Амиен – Монако (19 ч.)

Дуел на два тима коишто се борат за опстанок во Франција. Нереално делува фактот дека Монако игра во групата од Лигата на шампионите, а е на 19-тото место во домашното првенство. Доколку тимот од малото Кнежество не почне да победува, може да се случи и да испадне.

Во моментов можеби и нема подобар противник од Амиен за Монако да се израдува на три бода. Тоа е екипа која е веднаш над Монако на табелата. Амиен дома освои 12 бодови, што значи дека игра солидно, но Монако мора да брка триумф. Двете победи кои ги има сезонава, Монако ги оствари на гостински терен.

Статистиката вели дека на четири од последните пет меча немало победник, што покажува дека ќе биде неизвесно и сега.

Предлог тип: Х2&2-4 (2.35)

Ватфорд – Манчестер сити (21 ч.)

Формата во која се наоѓа Манчестер сити е застрашувачка. Без разлика кој е противникот, „граѓаните“ едноставно редат нови победи. За избраниците на Пеп Гвардиола денешниот предизвик е Ватфорд. Тоа е ривал кој знае да биде незгоден, но кога се работи за меѓусебни дуели, Сити е доминантен и победил на сите осум последни средби.

Мал проблем за гостите може да биде повредата на Серхио Агуеро, за кого се очекува да мирува. На три од последните четири првенствени дуели, Сити прима барем по еден гол, а на гости веќе има две ремија во шест средби, па токму затоа би можело да се одигра една интересна комбинација кога е дел од „Квота на денот“ во Sport Life.

Предлог тип: Х2&ГГ (2.10)

Хетафе – Кордоба (19:30 ч.)

Во реванш-меч од Купот на Шпанија, Хетафе го пречекува второлигашот Кордоба. Тимот од Мадрид на првиот меч на гости победи со 2-1 и сега треба само рутински да ги одработи вторите 90 минути и да се пласира во осминафиналето. Кордоба е тим кој не може да се пофали со добра одбрана, па токму затоа и во Сегунда дивисион досега примиле 33 погодоци на 16 меча и се на претпоследната позиција на табелата.

Гостите нема што да загубат, ќе играат без притисок, во обид да направат чудо. Историјата вели дека на четири од последните шест меча на овие два клуба, било ГГ3+, што значи дека треба да има погодоци.

Предлог тип: 1+I&3+ (2.00)

Сампдорија – СПАЛ (18 ч.)

Прволигашки дуел во рана фаза од Купот на Италија. Според резултатите во последните неколку кола, ова треба да биде меч со погодоци. Сампдорија игра ГГ на последните пет средби, додека кога се работи за СПАЛ, на последните 11 средби имало барем по два погодоци.

СПАЛ има дури седум порази на последните 10 меча, но и Сампдорија не е многу подобра, бидејќи во саботата со победата над Болоња прекина една низа од пет средби без победа. Најдобро е да се типува на погодоци.

Предлог тип: 2-3 гола (1.93)

Вест хем – Кардиф (20:45 ч.)

Двете екипи во победничка атмосфера ја очекуваат денешната битка. Домаќините имаат проблеми со повредените Јармоленко, Санчес, Ланзини, но и покрај тоа, се фаворити. Тоа го покажуваат и последните шест меѓусебни дуели, на кои „чеканите“ победувале, и тоа најчесто лесно бидејќи дури на пет средби не примиле ниту еден гол.

Интересен податок е тоа дека на девет од 12 средби на овие два тима се случувало барем еден да не даде гол. Малку непопуларна игра е НГ, но традицијата вели дека тоа би можело да биде сигурен тип за овој пар или чист „кец“.

Предлог тип: 1 (1.72)