25.8 C
Skopje
четврток, 14 август 2025
Дома Blog Страница 9548

Македонија со пет офанзивци ќе атакува во Вадуз

Златко Јуруковски
-
0

Селекторот Игор Ангеловски има доверба во голманот Столе Димитриевски, и чуварот на мрежата на Рајо Валјекано ќе биде во почетниот состав на гостувањето во Вадуз. Одбраната ќе ја сочинуваат Ристевски, Муслиу и Бејтулаи, во средниот ред се Николов, Барди, Хасани и Пандев, а во нападот ќе тргнат Трајковски, Тричковски, Несторовски.

Оваа формација на хартија е 3-4-3, но веројатно ќе има одредени корекции и треба да се види кои ќе бидат напред, а кои зад нив во втората борбена линија. Како и да е, Македонија влегува без калкулации, ќе се напаѓа од прва минута со сите сили.

 

„Магија“ на Салах за победа на Египет во 90 минута (Видео)

Трајан Маневски
-
0

Египет на свој терен со 3:2 го победи Тунис, во меч од 5. коло во квалификациите за Купот на Африканските нации. Резултатот беше 2:2 кога Салах со еден блескав потег успеа да го матира гостинскиот голман и да донесе триумф од 3:2.

Мечот беше со многу пресврти. Гостите водеа со 1:0, потоа Египет поведе со 2:1, но Тунис израмни и на 2:2. На крајот сепак Салах пресуди со погодокот во 90 минута.

Со оваа победа Египет стигна до 12 бодови, колку што има и Тунис и двете селекции обезбедија пласман на завршницата на Купот на Африканските нации.

Потег за почит: Играчите на Рома донираа 150.000 евра за лекување на фан на Ливерпул

Трајан Маневски
-
0

Шон Кокс е 53-годишен навивач на Ливерпул кој беше жртва во нападот на хулиганите на Рома во Ливерпул, пред полуфиналето од Лигата на шампиони кое се играше во април. Кокс кој е татко на три деца, беше нападнат непосредно пред „Енфилд Роуд“.

По нападот, Кокс заврши во болница со потрес на мозокот. Челниците на Рома тогаш го посетија во болница и му порачаа дека ќе му дадат финансиска помош додека трае лекувањето. Жената на повредениот Кокс, Мартина, вели дека нејзиниот маж ќе мора да има лекарска помош до крајот на животот. Шон моментно се лечи во Националниот центар за рехабилитација во Даблин.

Играчите на Рома собраа и донираа 100.000 евра, додека претседателот на клубот Џим Палота ќе додаде уште 50.000 евра.

„Тоа што му се случи на Шон Кокс не смее да му се случи на ниту еден навивач. Нашите мисли се со Шон и со Мартина и нивното семејство. Се надеваме дека ќе се опорави“, рече првиот човек на Рома, Палота.

Во Англија е во тек голема акција за помош на Кокс, а целта е да се соберат два милиони евра. Голем број на фудбалери, тренери и фудбалски работници донираа. Меѓу нив е и Јирген Клоп, кој даде 5.000 евра.

Ќе има пренос од Лихтенштајн – Македонија

Трајан Маневски
-
0

Специјализираниот спортски канал „Спорт клуб 3“ ќе врши директен пренос од дуелот Лихтенштајн – Македонија во Вадуз. Тоа значи дека сите оние кои го имаат овој канал на своите кабелски телевизии, ќе можат да го проследат мечот во живо.

Ова е дуел кој за Македонија може да значи обезбедување на првото место во групата од Лигата на нации, а со тоа и чекор напред кон остварување на сонот да се пласираме на завршницата на Европското првенство во 2020 година.

Дуелот во Вадуз започнува во 20:45 часот, а Македонија треба да има поддршка од неколку стотина иселеници кои најавија дека ќе бидат на стадионот во Вадуз.

 

Кратење на Прва лига дури во 2020 година

Трајан Маневски
-
0

Намалување на бројот на екипи од 12 на 10 во Прва лига ќе се случи во сезоната 2020/2021, е одлука на Управниот одбор на Македонската кошаркарска федерација. Покрај одлуките за клупски план кои ги имаше неколку, се зборуваше и за репрезентацијата. Доколку Македонија се пласира на ЕП и тоа без ниту еден пораз, наградата ќе биде еден милион денари, додека бонусот ќе биде 750.000 денари, доколку и покрај некој пораз Македонија е дел од завршницата.

Управниот Одбор при Македонската кошаркарска федерација на седницата ги донесе следните заклучоци:

1. Сезона 2018/2019 да се игра со систем бергер од 12 екипи и покрај тоа што се натпреваруваат 11 екипи. Дванаесеттиот испаѓа од прва лига директно,  а единаесеттиот игра бараж (само со домашни играчи) со второпласираната екипа од втора лига. Првопласираната екипа од втора лига влегува директно во прва лига за следната сезона.

2. Сезона 2019/2020 да се игра со систем бергер од 12 екипи. Дванаесеттиот испаѓа директно,  а единаесеттиот игра бараж (само со домашни играчи) со второ пласираната екипа од втора лига. Првопласираната екипа од втора лига влегува директно во прва лига за следната сезона.

3. За сезона 2020/2021 да се изработи предлог со намалување на бројот на екипи на 10 и начинот на влез и излез од прва лига. Исто така да се изработи и предлог за системот во втора и евентуално трета лига.

4. Висината на премијата за сениорската репрезентација доколку се пласира за квалификациите за Европско првенство и тоа:

  • 1.000.000,00 денари нето вкупна сума доколку се пласираат без пораз,
  • 750.000,00 денари нето вкупна сума доколку се пласираат како први во група со кош разлика.

5. Висината на дневниците за сениорските машка и женска репрезентација ќе изнесува 10 евра дневно.

6. Повторно да се испрати допис до сите клубови да пријават тренери и други службени лица меѓу кои и задолжително доктор. Да се известат службените лица на натпреварите (делегати и судии) дека е задолжително екипата да има тренер и доктор на натпревар.

„Рисовите“ со наострени канџи најавуваат победа и ништо друго

Златко Јуруковски
-
0

Македонската фудбалска репрезентација на стадионот во Вадуз од 20.45 гостува кај Лихтенштајн од Лигата на нации, а од редовите на „црвено-жолтите“ доаѓаат само оптимистички тонови. Селекторот Игор Ангеловски најави дека ќе играме за голема цел, а ќе избере фудбалери кои ќе донесат победа. Тој нема да смета на Елиф Елмас и Езџан Алиоски, но и без нив, Македонија е фаворит.

„Ќе изберам 11 фудбалери кои треба да ни донесат победа. Верував во оваа репрезентација кога малкумина веруваа. Не е важно против кого играме, туку за што играме, а играме за голема цел. Сите се добро подготвени, па така и Столе Димитриевски. Јас кажав дека тој е прв голман, тој брани во Примера и воопшто не се сомневам ни во него, ни во останатите“ – изјави Ангеловски.

Капитенот Горан Пандев вели дека оваа репрезентација ќе потврди дека е најдобрата во групата.

„Поразот во Ерменија беше една лоша вечер за нас, но и за судијата. Добро се познаваме со Лихтенштајн, често играме против нив во последните години и мислам дека ако одиграме како што знаеме, нема да имаме проблеми. Ова е нашата најквалитетна селекција и тоа ќе го докажеме. Само да влеземе со чисти глави и нема да имаме никакви проблеми. Разликата од 100 места на ФИФА листата со Лихтенштајн не мора ништо да значи. Најважни се три бода, без разлика со кој резултат, а потоа в понеделник да го прославиме првото место во групата“ – вели Пандев.

Македонија ќе има поддршка од нашинците кои живеат во Западна Европа и тоа треба да биде мотив плус за „рисовите“ да покажат дека се поквалитетни од Лихтенштајн.

Неверојатен факт: Кога е Меси на теренот, Суарез не може да даде гол

Трајан Маневски
-
0

Сите во Барселона едвај чекаа Лионел Меси да закрепне од повредата на раката и да се врати на теренот. Сепак можеби не сите го чекаа враќањето на Меси на теренот.

Статистиката покажува дека сезонава кога капитенот на Барселона не е на теренот, тогаш блеска Луис Суарез. Кога Меси ќе се појави на тревата, тогаш Уругваецот едноставно го снемува и не може да постигне гол.

Меси и Суарез одлично соработуваат на теренот, а се пријатели и во приватниот живот. Но, сезонава на Суарез не му оди најдобро кога Лео е на теренот. Статистиката покажува дека Суарез постигнува гол на речиси пет и пол часа со Меси покрај него на теренот. Кога Аргентинецот не игра, Суарез блеска. Просекот му е да дава гол на секои 82 минути на теренот.

Поради повредата на раката, Меси го пропушти Ел класико против Реал Мадрид, на кое прва ѕвезда беше Суарез со три погодоци. Веднаш по дербито, Суарез даде уште два гола во победата од 3:2 против Рајо Вајекано. Меси се врати на теренот на дуелот против Бетис, а Суарез не само што не даде гол, туку Барселона изненадувачи загуби на „Камп Ноу“ со 3:4. Лео даде два гола, но Суарез никаде го немаше на теренот.

Луис Енрике во друштво со најлошите шпански селектори

Томас Ѓорѓиевски
-
0

Репрезентацијата на Шпанија доживува турбулентни неколку месеци откако на клупата застана Луис Енрике. Започнаа со две победи над Хрватска и Англија во Лигата на Нации, ја покажаа и својата моќ против Велс во пријателски меч, а потоа работите тргнаа во надолна линија.

По поразот од 3-2 против „Гордиот Албион“, вчера следуваше нов пораз од „коцкестите“ со идентичен резултат.

Со овој учинок, Енрике се најде меѓу селекторите кои имаат најлош почеток во историјата на шпанската селекција, а според статистиката ја завзема четвртата позиција на оваа неславна листа:

  1. Висенте Миера – Две победи, два порази, едно реми – гол разлика 5:6
  2. Педро Ескартин – Две победи, два порази, едно реми – гол разлика 7:6
  3. Рамон Габилондо, Хозе Луис Коста, Хозе Луис Ласплазас – Три победи, два порази – гол разлика 13:8
  4. Луис Енрике – Три победи, два порази – гол разлика 16:8

 

 

Иснер немоќен, Зверев обезбеди полуфинале

Томас Ѓорѓиевски
-
0

Александар Зверев со 2-0 (7-6, 6-3) го победи Џон Иснер и обезбеди место во полуфиналето на финалниот турнир на АТП. Германскиот тенисер со овој триумф обезбеди пресметка против Роџер Федерер за пласман во финалето.

Со изедначени сили, првиот сет се играше до 6-6, без грешка на двајцата тенисери, па тајбрејкот Зверев го освои со 7-5. Зверев имаше за нијанса полесна задача во вториот сет, а одлучи брејкот кој го направи за 5-3.

Во 21 часот ќе се одигра дуелот помеѓу Ѓоковиќ и Чилиќ. Србинот веќе го обезбеди своето учество во полуфиналето, па по овој меч ќе се пресмета со Кевин Андерсон за влез во големото финале во Лондон.

Скратен списокот на ракометарки пред првиот собир

Томас Ѓорѓиевски
-
0

Селекторот на женската ракометна репрезентација, Симе Симовски, го скрати списокот на ракометарки пред стартот на подготовките за квалификациите за СП 2019. Од поширокиот список, останаа 21 ракометарки на кои Симовски ќе смета за дуелите против Исланд, Турција и Азербејџан.

Македонија ќе биде домаќин на натпреварите од квалификациската група кои ќе се играат од 30-ти ноември, до 2-ри декември, а средбите ќе се играат во СЦ „Борис Трајковски“.

Првиот собир на репрезентативките е закажан за 19-ти ноември.

1...9.5479.5489.549...9.787Страна 9.548 од 9.787

Спорт Манија е портал наменет за љубителите на спортот кој почна со работа на 14 септември 2018 година.

Контакт: contact@sportmanija.mk

Спорт Манија © 2018-2023