Дома Blog Страница 27

Гнабри има тешка повреда, можно е да не игра и на Светското првенство

Трајан Маневски
-
0
Гнабри има тешка повреда, можно е да не игра и на Светското првенство

Баерн Минхен доби многу лоши вести, а тоа е дека до крајот на сезоната сигурно нема да може да сметаат на Серж Гнабри. Еден од најдобрите фудбалери на баварскиот гигант заработи повреда во дуелот против Реал Мадрид во Лига на шампиони, а по направените лекарски контроли констатирано е дека претрпел руптура на адукторскиот мускул и ќе го пропушти полуфиналето на Лигата на шампионите против ПСЖ.

Баварскиот клуб не прецизираше колку долго ќе биде надвор од терените, само наведувајќи дека станува збор за „долгорочно“ отсуство. Уште позагрижувачки е фактот дека играчот од средниот ред би можел да го пропушти Светското првенство.

Иако сè уште не е официјално отпишан од Мундијалот, просечно закрепнување од тешка руптура на адукторскиот мускул трае шест до осум недели мирување пред да започне рехабилитацијата со полесни тренинзи.

Гнабри сезонава постигна 10 голови, а имаше и 10 асистенции во дресот на Баерн Минхен, кој денеска на свој терен во Минхен може да ја прослави новата титула во Бундеслигата.

Нова „магија“ на Меси, Аргентинецот со два гола донесе победа на историски меч во МЛС (Видео)

Трајан Маневски
-
0
Нова „магија“ на Меси, Аргентинецот со два гола донесе победа на историски меч во МЛС (Видео)

Интер Мајами победи со 3:2 на гостувањето во Колорадо, во меч од МЛС шампионатот на САД, а во глава улога беше Лионел Меси. Легендарниот аргентински виртуоз покажа дека уште е незадржлив, постигнувајќи два гола во победата на неговиот тим.

Меси прво погоди во 18 минута од пенал за водство на Интер Мајами од 1:0. За Меси ова беше вкупно 113 погодок од пенал во кариерата, а има промашено само 31 удар од белата точка.

Гостите од Мајами на полувреме водеа и со 2:0 откако прецизен беше Бертераме. Сепак Колорадо не се предаде и во првите 15-тина минути од второто полувреме домаќините постигнаа два гола за израмнување на 2:2. Да не биде нерешено се погрижи повторно Меси.

Аргентинецот направи еден соло продор, а потоа во негов стил успеа да ја пласира топката во мрежата покрај немоќниот голман на домаќините. Овој прекрасен погодок беше вкупно 905-ти за Меси во кариерата. Откако дојде во Интер Мајами, Меси има одиграно 97 натпревари, а досега постигна 85 погодоци, плус има и 43 асистенции.

Шоуто на Меси на стадионот во Колорадо го гледаа 75.824 гледачи што е втот најгледан меч во историјата на МЛС шампионатот.

За Интер Мајами ова беше четврта победа во осмиот меч сезонава и со 15 бодови тимот се искачи на второто место на табелата во Источната конференција, зад лидерот Нешвил кој има 19 бодови.

Јокиќ со трипл-дабл го почна и плејофот за 13-та победа по ред на Денвер, Лејкерс победија и без Дончиќ (Видео)

Трајан Маневски
-
0
Јокиќ со трипл-дабл го почна и плејофот за 13-та победа по ред на Денвер, Лејкерс победија и без Дончиќ (Видео)

Екипата на Денвер нагетс со победа стартуваше во НБА плејофот откако на домашен терен по голема борба славеше над Минесота со 116:105. Домашниот тим лошо го започна дуелот и по првата четвртина имаше двоцифрено заостанување од 33:23. Брзо се врати Денвер и втората четвртина ја доби со 39:29, па на полувреме се замина со нерешен резултат (62:62).

Клучната предност за победата Денвер ја направи во третата четвртина кога поведе со 85:70 и потоа до крајот на дуелот не дозволи противникот да се понадева дека може да направи брејк на стартот од плејофот. Дуото Џемал Мареј и Никола Јокиќ беа предводници во победничкиот тим, заедно постигнувајќи речиси половина од поените на домаќините. Мареј со 30 поени беше најефикасен на средбата, а Јокиќ уште еднаш ја покажа својата разновидност и средбата ја заврши со трипл-дабл од 25 поени, 13 скокови и 11 асистенции. За Денвер ова беше 13-та победа по ред и сега се блиску до израмнување на клупскиот рекорд.

Кај Минесота најефикасни беа Едвардс со 22 поени и Гоберт со 17 поени и 10 скокови.

Интересно е дека на стартот од плејофот, домашните екипи беа без грешка и во сите четири меча беа подобри. Освен Денвер, пред своите навивачи победуваа и Лос Анџелес лејкерс против Хјустон со 107:98, Њујорк беше подобар од Атланта со 113:102 и Кливленд кој го победи Торонто со 126:113.

 

Пенал-рулетот застана на „сино-бело“: Реал Сосиедад го освои Купот на Шпанија (Видео)

Павле Симовски
-
0
Пенал-рулетот застана на „сино-бело“: Реал Сосиедад го освои Купот на Шпанија (Видео)

Реал Сосиедад четвртипат во историјата, односно првпат по 2020 година, го освои Купот на Шпанија. Екипата од Баскија во финалето беше подобра од Атлетико Мадрид дури по изведувањето на пеналите. Мечот по 90 минути игра заврши нерешено, 2-2, а ист беше резултатот и по 120 минути игра во Севиља.

Унаи Мареро е херојот на Реал Сосиедад, со оглед дека ги одбрани пеналите на Сорлот и Алварес, а на спротивната страна Мусо успеа да го скроти само ударот на Оскарсон.

Диего Симеоне и по пет години останува без трофеј со Атлетико Мадрид, откако во 2021 година сензационално ја освоија Ла Лига.

Мечот во Севиља беше драматичен и во неговиот регуларен тек. Баранечеа ги доведе Баскијците во водство уште во 14-тата секунда, а Лукман израмни на 1-1 во 18-тата минута.

Ојарзабал од пенал во самиот финиш на првото полувреме донесе нова предност за екипата од Баскија, а Хулијан Алварес во 83-тата минута ги постави конечните 2-2.

Светски шампион со Франција тврди: „Мбапе е себичен, ПСЖ е посилен без него“

Павле Симовски
-
0
Светски шампион со Франција тврди: „Мбапе е себичен, ПСЖ е посилен без него“

Поранешниот француски репрезентативец и светски шампион со „триколорите“, Емануел Пети, го обвини Килијан Мбапе дека внел себичност во соблекувалната на Реал Мадрид по елиминацијата на шпанскиот гигант од Лигата на шампионите од Баерн Минхен.

Пети, кој работи како стручен коментатор за француската телевизија „РМЦ“, остро го критикуваше Мбапе по поразот.

„Мбапе не е единствениот виновник, но неговото доаѓање внесе себичност во соблекувалната на Реал. Ова е фијаско“, изјави Пети.

Тој посочи и дека ПСЖ станал посилен откако Мбапе го напушти тимот во 2024 година.

„Времето навистина не му оди во прилог. Сега ПСЖ игра како тим, феноменални се. Сите се обединети, дишат како едно“, рече тој.

Откако пристигна во Реал пред две години, Мбапе сè уште нема освоено ниту еден трофеј со „кралскиот“ клуб.

Од друга страна, ПСЖ минатата сезона стана европски шампион, а оваа сезона се пласираше во полуфиналето на Лигата на шампионите.

Челзи трипати во „пречка“, Јунајтед победи од единствениот шут (Видео)

Павле Симовски
-
0
Челзи трипати во „пречка“, Јунајтед победи од единствениот шут (Видео)

Манчестер јунајтед со минимални 0-1 славеше во дерби-мечот против Челзи на „Стемфорд Бриџ“. Извесно е дека „црвените ѓаволи“ следната сезона ќе играат во Лигата на шампионите, па најзадоволни од ваквиот исход може да бидат во Ливерпул, бидејќи токму Челзи е најголемиот конкурент за петтото место место и пласманот во елитната конкуренција.

Матеус Куња во 43-тата минута беше стрелец на единствениот гол на мечот, а фудбалерите на Челзи дури трипати ја погодија рамката од голот на „црвените ѓаволи“. Воедно ударот на Куња беше единствениот кој го упатија гостите во рамки од противничкиот гол.

Манчестер јунајтед со 58 бода останува на третата позиција, додека Челзи е шестти со 48 поени, четири помалку од Ливерпул во битката за петтото место и пласманот во Лигата на шампионите.

Флорентино Перес одлучил: Арбелоа ќе добие отказ на крајот од сезонава!

Павле Симовски
-
0
Флорентино Перес одлучил: Арбелоа ќе добие отказ на крајот од сезонава!

Шпанските медиуми вечерва сензационално пренесуваат дека раководството на Реал Мадрид, предводено од Флорентино Перес, веќе донело одлука на крајот од оваа сезона да му се заблагодари на Алваро Арбелоа и да тргне во потрага по нов тренер.

„Кралевите“ и втора сезона по ред нема да освојат трофеј, секако доколку не се случи чудо и завршат пред Барселона во Ла Лига, но „каталонците“ во моментов имаат предност од девет бода.

Алваро Арбелоа дојде на местото на Чаби Алонсо и во никој случај не може да биде главниот виновник за лошите резултати, сепак, раководството на „кралевите“ посакуваат тренер кој ќе ги врати на шампионските патеки.

43-годишниот Шпанец го предводеше Реал Мадрид на 21 натпревар со ефект од 13 победи, едно реми и седум порази.

Барселона нема да смета на позајмените фудбалери, судбината на голманите зависи од Шчесни

Павле Симовски
-
0
Барселона нема да смета на позајмените фудбалери, судбината на голманите зависи од Шчесни

Спортскиот директор на Барселона, Деко, заедно со тренерот Ханси Флик, донеле одлука дека за следната сезона нема да сметаат на позајмените фудбалери кои во моментов настапуваат за други екипи. Единствено неизвесна е ситуацијата со голманите, а дали Марк-Андре тер Штеген или Ињаки Пења ќе се вратат на „Камп Ноу“ ќе зависи единствено од Војчех Шчесни.

Ако полскиот голман одлучи да се пензионира, тогаш во Барселона ќе има простор за враќање на еден од голманите. Во спротивно или ќе бидат продадени или повторно ќе бидат испратени на позајмица. Истото се однесува и младиот голман, Арон Јакобашвили, кој е позајмен во второтлигашот Андора.

Што се однесува до фудбалерите, оваа одлука ќе значи дека за Ансу Фати и за Хектор Форт нема да има место на „Камп Ноу“ ниту следната сезона. Фати во моментов е на позајмица во Монако, додека Форт настапува за Елче.

Ѓорче Петров и Спартак во битка за трофејот од женскиот ракометен Куп на Македонија

Павле Симовски
-
0
Ѓорче Петров и Спартак во битка за трофејот од женскиот ракометен Куп на Македонија

Ѓорче Петров и Спартак ќе играат за трофејот од женскиот ракометен Куп на Македонија во недела со почеток од 17 часот во салата „Парк“ во Струмица. Бранителот на двојната круна, Ѓорче Петров, очекувано дојде до финалето, откако во полуфиналето славеше со убедливи 37-15 над битолски Пелистер.

Ако пласманот на Ѓорче Петров во финалето е очекуван, тогаш вистинска сензација претставува победата на Спартак над Чаир од 24-23. Екипата од скопска Кисела Вода дојде како дебитант на завршниот турнир во Струмица и успеа да го елиминира фаворитот, кој последните две години играше во мечот за трофејот.

Спартак првпат во својата историја ќе има можност да игра за трофеј, а дуелот против моментално најдобрата женска ракометна екипа во Македонија, Ѓорче Петров, ќе биде вистински предизвик за екипата која зимава се засили со неколку ракометарки од редовите на распаднатиот суперлигаш Металург Автокоманда.

Мијатовиќ го критикува Реал: „Две сезони без трофеј е сериозен неуспех“

Павле Симовски
-
0
Мијатовиќ го критикува Реал: „Две сезони без трофеј е сериозен неуспех“

Легендарниот напаѓач и поранешен спортски директор на Реал Мадрид, Предраг Мијатовиќ, ја анализираше ситуацијата во „кралскиот“ клуб по елиминацијата од Баерн Минхен и сезоната без трофеи.

Тој истакна дека е многу сериозно тоа што втора сезона по ред Реал нема да освои ниту еден трофеј.

„Две ‘празни’ сезони и тоа е многу сериозно за Реал Мадрид. Затоа е тоа најголемиот клуб во светот. Да не освоиш ништо е неуспех. Во денешниот фудбал не може секогаш да се победува, а ние, мадридистите, сме лошо навикнати. Да се освојат шест титули во Лигата на шампионите во последните години никој никогаш нема да го повтори. Сега треба повторно да се изгради тим за да се победува“, изјави тој.

Мијатовиќ не го гледа главниот проблем кај напаѓачите како Килијан Мбапе и Винисиус.

„Мбапе дојде да постигнува голови и тоа го прави. Винисиус имаше добри сезони и се појавува на важни натпревари, иако последниот пат немаше среќа. Ќе мора да го промени своето однесување, а тоа сум го кажал многу пати. Ме обвинија дека имам нешто против него, но има работи што не ми се допаѓаат. Тоа не ја намалува важноста на тимот“, рече и продолжи:

„На пример, Зидан беше најдобар во еден период, но лидер на Франција беше Дешан. Сега му недостигаат Јеро, Рамос, Раул… Некој што на теренот може да направи две-три работи и да го ‘подреди оркестарот’. Лидер, тренер на теренот. Реал Мадрид има одлични играчи, но не гледам фигура што ќе каже: ‘Што, по ѓаволите, правите!’“

1...262728...10.760Страна 27 од 10.760