спорт.

„Беше голема борба, физички напорно, игравме на високо ниво, среќна сум што победив, многу ми значи ова. Во финалето ќе го дадам својот максимум, тоа ќе биде мој последен меч годинава и мора да го дадам најдоброто од себе“ – изјави Свитолина.

Во финалето, шестата носителка Свитолина ќе игра со Каролина Плишкова или Слоун Стивенс.

1...10.63310.63410.635...10.800Страна 10.634 од 10.800