Ракометарките на Унгарија во фото-финиш со гол на десетина секунди до крајот ја победија Германија со 26:25 и веројатно ја исфрлија од игра за полуфинале.
Еднакво возбудливо беше и во Нант, а домаќинките не успеаја да ја победат Шведска и да си го запечатат пласманот во полуфиналето.
Мечот заврши нерешено, 21:21, а Франција остана лидер со пет бода, но од 4 меча има пет бода и настапот во полуфиналето не им е сигурен. Шведска има три бода од четири натпревари.
Антонио Гарсија Аранда, или попознат само како Тоњо е стрелец на петстотиот гол за Леванте во Ла Лига. Причина за прослава на голот во тој момент немаше, бидејќи Тоњо со јубилејниот погодок само намали на 3:4 против Еибар, но затоа „петстокецот“ на Борха Мајорал во последните моменти на дуелот од 12 часот денеска донесе голема радост за Барди и соиграчите.
Леванте има 11 настапи во најсилната шпанска лига, а денеска стаса до јубилејот со голот на Тоњо.
Нашиот репрезентативец Енис Барди има солидно учество со вкупно 10 голови во нецели две сезони како го носи дресот на тимот од Валенсија. Лани даде 9 гола што е супер учинок за играч од средниот ред, а во тековното првенство засега по 15 кола постигна еден погодок.
Стефан Ристовски нема да игра за Спортинг вечерва против Авеш и доби уште некој ден за комплетно да се рехабилитира по повредата на препоните.
Се очекуваше тој да биде подготвен за настап против Авеш, минатата недела се врати на тренинзите, но новиот тренер на Спортинг, Марсел Кајзер одлучи да го поштеди нашиот репрезентативец и овој викенд.
Ристовски се повреди на мечот со Арсенал во Европа Лигата на 25. октомври и оттогаш нема играно. Против Авеш ќе му биде деветти меч како не е на терен, крај десната аут-линија во дресот на Спортинг.
Се очекува 26-годишниот дефанзивец на „лавовите“ од Лисабон да биде подготвен за настап во четврток против Ворскла во меч од Европа Лигата.
Повеќе од 500 типстери беа дел од ова коло на Спортска прогноза и дадоа свое мислење на понудените 12 мечеви. Синоќа се одиграа поголем дел од мечевите кои беа на понудата, а за денеска и утре има уште пет двојки кои треба да се одиграат, за да се комплетира колото.
Петте меча кои допрва треба да се одиграат се одлична можност и за правење на тикет кој би можел да ви донесе добивка. Ние ќе ви ги понудиме петте меча со процентите за тоа како размислуваат повеќе од 500 типстери. Според прогнозата, во сите пет дуели има фаворит за победа, но дали прогнозите на типстерите ќе бидат точни, ќе се увериме по завршување на средбите.
Аталанта е голем фаворит на гостувањето кај Удинезе, бидејќи речиси секој втор од повеќе од 500 прогнози се со мислење за „двојка“. Победа на Аталанта во обложувалниците на Sport Life е со коефициент 1.95, што е прилично примамливо.
Триумф на домаќините со дури 56,55 отсто прогнозираат како конечен исход на дуелот помеѓу Њукасл и Вулверхемптон. Според коефициентите, се очекува многу неизвесен меч, но типстерите на Спортска прогноза очигледно немаат дилеми, па советуваат да се игра „кец“ на коефициент 2.85.
Милан е апсолутен фаворит против Торино на „Сан Сиро“. За победа на домаќините прогнозираа 390 играчи на Спортска прогноза, додека само 1 отсто верува во триумф на Торино. Победа на Милан се „плаќа“ со коефициент 1.87.
Дуелот од француското првенство меѓу Сент Етјен и Олимпик Марсеј е одложен, па затоа тој пар нема да влезе во оваа понуда. Тикетот кои го нудиме по мислењата на играчите на Спортска прогноза, ќе го заокружиме со два меча од понеделник.
Евертон е апсолутен фаворит против Ватфорд, бидејќи 80 отсто прогнозираат „единица“. Коефициентот е 1.80. Радост за домаќините се очекува и на мечот од втората Бундес лига меѓу Бохум и Сент Паули, бидејќи повеќе од половина веруваат во триумф на Бохум, додека 38 отсто се за „икс“. Победа на Бохум „вреди“ 2.30 коефициент.
Ако се одиграат овие пет меча, според мислењето на поголемиот дел од типстерите на Спортска прогноза вкупниот коефициент е 43, што нуди можност за добра заработувачка.
| [Нед 15:00] Удинезе – Аталанта | 69 (13,69%) | 188 (37,30%) | 246 (48,81%) |
| [Нед 17:00] Њукасл – Вулверхемптон | 285 (56,55%) | 157 (31,15%) | 61 (12,10%) |
| [Нед 20:30] Милан – Торино | 390 (77,38%) | 106 (21,03%) | 7 (1,39%) |
| [Нед 21:00] Сент Етјен – Марсеј | 114 (22,62%) | 206 (40,87%) | 183 (36,31%) |
| [Пон 20:30] Бохум – Сент Паули | 277 (54,96%) | 192 (38,10%) | 34 (6,75%) |
| [Пон 21:00] Евертон – Ватфорд | 404 (80,16%) | 87 (17,26%) | 12 (2,38%) |
Френки Де Јонг нема потпишано, ниту договорено трансфер во ПСЖ. Младиот фудбалер на Ајакс од девојката слушнал дека има понуда од парискиот клуб, вредна 75 милиони евра. Тој вели дека нема шанса да одлучи пред нова година каде ќе ја продолжи кариерата од следната сезона.
„Девојката ме разбуди во петокот наутро и ми кажа дека сум имал понуда од 75 милиони. Нема никаков договор. Немам донесено одлука. Размислувам само за игрите во Ајакс. Ни останаа уште пет меча до зимската пауза, не можам да си го трошам времето со шпекулации околу мојата иднина. Би било непочитување кон клубот и соиграчите ако коментирам за следен клуб“ – изјави Де Јонг.
За него се интересираат Барселона, Манчестер сити, ПСЖ, и други клубови. Барса беше најзагреана за него, но тој „лајкува“ објави на Реал Мадрид по социјалните мрежи, а Сити и ПСЖ му нудат многу пари.
Ривер плејт и Бока јуниорс вечерва конечно би требало да го одиграат реванш-мечот од финалето во Купот Либертадорес и да дознаат кој ќе биде шампион на Јужна Америка. По две одложувања на мечот, кој требаше да се игра во Буенос Аирес, вечерва Мадрид ќе биде домаќин на двата аргентински гиганти.
Реваншот не се одигра во првично планираниот термин поради дивеењето на навивачите на Ривер. Овојпат тие покажаа дека знаат да направат и вистинска фешта, па го „окупираа“ центарот на Мадрид и покажаа што е фудбалска страст.
Поранешниот англиски репрезентативец и еден од најдобрите дефанзивци во изминативе неколку децении, Рио Фердинанд откри една тајна која повеќе од 10 години ја чувале сите во репрезентацијата на „Гордиот Албион“. Рио се присети и раскажа за тоа како сите кои биле дел од националниот тим на Светското првенство во 2006 година во Германија, претрпел невидена траума.
„Во четвртфиналето на Мундијалот бевме елиминирани од Португалија, а потоа ни се случи вистински кошмар. Го имавме најстрашното враќање кон дома. Додека летавме се појави големо невреме и сите помисливме дека авионот може да се сруши. Сите плачевме. Седев во близина на Руни, Џерард и нивните сопруги и сите вриштеа. Луѓето и багажот неконтролирано се движеа, а никој не знаеше да каже што се случува. Кога ги погледнав лицата на стујардесите, знаев дека ситуацијата е многу загрижувачка. Најчесто кога се возам во авион сум смирен, но овојпат не беше така“, раскажува Фердинанд.
На крајот, авионот безбедно слетал во Лондон и сите биле неповредени. Во таа генерација на англискиот национален состав беа и Дејвид Бекам, Мајкл Овен, Џон Тери, Ешли Кол… Никој од нив досега не зборувал за оваа ситуација, а Фердинанд е првиот кој откри што се случувало на тој лет од Германија кон Англија.
Спорт Манија е портал наменет за љубителите на спортот кој почна со работа на 14 септември 2018 година.
Контакт: contact@sportmanija.mk
Спорт Манија © 2018-2023
