Без наслов - Страница 9781

Петиција за останување на Раиконен во Ферари

-

08.09.2018

Повеќе од 20 илјади навивачи на Формула 1 тимот Ферари, се потшишаа на петицијата со која се бара Кими Раиконен да остане клупски колега на Себастијан Фетел. Финецот има 38 години, и во Ферари сметаат дека веќе „го отпеал своето“, а се најавува и дека веќе нашле замена, тоа е 20-годишниот Шарл Леклерк од Заубер.

Но, фановите на Ферари повеќе му веруваат на ветеранот, отколку младиот и недокажан Леклерк, па со петиција бараат Кими да остане во црвениот болид уште барем една сезона. Четирикратниот светски првак Фетел, би бил несомнен лидер на „црното коњче“ ако биде донесен Леклерк на местото на Раиконен.

Раиконен минатиот викенд на квалификациите беше побрз од Фетел и постави рекорд на патеката „Монца“, што за потписниците, е доказ до Маурицио Аривабене дека Кими уште има што да понуди, и уште еднаш треба да преиспита дали да се откаже од него.

Луис Енрике верува во пеналџијата Рамос

Test User

-

08.09.2018

0

Дефанзивецот на Реал Мадрид, Серхио Рамос, ќе биде човекот кој ќе ги изведува ударите од белата точка што ќе бидат досудени во време на селекторувањето на Луис Енрике. Откако Рамос стана прв пеналџија во Реал Мадрид по заминувањето на Кристијано Роналдо, сега и во националниот тим на Шпанија, тој ќе биде прва опција.

Селекторот Енрике го избра Рамос, а тој ќе биде и човекот кон кој во противничкиот шеснаесетник ќе треба да се нафрлуваат топките при прекини како корнери и странични слободни удари. Екс тренерот на Барселона смета дека пеналите треба да ги шутира играч со искуство и персоналитет, а Рамос ги поседува тие квалитети.

Додека на селекторската функција седеше Висенте Дел Боске, одговорноста да шутира пенали беше кај Давид Вилја, а слободните удари ги изведуваа Чави и Чаби Алонсо. Кај селекторот Хулен Лопетеги, Давид Силва беше човекот за прекини.

Третолигашите можат да здивнат, Данците го прекинаа штрајкот

Test User

-

08.09.2018

0

Данците сепак го надминаа недоразбирањето на релација репрезентативци – федерација и ќе играат во комплетен и најсилен состав, утре против Велс во првиот меч за нив во Лигата на Нации.

Претходно, поради неисполнување на договорот од страна на челниците на данската федерација, репрезентативците го бојкотираа пријателскиот меч со Словачка, па со комбинација од играчи од данските лиги беа поразени со 0:3. Сега нисколигашите од Ванлосе, Трап… можат да здивнат, бидејќи играчи од овие анонимни клубови во шарен состав го загубија мечот со Словачка.

Велс утре ќе го игра вториот меч во четвртата група во Б сегментот, а прв иот дуел го доби убедливо со 4:1 против Република Ирска.

Касилјас: Јас, Буфон и Чех сме последните фудбалски рокери

Test User

-

08.09.2018

0

Икер Каислјас е еден од последните активни голмани од старата добро позната гарда на голмани кои оставија голем печат во светскиот фудбал.

„Јас, Џиџи Буфон и Петр Чех сме последните фудбалски рокери од познатата гарда голмани. Се уште не размислувам за повлекување, а верувам дека и Џиџи и Петр ќе бранат уште извесно време“, вели Касилјас.

Тој има активен договор со Порто до крајот на оваа сезона, а знае дека се ближи крајот и простување од фудбалот, како голман, но не и од терените.

„Сакам да продолжам како тренер. Ќе видиме како ќе се одвиваат работите“, вели Икер.
Голман што има блескава кариера, која се уште трае и на 37-годишна возраст.

Ангеловски има рецепт за победа против Ерменија

Test User

-

08.09.2018

0

Ерменија доаѓа во Скопје со мини-серија од два меча без пораз против Македонија, но селекторот Игор Ангеловски верува дека сега е моментот да се искористи убавата шанса во атак на историски пласман на Европско првенство.

„Очекувам мечевите со Ерменија да го решат победникот во нашата група. Имаат добар квалитет и поединци, но важно е како функционираат како тим. Ги познаваме од Вардар одлично Хамбарѕумјан и Барсегјан, кои се според мене едни од најдобрите странци што играле во македонското првенство. Но, секако дека верувам во нашиот квалитет и ако играме какмо што знаеме победата ќе биде на дофат“, вели Ангеловски.

Македонија е во одлична форма што почна во финишот на минатите квалификации за Мундијалот во Русија, а продолжи со триумф против Гибралтар на стартот од циклуспот мечеви во Лигата на Нации.

Пандев: Да го добиеме најзначајниот меч во нашата група

Test User

-

08.09.2018

0

Македонија утре во Скопје го игра веројатно и клучниот меч за првото место во четвртата група од Д сегементот во Лигата на Нации, а противник ќе ни биде Ерменија. Ривал кој има квалитетни играчи, предводени од ѕвездата на Арсенал Хенрик Мхтаријан.

„Се знаеше уште по ждрепката дека двомечот со Ерменија ќе биде клуч за првото место. Двете селекции се најквалитетни во групата и тука ќе биде решението. Имаме квалитет и ако одиграме како што знаеме верувам дека ќе победиме“, изјави Горан Пандев.

Капитенот ќе ја преводи нашата селекција и утре и е блиску да го урне рекордот на Гоце Седлоски, според бројот на настапи за македонската репрезентација.

Утре мечот ќе се игра на „Филип Втори“ арената од 18 часот.

И Германците не се совршени, Сане побегна од репрезентацијата

Test User

-

08.09.2018

0

Јоаким Лев има се побвеќе проблеми со репрезентативците на Германија, а нов конфликт селекторот на популарниот „Елф“ има со Лирој Сане. Играчот на Манчестер сити ја напушти репрезентацијата по завчерашниот дуле со Франција во Лигата на Нации. Незадоволен од минутажата, а играше малку, само 7 минути во финишот на мечот со светските прваци, Сане одлучи да си замине и да не игра против Перу.

Конфликтот меѓу него и Лев почна многу порано, откако офанзивниот играч на Манчестер Сити изненадувачки не се најде на списокот на германската селекција за Мундијалот во Русија. Лев потоа се пишмани, одлучи да го врати Сане во репрезентацијата за стартот на Лигата на Нации, но мир меѓу нив двајца имаше кус период.

Ова се неочекувани проблеми за Германците, а претходно и Месут Озил имаше голем и проблеми и одлучи веќе да не игра за четирикратните светски прваци.

Дибала во јануари си оди од Јувентус?

Test User

-

08.09.2018

0

Пауло Дибала дефинитивно се докажа како еден од играчите кои треба во следните неколку години да бидат меѓу најдобрите напаѓачи во светот. Сепак, Дибала некако нема среќа за да ги добие потребните минути на теренот.

Во дресот на аргентинската репрезентација тој беше резерва на Лионел Меси, а сезонава го снајде нов „малер“. Дибала во Јувентус остана на клупата за резерви, откако во клубот се појави Кристијано Роналдо. Со Роналдо во составот, за Дибала нема место во стартниот тим на „старата дама“.

Токму поради тоа, Аргентинецот размислува да си замине од Торино. Летово за него се интересираа повеќе европски клубови, но Дибала реши да остане во најтрофејниот италијански клуб, верувајќи дека ќе добие поголема минутажа.
Сепак, по првите неколку средби, станува јасно дека Аргентинецот почесто ќе биде на клупата за резерви, отколку на теренот, па затоа за него е најдобро да замине некаде каде што ќе може да ја развива кариерата.

Ѓоковиќ против Дел Потро во финалето на САД Опен

Test User

-

08.09.2018

0

Новак Ѓоковиќ и Хуан Мартин дел Потро ќе играат во финалето на гренд слемот во Њујорк, популарно како Отворено првенство на САД. Некогаш најдобриот тенисер во светот, Ѓоковиќ во три сета го победи Кеи Нишикори од Јапонија, додека Аргентинскиот тенисер не го доигра својот меч против Рафаел Надал, откако актуелниот број 1 на АТП листата се предаде поради повреда на коленото.

На Ѓоковиќ му беа потребни околу два часа и 20 минути за да обезбеди ново финале во Њујорк. Србинот одлично го започна мечот и уште во првиот гем направи брејк и тоа беше доволно за да го добие првиот сет со 6:3. Во вториот сет Ѓоковиќ продолжи со сигурната игра и го доби со 6:4, а третиот едноставно беше рутина да се зададе завршниот удар и лесно со 6:2 стигна до убедливи 3:0 во сетови.

Хуан Мартин дел Потро прв обезбеди место во финалето и тоа по само два одиграни сета. Рафаел Надал немаше сили и мораше да го предаде мечот, откако Аргентинецот поведе со 2:0 во сетови. Во првиот сет се водеше „војна“ и тај-брејкот решаваше. По повеќе од еден час игра, Дел Потро го доби со тај-брејкот со 7:3. Аргентинецот продолжи со добрата игра и во вториот сет, додека Надал се мачеше со коленото и се обидуваше да даде достоен отпор. Шпанецот беше истоштен од претходниот дуел против Димоник Тим, кога одигра пет сета, па немаше кога да закрепне и доволно добро да се одмори за следните напори.

На крајот, вториот сет заврши со 6:2 во корист на Дел Потро, а Надал реши да го „фрли пешкирот“ и да ја предаде средбата. За Надал ова е трет пат во кариерата да се откаже во тек на играта, на гренд слем турнир.

Никој не ја прашува Барселона

Test User

-

08.09.2018

0

И покрај противењата на тимовите во шпанската Примера, сезонава сепак ќе се сллучи револуционерен потег, а тоа е да се играат мечеви од домашното првенство надвор од Шпанија. Ова го потврди претседателот на Примера дивисион, Хавиер Тебас.

Тебас откри дека дуелот меѓу Барселона и Хирона ќе биде одигран далеку од шпанското тло, односно во Северна Америка. Мајами треба да биде градот домаќин на оваа средба.

„Средбата меѓу Хирона и Барселона со 90 отсто сигурност ќе се игра во Мајами. Тоа нема да биде само за еден меч, тоа е целосна стратегија процес и спонзорство“, вели Тебас.

Бидејќи Хирона ќе биде домаќин на овој меч, за да не се чувствува дискриминиран тој тим, на навивачите ќе им биде понуден бесплатен лет и следење на мечот на нивниот омилен тим, па тие ќе се чувствуваат како да се на домашен терен. Стадионот во Мајами собира 65.000 гледачи и се очекува да биде исполнет до последно место. Освен овој дуел, најавено е дека сезонава ќе има уште неколку меча кои ќе се играат во Америка.