Дома Blog Страница 10641

Лео и Тијаго Меси заедно се радуваа на победата на Барселона

Зоран Поповски
-
0

Лео Меси ќе паузира одредено време, а вчера беше на трибините со лонгета на десната рака и заедно со синот Тијаго го следеше мечот на „Камп ноу“.

Соиграчите му приредија меч за уживање и славеа со 2-0 за зацврстување на првата позиција во групата Б во ЛШ. Во отсуство на Меси, стрелци беа Рафиња и Алба, а Лео и Тијаго уживаа на трибините.

Барселона е една од трите екипи заедно со Јувентус и Борусија Дортмунд што имаат максимален учинок и 9 бодови по три кола.

Се очекува аргентинскиот ас да се врати на терените по завршувањето на ноемврискиот блок мечеви во Лигата на нациите.

СИТЕ МУ СЕ СМЕАТ: Купил 27 карти за целото семејство да го гледа , а тој остана на трибините

Трајан Маневски
-
0

Олександр Зинченко е талентиран фудбалер на Манчестер сити, но уште чека да се докаже во редовите на англискиот првак. Младиот Украинец засега се истакнува со потези кои се за смеење, и тоа надвор од фудбалскиот терен. Тој беше во центарот на вниманието кога Сити минатата сезона ја славеше титулата во Премиер лигата.

Додека сите играчи прегрнати се радуваа, Зинченко несмасно го турна пехарот, кој падна на земја. Реакцијата на Украинецот стана вистински интернет хит.

https://youtu.be/pH1m1to8Lyk

Овојпат Зинченко повторно е цел за фаќање сеир. Пред мечот на Манчестер сити против Шахтар во Украина, младиот играч на „граѓаните“ беше пресреќен што ќе се врати во родната земја. Сепак,  Зинченко многу избрза и направи потег поради кој повторно сите му се смеат.

Тој резервирал 27 билети за средбата од Лигата на шампиони и на своите најблиски им порача. „Мајко, татко, во вторник се враќам дома. Дојдете да ме гледате. За карти немојте да се грижите“, беше пораката на Зинченко пред мечот на Сити со Шахтар. Тој дури порачувал дека нема да се радува доколку му даде гол на Шахтар.

Манчестер лесно со 3-0 го победи Шахтар, а Украинецот не само што не беше на теренот, туку тренерот на „граѓаните“, Пеп Гвардиола, не го стави ниту на клупата за резерви. Зинченко овој меч го гледаше од трибините, каде што беа и сите членови од неговото семејство.

 

Фараонот блеска на „Енфилд роуд“

Зоран Поповски
-
0

Фараонот силно свети на „Енфилд роуд“ и со двата погодоци против Црвена ѕвезда се запиша во клупската историја на Ливерпул.

Мохамед Салах блеска во редовите на „црвените“ и веќе запиша 50 погодоци само во 65 натпревари што ги има одиграно за Ливерпул. Тој е играчот што најбрзо стигнал до ваков јубилеј, односно до 50 голови.

Првиот во победата против Црвена ѕвезда од 4-0 го постигна во 45-тата минута, а следниот од пенал во 51-вата минута му беше јубилејниот педесетти за Ливерпул.

Салах во колекцијата убави голови го има и најдобриот според ФИФА за 2018 година, а го постигна против Евертон, за што ја доби наградата именувана по легендарниот Ференц Пушкаш.

НЕРЕАЛНО: Кари даде 51 поен, погоди 11 тројки само за три четвртини (Видео)

Трајан Маневски
-
0

Стеф Кари покажа зошто е еден од најдобрите шутери во историјата на НБА-лигата. Предводникот на Голден стејт одигра уште еден меч за памтење. На дуелот против Вашингтон, Кари даде 51 поен, успевајќи да погоди 11 удари за три поени од 16 обиди. Со ваков разигран играч, нормално дека шампионот забележа лесна и убедлива победа од 144:122. Бидејќи мечот немаше неизвесност, Кари воопшто не ја ни играше последната четвртина.

Кари започна фуриозно и ги погоди првите пет удари за тројка, а публиката почна да скандира „МВП, МВП“. До крајот на првото полувреме, Кари веќе имаше 31 поени. Тоа е деветти пат во кариерата да има постигнато над 30 поени во првото полувреме.

Откако ја надмина бројката од 50 поени, Кари беше повлечен од теренот. Шести пат во кариерата ја надмина таа бројка на постигнати поени, а 10 пати дава барем 10 тројки на еден дуел.

 

Лејкерс конечно победи (Видео)

Трајан Маневски
-
0

Лос Анџелес лејкерс ја забележа првата победа сезонава, откако на гости со 131:113 славеше против Феникс санс. Ова всушност е и прва победа на Леброн Џејмс во дресот на „езерџиите“. Втората четвртина беше клучна. Лејкерс фуриозно ги одигра тие 12 минути и ги доби со 44:24. Стекнатата предност од 20 разлика Лејкерс рутински ја задржа во второто полувреме и не дозволи да направи нов кикс.

Леброн Џејмс повторно беше предводник на ЛА со 19 поени, 10 асистенции и 7 скока, но овојпат имаше поддршка и од останатите играчи во тимот. Дури седуммина играчи кај победничкиот состав имаа двоцифрен број поени, а прв стрелец беше Стефенсон со 23 поени, додека Мекги додаде 20 поени. Благодарение на високата предност, Џејмс остана на клупата за резерви во последната четвртина.

Во останатите мечеви кои се играа ноќеска: Атланта – Далас 111:104, Кливленд – Бруклин 86:102, Мајами – Њујорк 110:87, Торонто – Минесота 112:105, Чикаго – Шарлот 112:110, Хјустон – Јута 89:100, Сан Антонио – Индијана 96:116, Милвоки – Филаделфија 123:108, Сакраменто – Мемфис 97:92, Голден стејт – Вашингтон 144:122.

 

 

Љорис пак е трагичар, Тотенхем прокоцка победа против ПСВ

Зоран Поповски
-
0

Двапати нерешено е исходот на првите два дуели од вечерашната програма во Лигата на шампионите, а вистински трагичар повторно е Уго Љорис.

Голманот на Тотенхем беше исклучен во 80-тата минута на дуелот во Ајндховен со ПСВ, а седум минути подоцна Лук де Јонг постигна израмнувачки гол за реми, 2-2.

Гостите од Лондон беа подобри, доминираа и успеаја да направат пресврт по негативата од еден гол. Лозано во 29-тата минута постигна водечки гол за ПСВ Ајндховен, а израмни Лукас Моура за 1-1 на полувремето.

Во продолжението Кејн му донесе предност на Тотенхем, но по исклучувањето на Љорис, Де Јонг израмни за конечни 2-2.

Нерешено заврши и мечот меѓу Бриж и Монако. Силја беше стрелец за гостите, а израмни Весли за прв бод и за двете екипи во фазата по групи во ЛШ.

„Металците“ на гостувањата се како јагниња

Златко Јуруковски
-
0

Второ гостување и втор пораз за МЗТ Скопје Аеродром во втората АБА-лига. Вечерва македонскиот вицепрвак беше надигран од Зрињски со 87:93.

Ако на претходното гостување МЗТ испушти добиен меч и беше поразен во продолжението, во Мостар беа разбиени уште во првата четвртина, а добро одиграа само во завршницата, кога бркаа огромна негатива. За Зрињски тоа е прва победа сезонава и првпат дадоа над 78 поени.

MЗТ поведе со 3:0, а потоа противникот направи серија од 14-0, која не запре ни со задоцнетиот тајмаут, па домашните дадоа уште една тројка за 17:3. Миличевиќ во првите шест и пол минути даде четири тројки за водство од 23:7 и затоа Аеродромци можеа да бидат задоволни што првата четвртина ја завршија со едноцифрена негатива.

Зрињски беше во одличен ритам и тоа го потврди и во втората четвртина, па повторно се одлепи и на пауза замина со плус 15. Во првото полувреме, босанскиот првак даде девет тројки.

Третиот квартал се играше со серии на двете страни. Зрињски побегна на 58:39, МЗТ одговори со серија од 10-0, но налетот го запре Рамљак со неверојатни 15 поени за четири и пол минути и се чинеше дека на Аеродромци веќе им нема спас.

МЗТ се закани во финишот. На 1,12 до крајот, намалија на 81:86, Рамљак даде тројка, но Симоновски погоди две тројки за 89:87. На 16 секунди до крајот, Рамљак ги погоди двата пенали и го одлучи победникот, иако можна ќе беше драма ако Симоновски го погодеше шутот за тројка.

Кај МЗТ се истакнаа Иванов со 26, Симоновски со 20 и Младеновски со 14 поени, додека Медфорд имаше 10 асистенции. Бојиќ воопшто не влезе во игра во второто полувреме. Најефикасни во победничкиот тим беа Рамљак со 35 и Миличевиќ со 25 поени.

КОЖУВ ТРГНА СО ПОРАЗ ВО БИБЛ

Кожув загуби од Берое со 62:69 во првиот меч сезонава на гевгеличани во БИБЛ. Радуловиќ имаше 19 поени, но само тој беше двоцифрен во гевгелискиот тим. Кај Берое, резервите дадоа вкупно само 7 поени, но расположени беа Американецот Франкамп со 26 поени и Канаѓанецот Бачински со 15 поени и 16 скока.

Следниот меч на Кожув е на седми ноември, дома против албанска Теута, која добро тргна со 2-0.

Ливерпул и Борусија победија со 4-0, Барса без проблеми, ПСЖ се спаси

Трајан Маневски
-
0

Резултати: ПСЖ – Наполи 2-2, Локомотив М. – Порто 1-3, Ливерпул – Ц. ѕвезда 4-0, Галатасарај – Шалке 0-0, Борусија Д. – Атлетико М. 4-0, Барселона – Интер 2-0, ПСВ – Тотенхем 2-2, Бриж – Монако 1-1.

90+2 минута – ПСЖ – Наполи 2-2. Анхел ди Марија е херојот на францускиот првак. Со прекрасен гол ги спаси „светците“ од пораз.

83-та минута – Барселона – Интер 2-0. Дефанзивецот Жорди Алба одлично се проби во противничкиот шеснаесетник и ја зголеми предноста на домаќините.

83-та минута – Борусија Д. – Атлетико М. 4-0. Не се памти кога Атлетико загубил со ваа разлика, но мадриѓаните едноставно се немоќни во Дортмунд. Санчо погоди за зголемување на предноста на домаќините.

80-та минута – Ливерпул – Црвена ѕвезда 4ѕ0. Садио Мане во 77-мата минута промаши пенал, но само три минути подоцна се коригираше и ја затресе мрежата на гостите.

77-ма минута – ПСЖ – Наполи 1-2. Мертенс донесе ново водство на гостите.

73-та минута – Борусија Д. – Атлетико М. 3-0. Домаќините немаат милост. Овојпат погоди Гереро.

61-ва минута – ПСЖ – Наполи 1-1. Францускиот првак стигна до израмнување благодарение на автоголот на Руи.

51-ва минута – Ливерпул – Црвена ѕвезда 3-0. Салах со својот втор погодок на мечот, овојпат од пенал, потврди дека англискиот тим е за класа подобар од противникот.

47 -маминута – Локомотив М. – Порто 1-3. Корона носи нова радост за гостите.

Во првото полувреме немаше погодок само на мечот Галатасарај – Шалке.

45-та минута – Ливерпул – Црвена ѕвезда. Мохамед Салах потврди дека на „Енфилд роуд“ нема изненадувања и домаќините поведоа со 2-0.

38-ма минута – Борусија Д. – Атлетико М. 1-0 – Вицел носи предност за „милионерите“.

38-ма минута – Локомотив – Порто 1-2. Нови два гола само за три минути на овој меч. Во 35-тата минута Херера погоди за водство на гостите од 2-0, а три минути подоцна Миранчук намали на 1-2.

32-ра минута – Барселона – Интер 1-0. По одличната асистенција на Луис Суарес, реализатор беше Рафиња.

29-та минута – ПСЖ – Наполи 0-1. Лоренцо Инсиње донесе голема радост за гостите и шок за домашните фанови на „Паркот на принцовите“.

27-ма минута – Локомотив М. – Порто 0-1. Гостите од Португалија со погодокот на Марега во 26-тата минута поведоа со 1-0. Претходно, во 10-тата минута Локомотив имаше шанса да поведе со удар од белата точка, но Фернандеш промаши.

20-та минута – Ливерпул – Црвена ѕвезда 1-0. Англискиот првак конечно ја проби одбраната на гостите. Роберто Фирмино погоди за прв погодок на сите шест меча кои се играат од 21 часот.

* Откако Лионел Меси дебитираше во Лигата на шампиони, Барселона без Аргентинецот во тимот има 20 победи во 26 средби од елитното натпреварување на УЕФА. Два пати ремизирала, а претрпела четири порази. Вечерва на „Камп ноу“ без Меси ќе треба да се победи предизвикот наречен Интер.

* Во 21 часот стартуваат дуелите Барселона – Интер, Борусија Дортмунд – Атлетико Мадрид, Галатасарај – Шалке, Ливерпул – Црвена ѕвезда, Локомотив Москва – Порто, ПСЖ – Наполи.

* Без победник завршија двата дуели кои започнаа во 18.55 часот. ПСВ Ајндховен – Тотенхем 2-2, Бриж – Монако 1-1.

Ракометни дебакли на Црна Гора и на Србија

Трајан Маневски
-
0

Квалификациите за пласман на ракометното Европско првенство во 2020 година почнаа лошо за дел од фаворитите. Репрезентациите на Црна Гора и на Србија ги разочараа своите навивачи откако не успеаа да стартуваат со победи.

За Црна Гора се веруваше дека треба само да излезе на терен и да ги освои бодовите во дуелот со Фарски Острови. Сепак, не беше така. Гостите започнаа многу добро, па по првите 30 минути, имаа неочекувано водство од дури пет гола (15:10). Црна Гора во вториот дел полека ја топеше предноста на противникот, но иако се очекуваше да стигне до предност, на крајот мораше да се задоволи само со нерешено (24:24).

Без победник заврши и дуелот во Зрењанин меѓу Србија и Белгија. На клупата на Србија официјално деби имаше селекторот Ненад Перуничиќ. Се очекуваше домаќините без поголеми проблеми да победат, но Белгија се покажа како незгоден ривал и во ниту еден момент не дозволи фаворитот да создаде поголема предност. На крајот, во неизвесна завршница, дуелот заврши 27:27.

Во останатите мечеви од квалификациите кои завршија досега: Чешка – Финска 31:27, Полска – Косово 37:13, Унгарија – Словачка 30:22, Русија – Италија 34:20, Германија – Израел 37:21.

Интер треба да се плаши на „Камп ноу“

Трајан Маневски
-
0

Дербито на вечерта во Лигата на шампиони се игра на „Камп ноу“ во Барселона. Каталонскиот гигант е домаќин на Интер во меч на којшто ќе се вратат спомените од нивната последна средба на овој терен во 2010 година. Тогаш Барселона победи со 1-0, но Интер се радуваше бидејќи тоа беше реванш од полуфиналето од ЛШ, а на Каталонците им беше потребна победа од два гола.

Кога игра на свој терен, Барселона е речиси перфектна. Каталонците победиле на 25 од последните 27 средби пред своите навивачи, а имаат и две нерешени без пораз. Во овој период, Барселона на своите фанови им понуди да се радуваат на 85 погодоци, а примија само 13 голови.

Последен пат Барселона на домашен терен во ЛШ загуби во мај 2013 година од Баерн Минхен, и тоа убедливо со 3-0. Сепак, по тој неуспех, Барса нареди 27 средби во кои имаше речиси перфектен биланс, што треба да го плаши Интер. Голем проблем за домаќините може да биде неиграњето на капитенот Лионел Меси, но Барса треба да докаже дека и без Лео може да победува.

 

 

1...10.64010.64110.642...10.798Страна 10.641 од 10.798