-6.2 C
Skopje
вторник, 13 јануари 2026
Дома Blog Страница 28

Барса го враќа Кансело, за оваа позајмица пресудија две работи

Златко Јуруковски
-
0
Барса го враќа Кансело, за оваа позајмица пресудија две работи

Португалскиот бек Жоао Кансело до крајот на сезонава ќе игра како позајмен за Барселона.

Фудбалерот на саудиски Ал-Хилал имаше понуди и од други големи клубови, но ја сакаше само Барса во која играше во сезоната 2023/2024, тогаш како позајмен од Манчестер сити.

Тренерот Ханси Флик го сакаше искусниот Кансело затоа што тој може да игра на двете бековски позиции како алтернатива за Жил Кунде и Алехандро Балде. Резерви на стартните бекови им беа Ерик Гарсија и Џерард Мартин, но тие сега играат на други позиции за да ја пополнат празнината во одбраната.

Дурант со тројка на секунда до крај го растажи својот поранешен тим, а израдува илјадници (Видео)

Златко Јуруковски
-
0
Дурант со тројка на секунда до крај го растажи својот поранешен тим, а израдува илјадници (Видео)

Кевин Дурант со тројка на 1,1 секунда до крајот, му донесе победа на Хјустон рокетс против Феникс санс, тим во кој Дурант играше пред да дојде кај Ракетите, па триумфот му е посебно сладок.

Ветеранот даде 26 поени, а после мечот призна дека му де посебно мило што овој победнички шут беше токму против Санс кон кои има одмазднички мотиви, затоа што не сакал да си оди од таму, туку го „шутнале“ како непотребен.

Детроит го прегази Њујорк со 121-90 и покажа зошто е број 1 на Истокот засега сезонава, додека Никс по овој дебакл, и победата на Бостон против Чикаго, паднаа на третото место на Истокот, а Селтикс се качи на второ. Ова беше прв дуел на Пистонс и Никс откако лани њујорчаните со 4-2 го елиминираа Детроит од плејофот.

Денвер по продолжение славеше во Филаделфија со 125-124, а јунак на Нагетс беше Џејлен Пикет со личен рекорд од 29 поени.

Ова е тројката на Дурант која е потег на вечерта во НБА:

Новак Ѓоковиќ се повлече, нема да игра на првиот турнир во 2026 година

Павле Симовски
-
0
Новак Ѓоковиќ се повлече, нема да игра на првиот турнир во 2026 година

Најуспешниот тенисер на сите времиња, Новак Ѓоковиќ, ги разочара навивачите со одлуката да се повлече од настапот на првиот турнир во новата 2026 година. Србинот нема да игра на АТП турнирот во Аделајд, кој е еден вид на предигра за првиот Грен слем турнир оваа година, Австралија опен.

„Многу сум разочаран, бидејќи имам одлични спомени од освојувањето на титулата пред две години. Бев навистина возбуден дека ќе се вратам тука. Се чувствував како да играм дома. Фокусот ми е на подготовките за Австралија опен и сега сум насочен кон Мелбурн. Таму ќе се сретнам со сите навивачи од Австралија.“ – рече Ѓоковиќ.

Турнирот во Аделајд ќе се игра во периодот од 12-ти до 17-ти јануари, а Австралија опен започнува на 18-ти месецов.

Дефанзивецот на Сити има скршеница, неизвесно е дали ќе игра и на Мундијалот

Павле Симовски
-
0
Дефанзивецот на Сити има скршеница, неизвесно е дали ќе игра и на Мундијалот

Главоболките на Пеп Гвардиола како да немаат крај, па Манчестер сити и официјално објави дека хрватскиот дефанзивец, Јошко Гвардиол, има скршеница на десната нога и го очекува неколкумесечна пауза.

Раководството на „граѓаните“ веднаш тргна во акција и е во потрага по негова замена, со оглед дека Хрватот најверојатно нема да му биде на располагање на Каталонецот до крајот на тековнава сезона.

Повредата на Гвардиол му создаде главоболки и на хрватскиот селектор, Златко Далиќ, кој сега е во неизвесност дали ќе го има одличниот дефанзивец на располагање за Светското првенство во САД, Канада и Мексико, кон средината на јуни годинава.

Познато е колку ќе наплати Рубен Аморим за отказот од Манчестер јунајтед

Павле Симовски
-
0
Познато е колку ќе наплати Рубен Аморим за отказот од Манчестер јунајтед

Манчестер јунајтед пред само 14 месеци му плати на Спортинг Лисабон 15 милиони евра за да го ослободи Рубен Аморим, од кого се очекуваа чуда во редовите на „црвените ѓаволи“.

Сепак, Португалецот го напушта „Олд Трафорд“ по нешто повеќе од една година, но со полни џебови. Аморим имаше годишна плата од седум милиони евра, а во договорот немаше клаузула за попуст при евентуален отказ, па Манчестер јунајтед ќе мора да му го исплати целиот договор, а важноста му беше до 2027 година.

Тоа би значело дека Рубен Аморим си заминува од Манчестер јунајтед со преку 10 милиони евра во џеб и тоа само за периодот до крајот на договорот, без да се смета она што веќе го заработил.

Португалецот на „Олд Трафорд“ со себе доведе и пет помошни тренери, па и на нив сега ќе треба да им бидат исплатени комплетните договори.

Нигерија како на тренинг до пласман во четвртфиналето на АКН (Видео)

Павле Симовски
-
0
Нигерија како на тренинг до пласман во четвртфиналето на АКН (Видео)

Репрезентацијата на Нигерија ја оправда фаворитската улога и славеше убедливо со 4-0 над Мозамбик во осминафиналето од Африканскиот куп на нации. На овој меч првпат на ова издание на турнирот една репрезентација успеа да постигне четири гола.

Патникот во четвртфиналето беше најавен уште во првото полувреме, после кое Нигерија имаше водство од 2-0 со головите на Лукман и Осимен. Во вториот дел, Осимен уште еднаш се запиша во листата со стрелците, додека четвртиот гол за Нигерија беше дело на Адамс.

Нигерија првпат на турнирот не прими гол, а во четвртфиналето за противник ќе го имаат победникот од дуелот на Алжир и ДР Конго.

Несекојдневно: Клуб од Африка и клуб од Андора играа меч од првенството на Шпанија!

Павле Симовски
-
0
Несекојдневно: Клуб од Африка и клуб од Андора играа меч од првенството на Шпанија!

Синоќа во втората Ла Лига се одигра необичен меч, кој ќе остане запишан во историјата на шпанскиот фудбал. Во меч од 20-тото првенството коло играа екипите на Сеута и Андора, а победата им припадна на домашните со 2-1.

Но, до тука нема ништо невообичаено. Сепак, Сеута е град кој се наоѓа на северот од Африка и граничи само со Мароко, но е дел од шпанската држава и игра во шпанскиот лига-систем. Андора иако е клуб од друга земја, сепак е дел од шпанскиот фудбал, па така две екипи кои и не се територијално од Шпанија, одиграа меч во шпанското првенство, што се случи за првпат во историјата.

Сеута со победата се искачи на шесттата позиција, па ако продолжи со одличните игри, може да конкурира дури и за влез во шпанската елита, додека Андора е на 14-тата позиција во лигата која брои 22 екипи со само два бода предност пред опасната зона.

Манчестер сити ќе се обиде итно да го доведе Марк Гехи

Никола Ѓуровски
-
0
Манчестер сити ќе се обиде итно да го доведе Марк Гехи

Англискиот премиерлигаш Манчестер сити ја следи ситуацијата околу Марк Гехи од Кристал Палас, јавува „Би-Би-Си“. По повредите на Рубен Дијаш и Јошко Гвардиол во дуелот против Челси од 20-тото коло на Премиер лигата, Граѓаните се подготвуваат да го засилат дефанзивниот ред.

Сè уште нема конечна одлука дали Сити ќе се обиде да го ангажира англискиот стопер од Палас, чиј договор истекува на крајот од сезоната и нема да биде продолжен. Пеп Гвардиола се обидува да најде наједакватно решение, со оглед дека Манчестер сити е во трка за шампионската титула и мора да ја зголеми конкуренцијата во одбраната.

Ливерпул и Баерн Минхен исто така ја следат ситуацијата и имаат интерес за Гехи, а не е исклучено и Реал Мадрид да тргне по неговиот потпис. Сепак, сите три клуба се подготвени да чекаат до летото, кога ќе можат да го земат без обесштетување.

Шкотскиот великан ќе го добие и четвртиот тренер оваа сезона

Павле Симовски
-
0
Шкотскиот великан ќе го добие и четвртиот тренер оваа сезона

Шкотскиот великан Селтик ќе го добие и четвртиот тренер оваа сезона, откако раководството на клубот му врачи отказ на Вилфред Нанси. Францускиот тренер пристигна во Глазгов пред само 33 дена и тоа како долгорочно решение, но си оди по нешто повеќе од еден месец.

Селтик ја започна сезоната со Брендон Роџерс на клупата, а на негово место како привремено решение седна Мартин О’Нил. На трети декември беше назначен Нанси.

Лидер во првенството на Шкотска е Хартс со 44 бода, по шест повеќе од вечните ривали Селтик и Глазгов Ренџерс, а токму тоа е неприфатливо за раководството на „зелено-белите“.

Египет дури по продолженијата го скрши отпорот на незгодниот Бенин (Видео)

Павле Симовски
-
0
Египет дури по продолженијата го скрши отпорот на незгодниот Бенин (Видео)

Репрезентацијата на Египет и на шесттиот меч по ред од нок-аут фазата на Африканскиот куп на нации, ако го сметаме и претходното издание, играше продолженија од двапати по 15 минути.

„Фараоните“ дури по дополнителните 30 минути го скршија отпорот на жилавиот Бенин и победија со 3-1.

Египет поведе преку Атиа во 69-тата минута, но Бенин преку Досу во 83-тата минута израмни на 1-1 и се избори за продолженија против фаворитот.

Пласманот во четвртфиналето за Египет го донесе Јасер Ибрахим со гол во 97-мата минута.

Точка на победата на Египет стави Мохамед Салах со гол во 124-тата минута.

Противник на „фараоните“ во четвртфиналето ќе им биде подобриот од мечот на Брегот на Слоновата Коска и Буркина Фасо.

1...272829...10.360Страна 28 од 10.360

Спорт Манија е портал наменет за љубителите на спортот кој почна со работа на 14 септември 2018 година.

Контакт: contact@sportmanija.mk

Спорт Манија © 2018-2023