28.8 C
Skopje
недела, 27 јули 2025
Дома Blog Страница 9574

Раиконен го освои Остин, Хамилтон ќе почека за светска титула

Томас Ѓорѓиевски
-
0

Возачот на Ферари, Кими Раиконен, ја забележа првата победа во оваа сезона, освојувајќи ја Големата награда на САД, по вечерашната трка на патеката „Остин“. Финецот ја искористи погрешната стратегија на Хамилтон, кој калкулираше како ќе ја заврши трката во однос на Фетел, за да ја одбрани светската титула.

На Хамилтон му беа потребни осум бодови повеќе од Фетел за официјално да биде прогласен за старо-нов шампион, но Британецот на крај не успеа да го престигне Верстапен за втората позиција, заврши како трето пласиран, додека Фетел на два круга пред крајот го престигна Ботас и заврши како четврти. Верстапен беше човекот кој извозе најдобро гледајќи ја целокупната трка, откако стартуваше од 18-тата позиција, а на крајот заврши на подиумот како втор.

На Раиконен ќе му биде од големо значење оваа победа, откако последен пат се радуваше во 2013 година на трката за Големата награда на Австралија, поточно после 113 трки.

Хамилтон ќе мора да почека до следниот викенд, кога Формула 1 шампионатот се сели во Мексико.

 

„Луди“ Англичани: Навивачи на Милвол и Вест хем се тепаа на бокс меч (Видео)

Трајан Маневски
-
0

Кога ќе заминете на бокс меч планирате да гледате професионалци како ги одмеруваат силите во рингот. Сепак, на мечот меѓу Џони Гартон и Гери Коркоран се случи масовна тепачка во публиката.

Гартон го доби мечот по техничкиот нокаут во 11 рунда и стана британски првак во велтер категорија. Новиот шампион јавно се декларира како голем навивач на Милвол, а токму тоа беше и причина за тепачката на трибините. Симпатизерите на Гартон започнаа тепачка со навивачи на Вест Хем.

Овие два лондонски клуба важат за едни од оние кои ги имаат најозлогласените навивачи во Англија. Тоа се потврди и овојпат, бидејќи наместо да седат и да гледаат бокс меч, на голем дел од трибината беше хаос и тепање на сите страни. За среќа Вест хем е во Премиер лигата, а Милвол е во пониско натпреварување, па навивачите на овие два тима не може така често да се сретнат на трибината. Овојпат тие го искористија бокс мечот за да се пресметаат.

https://youtu.be/ZxYL6A_1b9w

Бедемот во Ѓорче Петров е непробоен веќе 450 минути

Трајан Маневски
-
0

Македонија Ѓорче Петров продолжува со перфектната одбрана кога игра на домашен терен. Екипата на Академија Пандев е последната во низата од пет клубови кои сезонава гостуваа на стадионот во Ѓорче Петров и не успеаа да ја затресат мрежата на „лавовите“. Домаќините дадоа еден гол, тој на Христијан Кировски во 55 минута, што беше доволно за нови три бода.

Со оваа победа, Македонија ја потврди одличната форма во која се наоѓа. Тоа е единствениот тим кој нема пораз на последните четири меча во првенството, па затоа сега „лавовите“ се наоѓаат на само три бода од третото место кое носи сигурен излез во Европа за следната сезона.

Теренот на стадионот во Ѓорче Петров е вистинска енигма за противниците како да го најдат патот до мрежата на домаќините. Веќе 450 минути мирува голот на „лавовите“. Откако во првите две кола на свој терен одиграа без голови против Шкендија и Беласица, потоа без ниту еден бод од ова гостување си заминаа Работнички (3:0), Победа (1:0), а сега и Академија Пандев. Македонија е единствен тим кој нема пораз на свој терен сезонава, што доволно кажува за сигурноста на домаќините пред своите навивачи.

Во следните две кола, ѓорчепетровци ќе имаат големи предизвици. Најпрво, на 28 октомври ќе гостуваат кај Шкендија и ќе се обидат да ја продолжат низата без пораз. Потоа на свој терен ќе играат против Вардар. Најтрофејниот македонски клуб пред 20-тина дена беше поразен во Ѓорче Петров со 2:1, во меч од Купот, кога „црвено-жолтите“ се радуваа на поминување во следната фаза. Сега мисијата на „лавовите“ ќе биде да продолжат да го чуваат непробоен бедемот пред нивниот гол.

 

 

 

Кумановци непоразени ќе влезат во дуел со Работнички

Златко Јуруковски
-
0

Тимот на Куманово беше подобар од АВ Охрид со 94:67 во последниот меч од колото во првата македонска кошаркарска лига. Неизвесноста ја немаше, гостите првата четвртина ја добија со 32-8, и на „галебите“ не им дозволија посериозно да го загрозат убедливото водство. Куманово сега е на 3-0, а охриѓани имаат 0-3.

Думиќ со 21 поен беше најрасположен во кумановскиот тим, а дури 11 различни играчи на Куманово се запишаа во листата на стрелци, и сите постигнаа 4 или повеќе поени. И во поразениот тим сите влегоа во игра, а 11-мина дадоа кош.

Во следното коло, Куманово дома игра со Работнички, во дерби на две од трите непоразени екипи досега.

Интер ќе има мисија плус, барем еден домаќин да победи во Серија А

Трајан Маневски
-
0

Во досегашните осум средби кои се одиграа во италијанската Серија А, домаќините немаат ниту една победа. Последен во низата што не успеа да ги израдува фановите на свој терен е Фиорентина. „Виолетовите“ одиграа 1:1 против Калјари, иако беа фаворити на овој меч.

Откако на полувремето беше 0:0, Фиорентина поведе со голот во 60 минута, но само 10 минути подоцна Калјари израмни  и тоа всушност беше и конечен резултат. Најава за лошата серија на домаќините беше вчерашниот пораз на Рома од СПАЛ со 0:2, а потоа и шампионот Јувентус во Торино не успеа да ја победи Џенова и одигра 1:1.

Вечерва Интер како домаќин ќе игра против Милан во градското дерби на „градот на модата“. Ова ќе биде девети меч во ова коло на кој домаќините ќе се обидат да стигнат до првата победа.

 

Тренерски говор на сезоната: Беше на работ на пораз, но чудесно се врати и победи (Видео)

Трајан Маневски
-
0

Русинката Дарија Касаткина го освои ВТА турнирот во Москва. Во финалето, таа беше подобра од Онс Јабеур од Тунис со 2:6, 7:6, 6:4. Интересно е што на средината од вториот сет, не ни можеше да се претпостави дека Русинката ќе се радува на крајот. Касаткина беше целосно депримирана и речиси се предаде откако губеше со 6:1 и 4:1, но потоа се појави нејзиниот тренер, Белгиецот Филип де Хес и ѝ оддржа неверојатен говор.

„Уште не е готово. Имаш 10 минути да најдеш решение. За што размислуваш? Немој да мислиш дека е невозможно. Уште си во игра. Треба да сервираш. За што размислуваш, што чувствуваш, кажи ми конкретно“, прашуваше тренерот Де Хес, пред да го најде решението.

Тенисерката веднаш реагираше. „Таа игра предобро, а јас сум посрамотена“, рече Касаткина, а потоа го слушна говорот од тренерот кој и даде неверојатна сила да се врати во мечот и да победи.

„Послушај ме, ќе најдеме решение. Дај ми една цел на сервисот. Ќе сервираш само „кик“ или во тело. Нема да сервираш на форхенд. Ок? Ретерните да бидат во средина и потоа играш само на бекхенд“, беше тактичкиот совет на тренерот, а потоа следуваше мотивацискиот говор, што даде дополнителна сила на руската тенисерка. „Мечот не е завршен. Ако мислиш дека е завршен, тогаш јас и ти ќе ја менуваме работата. Јас тоа не го сакам, сакам да останам и со тебе да ја освојам титулата. Тоа и ќе го направиме. Секој поен ќе го играш исто, ти го можеш тоа. Докажи дека можеш да се бориш до крај. Престани да мислиш дека можеш да изгубиш, бла, бла, бла… Ментално, ова е предизвик на твојата кариера. Гледај во резултатот, гледај ја ситуација и направи го тоа“, беа зборовите на тренерот, кој потоа се повлече и остави мечот да продолжи.

Касаткина се врати на теренот и на неверојатен начин успеа да го довие вторито сет со 7:6, а потоа во решавачкиот трет сет да биде подобра со 6:4 и да се израдува на првата титула и тоа во главниот град на својата татковина, во Москва.

Свети Лук конечно му помогна на Евертон

Златко Јуруковски
-
0

Евертон го совлада Кристал Палас со 2:0 во единствениот премиерлигашки меч денеска, а головите беа постигнати од резервни фудбалери, и тоа во последните пет минути од мечот. Доминик Колверт-Левин во 87 и Ченк Тосун во 89 минута, беа стрелци на головите.

Голем придонес во победата на Евертон има и голманот Џордан Пикфорд, кој во 59 минута му одбрани пенал на Лука Миливојевиќ.

Евертон имаше само една победа на последните 14 меча во недела, а веднаш до стадионот „Гудисон парк“ има црква која се вика „Сент Лук“, па денеска светецот им помогна на „карамелите“. Евертон за првпат по јануари 2017, има серија од три победи по ред.

Кристал Палас одеше на 200 победа во најсичната англиска лига, а 100-та откако се вика Премиерлига, но не успеа. На лондонскиот тим му требаа бодови, бидејќи наредните четири меча им се со Арсенал, Челзи, Тотенхем и Манчестер јунајтед. Палас сезонава има дадено само пет гола. Не е ни чудно, кога ниту од пенал не можат да погодат.

 

Јуве без Емре Џан против Манчестер, а можеби и долго време

Златко Јуруковски
-
0

Емре Џан сигурно нема да биде во составот на Јувентус за гостувањето кај Манчестер јунајтед од Лигата на шампиони, а ако проблемот со тироидната жлезда се покаже како голем, Германецот со турско потекло ќе треба да оди на операција и тоа ќе значи надвор од фудбалските терени на подолг период.

Џан сезонава има 10 настапи за „старата дама“ каде што дојде како слободен играч од Ливерпул, а вчера против Џенова првпат сезонава на дуел од Серија А, 90 минути остана на клупата за резерви. Ако тренерот Масимилијано Алегри не може да смета на Емре подолго време, улогата ќе ја преземе Уругваецот Родриго Бентанкур.

Шкендија се навикна на славја против Вардар

Златко Јуруковски
-
0

Со триумфот од 2:0 на гостувањето во Маџари против Вардар, екипата на Шкендија дојде до шести меч по ред без да загуби од „црвено-црниот ривал“. Шкендија не знае за пораз од Вардар од 14 октомври 2017, значи повеќе од една година, а од тогаш се сретнаа четири пати, од кои два во Купот.

Тетовци после мечот во соблекувалната ја прославија победата, која е позначајна, отколку само три бода. Тие се враќаат во битка за првото место и самодовербата ќе им биде на повисоко ниво.

Феноменален гол на Винисиус, а нема да игра на „Камп Ноу“? (Видео)

Златко Јуруковски
-
0

Доколку шпанската фудбалска федерација не му го поништи едниот од двата жолти картони, младиот фудбалер на Реал Мадрид, Винисиус, нема да може да игра следниот викенд во „Ел Класико“ против Барселона.

Иако црвениот картон го доби на меч од втората лига, каде повремено настапува за Кастилја (Реал Мадрид Б), тој нема право да игра наредниот викенд ниту во првата лига, бидејќи е со двојна лиценца. Винисиус доби картон за наводно глумење фаул, а снимката покажа дека играчот на Селта Б го повлече малку Бразилецот пред тој да падне во 86 минута. Од Реал ќе се жалат, и ако жалбата биде прифатена, Винисиус ќе може да биде во составот на првиот тим кој е во голема резултатска криза.

Само три минути пред исклучувањето, Винисиус даде гол и тоа видете каков:

1...9.5739.5749.575...9.721Страна 9.574 од 9.721

Спорт Манија е портал наменет за љубителите на спортот кој почна со работа на 14 септември 2018 година.

Контакт: contact@sportmanija.mk

Спорт Манија © 2018-2023