Без наслов - Страница 9547

Ангеловски: Бодовите се најважни

Трајан Маневски

-

16.11.2018

Селекторот на македонската фудбалска репрезентација Игор Ангеловски е задоволен бидејќи посакуваните три бода се додадени на контото на нашата селекција.

„Бодовите се најважни. Лихтенштајн одлично се бранеше во првото полувреме, но кога Барди погоди, ни беше полесно. Имавме многу шанси, можеби требаше и порано дададеме гол, но кога ќе се победи на еден меч и се оствари целта, мора да се честита. Адеми во последен момент отпадна од составот. Тој имаше тахикардија, цела ноќ немаше спиено и со лекарскиот тим решивме дека не треба да настапи“, рече Ангеловски на прес конференцијата, по победата во Вадуз против Лихтенштајн.

На Македонија сега и останува уште мечот против Гибралтар кој се игра на 19 ноември на арената „Филип Втори“ во Скопје. Со нови три бода, Македонија ќе оствари уште една цел, а тоа е во полуфиналето од плеј-офот да игра на свој терен.

Светскиот првак „невидлив“ на гостувањето во Холандија

Златко Јуруковски

-

16.11.2018

0

Холандија со победата над Франција од 2:0 со головите на Вајналдум, и Депај во финишот од пенал, го спречи светскиот првак да обезбеди плејоф во Лига А од Лигата на нации, не само тоа, туку Франција сега не зависи од самата и ќе навива за Германија против Холандија.

„Триколорите“ потфрлија, нивен најдобар играч беше голманот Љорис, кој со девет одбрани (рекорд за француски голман во последните 10 години) спречи уште потежок пораз. Во тимот на селекторот Дешам, многу фалеше Погба. Статистиката покажува дека со Погба во составот, Франција има 70 проценти победи, а без него само 44.

Гризман својот прв меч за Франција го одигра во 2014 година, токму против Холанѓаните, но и него вечерва го немаше никаде и не беше опасност по голот на противникот.

Ова е голот со кој Вајналдум ја најави големата победа на Холандија:

Во другите групи, Украина туристички замина во Словачка, загуби со 1:4, но и тоа беше доволно за пласман во елитната Лига А. Данска со трите бода на гостувањето во Велс, го презеде првото место, и тоа ќе се покаже како клучно околу борбата за врвот.

РЕЗУЛТАТИ:

ЛИГА А: Холандија – Франција 2:0. Табела: Франција 7 бода, Холандија 6, Германија 1.

ЛИГА Б: Словачка – Украина 4:1, Велс – Данска 1:2. Табела, група 1: Украина 9, Словачка и Чешка по 3. Група 4: Данска 7, Велс 6, Република Ирска 1.

ЛИГА Ц: Кипар – Бугарија 1:1, Словенија – Норвешка 1:1. Табела: Норвешка и Бугарија по 10, Кипар 5, Словенија 2.

Мисијата Лихтенштајн е завршена, следи Гибралтар за сигурно прво место (Видео)

Трајан Маневски

-

16.11.2018

0

Македонската фудбалска репрезентација го задржа лидерското место во групата од Лигата на нации, откако вечерва во Вадуз славеше со 2:0 против Лихтенштајн. Енис Барди и Илија Несторовски беа стрелци на погодоците во второто полувреме.

Барди постигна прекрасен гол од слободен удар во 53 минута. Погодокот на Барди може да го видите ТУКА. Победата беше потврдена во 92 минута кога по една добра акција, Несторовски остана буквално сам пред голот на противникот и без проблеми ја затресе мрежата.

Покрај двата гола, капитенот Горан Пандев ја погоди стативата во 70 минута, а добри шанси за погодок имаа и Несторовски и Хасани. Избраниците на селекторот Игор Ангеловски доминираа на теренот во Вадуз и заслужено го освоија трите бода. Македонија сега има 12 бодови во групата, каде Ерменија има 9 бодови, Гибралтар е со 6, а Лихтенштајн остана на три бода.

За три дена, Македонија во последното коло на арената „Филип Втори“ го пречекува Гибралтар, кој вечерва на свој терен загуби убедливо од Ерменија со 2:6 и на тој начин ги загуби сите шанси дека може да се надева за првото место. Македонија го победи Гибралтар на гости со 2:0 и сигурно нема да дозволи кикс во Скопје, кој би значел губење на певото место.

Со освојување на првото место во групата, „црвено-жолтите“ ќе се пласираат во баражот за пласман на Европското првенство во 2020 година.

Барди + слободен удар = гол за Македонија (Видео)

Трајан Маневски

-

16.11.2018

1

Македонија конечно поведе на гостувањето кај Лихтенштајн со 1:0 и тоа благодарение на голот на Енис Барди во 53 минута. По една акција на нашата селекција, Пандев беше фаулиран, а Сандро Висер доби втор жолт картон и беше исклучен.

Токму од слободниот удар по прекршокот над Пандев, Македонија стигна до предност. Кога се работи за изведување на слободни удари во близина на голот, се знае, време е Енис Барди да покаже што знае.

Нашиот репрезентативец е прогласен за фудбалер со најдобра релизација од слободни удари во последните три и пол години во Топ 5 лигите во Европа, а овојпат тоа го потврди и во националниот дрес.

Барди го префрли живиот ѕид и погоди за 1:0.

https://youtu.be/ALtiUHG7nrk

Лоша вест: Пандев нема да игра против Гибралтар

Трајан Маневски

-

16.11.2018

0

Капитенот на македонската репрезентација, Горан Пандев нема да игра на последниот меч од групната фаза во Лигата на нации, против Гибралтар во Скопје. Тоа стана јасно, откако Пандев доби жолт картон на гостувањето кај Лихтенштајн, а со тоа му се акумулираа парен број на јавни опомени, што значи и автоматски суспензија од еден меч.

Пандев се подготвуваше токму на дуелот против Гибралтар да го одигра јубилејниот 100 натпревар во националниот дрес, но сега тоа ќе мора да го одложи за следен дуел.

Македонија доминира, но не може да му даде гол на Лихтенштајн

Трајан Маневски

-

16.11.2018

0

Македонската фудбалска репрезентација е многу подобар тим на теренот во Вадуз, но по првиот дел, резултатот на гостувањето кај Лихтенштајн е 0:0. Нашите репрезентативци во текот на сите 45 минути ја имаа теренската ицицијатива, создадоа неколку шанси, но засега не се израдуваа на погодок.

Илија Несторовски во 12 минута и Ферхан Хасани во 18 минута ги имаа најдобрите шанси за гол, но беа непрецизни. Лихтенштајн со згуснат ред во одбраната не дозволуваат да има многу простор за Македонија и тоа засега им го носи посакуваниот резултат на домаќините.

Статистиката покажува дека Македонија има повеќе од 70 отсто посед на топката, речиси три пати повеќе додавања, изведе шест корнери додека ривалот не изведе ниту еден, но џабе се овие бројки, кога на семафорот по првиот дел е 0:0

Пангос со Барса „ги поздрави“ поранешните соиграчи

Златко Јуруковски

-

16.11.2018

0

Барселона на гости го совлада Жалгирис со 88:85, и тоа по продолжение од пет минути, откако каталонците испуштија победа уште во регуларниот дел. „Зелената шума“ се извлече на чудесен начин во последната четвртина, но немаше сили во екстра петте минути.

Кевин Пангос во претходните две сезони носејќи го дресот на Жалгирис, се истакна како еден од најдобрите плејмејкери во Европа, а сега како член на Барса со 10 поени и пет асистенции придонесе за пораз на литванскиот клуб.

За Жалгирис заврши низата од три победи по ред против Барселона, а тимот на тренерот Парунас Јасикевичиус остана и без домашна победа сезонава во Евролигата.

Анадолу Ефес го надигра Панатинаикос со 78:62 во првиот денешен меч.

Перасовиќ е нов тренер на Басконија

Златко Јуруковски

-

16.11.2018

0

Хрватскиот стручњак Велимир Перасовиќ се враќа на клупата на Басконија, клубот во чија сала ќе се игра фајнал-форот на Евролигата.

После синоќешниот пораз од Будуќност кога примија рекордни 21 тројки, баскијците решија да му врачат отказ на Педро Мартинес. Експресно беше најдена замена, а тоа е популарниот Перас.

Прв меч за Перасовиќ како тренер на Басконија сеознава ќе му биде оној в недела против Гран Канарија. Тој утре ќе пристигне во Виторија и ќе го има запознавањето со новиот тим.

Хрватот е добро познат во Виторија, тој дел од играчката кариера мина во овој клуб кој порано се викаше и Тау Керамика, а беше и тренер во два мандати, последен пат во сезоната 2015/2016, кога настапија на фајнал-форот во Берлин.

Легендарниот стадион во Мексико, во очајна состојба

Златко Јуруковски

-

16.11.2018

0

На „Ацтека“ се одигра мечот Италија – Германија 4:3 од полуфиналето на СП 1970 година, дуел кој е прогласен за натпревар на векот, Пеле истата 1970 таму во финалето даде гол и му помогна на Бразил да стане светски првак, во 1986 година Марадона на Аргентина ѝ ја донесе последната светска титула, но стадионот во Мексико сити во моментов е во лоша состојба.

Во 2026 година, СП ќе се игра во САД, Мексико и Канада, па на „Ацтека“ ќе му биде вратена славата, но во оваа 2018 година, изгледа очајно.

Поради многуте дождови и концертите, теренот е во многу лоша состојба, па меч од НФЛ лигата во американски фудбал закажан за 19 ноември беше откажан. Според фотографиите од пред некој ден, може да се заклучи дека теренот е како ораница.

Проблеми се и лошата видливост од одредени делови на трибините поеради намалувањето на капацитетот на 86.000 седишта, како и малкуте паркинг места.

Само еден човек може да има ќар од повредата на Начо

Златко Јуруковски

-

16.11.2018

0

Хесус Валјехо може да добие шанса за заигра за Реал Мадрид после репрезентативната пауза, бидејќи целосно ќе закрепне од повредата. Реал има пробем со повредите на дефанзивците, во прв ред Начо и Варан, па Валјехо би можел да биде алтернатива на некои мечеви, бидејќи календарот е згуснат и мора некогаш да одмори и Рамос.

На Реал му претстојат осум меча за 29 дена и секој играч плус е добра вест за тренерот Сантијаго Солари.

Начо нема да игра до крајот на 2018 година, па Валјехо би можел да дебитира сезонава. Ова му е шанса да се наметне и да покаже дека заслужува да го носи белиот дрес. Во спротивно, местото ќе му биде земено од Хави Санчес кој веќе дебитираше и беше прекомандуван од вториот тим.