Без наслов - Страница 9989

Атрактивно ја заби топката во кошот, па доби бокс во глава (Видео)

Трајан Маневски

-

24.10.2018

Атрактивно постигнатите поени секогаш најмногу се памтат од кошаркарските дуели. Овојпат има двојна причина да се памти тоа што се случи на дуелот помеѓу Велс и Кафенберг во австриското првенство. Екипата на Велс беше во напад кога Ервин Зулиќ атрактивно ја заби топката во кошот. Со тие поени, Велс поведе со 17 поени против Кафенберг.

Забивањето на Зулиќ не му се допадна на Американецот Давид Самуелс, кој реагираше многу неспортски. Веднаш по забивањето на Зулиќ, Самуелс го нападна противничкиот играч удирајќи го директно во главата и го нокаутираше. Американецот веднаш беше исклучен, а потоа доби и отказ од тимот на Кафенберг.

Crazy. Crazy. Crazy.

David Samuels of Austrian team Kapfenberg punched Erwin Zulic of Wells in the face and was ejected in fourth quarter. Nobody apologized for what Samuels did.

Crazy. Crazy. Crazy. pic.twitter.com/CVmXYGTAgu

— Emiliano Carchia (@Carchia) October 20, 2018

Дибала: Одигравме интелигентно и со многу самодоверба

Томас Ѓорѓиевски

-

24.10.2018

0

Јувентус вчера со минимални 1-0 го победи Манчестер јунајтед на „Олд Трафорд“ благодарение на Пауло Дибала. Аргентинецот најдобро се снајде во казнениот простор на „цвените ѓаволи“ во 17-тата минута, па одбиената топка од Квадрадо ја смести зад грбот на Де Хеа.

„Играме многу добро, пред сè, интелигентно. Во одбаната бевме цврсти во клучни моменти, а со голема самодоверба напаѓавме и верувавме дека можеме да издвоиме позитивен резултат. Научивме многу од грешките кои ги правевме во вакви натпревари во последните неколку години, сега знаеме каде сме најсилни, а каде бевме најранливи во минатото. Вака треба да продолжиме и резултатите ќе си дојдат на место“, истакна Дибала по мечот.

Потврдено: Лопетеги ќе го води Реал против Барселона

Трајан Маневски

-

24.10.2018

0

Реал Мадрид конечно повторно се врати на победите откако со 2-1 славеше против Викторија П’лзењ во Лигата на шампионите. За Кралскиот клуб тоа беше прва победа во сите натпреварувања по пауза од точно 31 ден. Последен пат се радуваа со 1-0 против Еспањол, а оттогаш наредија четири порази и едно реми. За нивна среќа, таа лоша низа заврши на дуелот против Викторија П’лзењ.

Веднаш по триумфот на Реал, со изјава се јави и еден од главните луѓе на Реал Мадрид. Емилио Бутрагењо сакаше да ги демантира гласините дека тренерот Хулен Лопетеги ќе добие отказ пред дуелот на Реал против Барселона. Големото Ел Класико се игра во недела, на „Камп Ноу“, а Лопетеги ќе ги предводи гостите од клупата.

„Победивме со 2-1, но тоа можеше да биде поубедлив триумф. Создадовме многу шанси кои не ги реализиравме. Сепак, најважно е што победивме. Лопетеги ќе го води Реал Мадрид на дуелот против Барселона. Мечот против Барселона секогаш е посебен и треба добро да се подготвиме“, рече Бутрагењо.

Повеќе од 30 повредени навивачи на ЦСКА во метро во Рим (видео)

Томас Ѓорѓиевски

-

24.10.2018

0

Вчера во центарот на Рим се повредија голем број луѓе, главно навивачи на ЦСКА Москва кои се упатија кон мечот на „Олимпико“ со метро, потврди италијанската полиција.

„Група навивачи на ЦСКА се повредени при влегување во метро станицата. Во еден момент дојде до расипување на движечките скали. Пријавени се осум повредени, но се верува дека има и повеќе“, стоеше во соопштението на полицијата.

Руската амбасада потврди дека има повеќе од 30 повредени навивачи, а има информации дека еден навивач се здобил со тешки повреди, односно останал без нога. Скалите почнаа да се движат многу брзо, а луѓето не можеа да тргнат навреме. Минувачите од спротивната страна се обидуваа да помогнат, но гужвата само ги влоши работите.

https://www.youtube.com/watch?v=BjA9Qy2D6ok

Ренџерите конечно се разиграа

Томас Ѓорѓиевски

-

24.10.2018

0

Њујорк ренџерс конечно победи на натпревар во регуларен дел откако со 5-2 го совлада тимот на Флорида. Ренџерите се најдоа во негатива по првиот период, но во втората третина пружија отпор постигнувајќи три гола, на два пати го искористија играчот повеќе на теренот со головите на Зибанејад и Зукарело.

Во одлучувачкиот период пантерите се обидуваа да се вратат резултатски, но ризикот да го остават голот празен само ги влоши работите за нив, па така примија уште два гола.

Ајкулите од Сан Хозе ја прекинаа серијата од пет победи во низа на Нешвил, и тоа на нивен терен со 5-4. Иако домаќините по два периоди имаа предност од 4-2, хокејарите на Сан Хозе не се предадоа и со три гола за помалку од пет минути направија пресврт, што воедно значеше и голема победа за нив.

Резултати НХЛ:

Колумбус блу џекетс – Аризона којотс 1-4

Њујорк ренџерс – Флорида пантерс 5-2

Монтреал канадиенс – Калгари флејмс 3-2

Отава сенаторс – Бостон бруинс 1-4

Нешвил предаторс – Сан Хозе шаркс 4-5

Чикаго блекхокс – Анахејм дакс 3-1

Далас старс – Лон Анџелес кингс 4-2

Едмонтон ојлерс – Питсбург пингвинс 5-6 (по продолжение)

Сити го разби англиското проклетство во Украина

Златко Јуруковски

-

24.10.2018

0

Манчестер сити на доминантен начин дојде до три бода на гостувањето кај Шахтар, додуша не во Доњецк, туку во Харков, но сепак на украинска територија, и стана првиот англиски тим кој славел над Шахтар во гостински меч од Лигата на шампионите.

Досега Шахтар против премиерлигашите имаше пет победи и две нерешени. Но, синоќа беше тотално надигран од тим во кој прва ѕвезда е Давид Силва. Шпанскиот фудбалер од средината на теренот првпат во кариерата даде голови на две гостувања по ред во ЛШ.

ГОСТИТЕ ВЕЌЕ НЕ СЕ ПЛАШАТ ДА ГОСТУВААТ НА „ОЛД ТРАФОРД“

Другиот клуб од Манчестер, големиот Јунајтед, нема причини за задоволство. „Ѓаволите“ дома беа поразени од Јувентус со 0-1 и се потврди дека во последно време „Олд Трафорд“ не е место на кое се плашат гостите. Тимот на тренерот Жозе Мурињо загуби четири од последните 13 домашни средби во сите натпреварувања. Пред тоа, Манчестер јунајтед дома четири пати загуби во 81 одигран меч.

Мурињо: Бонучи и Кјелини може да бидат професори на Харвард

Трајан Маневски

-

24.10.2018

0

Манчестер јунајтед не успеа на „Олд Трафорд“ да му даде гол на Јувентус и загуби со 0-1 во дербито од третото коло од Лигата на шампионите. Англискиот гигант делуваше немоќно на теренот, па иако ја имаше поддршката од трибините, гостите стигнаа до победата. По дуелот, тренерот на Манчестер јунајтед, Жозе Мурињо, го призна поразот, а имаше само пофални зборови за противникот, посебно за двајцата клучни играчи во дефанзивата на Јувентус.

„Господата Бонучи и Кјелини може да одат на Харвард и да предаваат за тоа како треба да играат централените дефанзивци. Имаат големо ниво на стабилност. Ако ја загубите топката, нема проблем, тука се Бонучи и Кјелини да коригираат. Фантастично, апсолутно фантастично. Јувентус е тим со многу искуство и многу е тешко да го победиш. Треба да се биде реален и да се признае дека тие се на различно ниво од нас. Немам забелешки за играта на мојот тим“, рече Мурињо по поразот од само еден гол во дуелот со Јувентус.

Сега на Манчестер ќе му остане да се бори за второто место во групата, каде што ривал ќе му биде Валенсија, бидејќи како што кажа португалскиот стратег, првото место е резервирано за Јувентус.

Раул Гонзалес, Лео Меси и …… Карим Бензема

Златко Јуруковски

-

24.10.2018

0

Карим Бензема од Реал Мадрид со синоќешниот погодок против Викторија Плзењ, негов прв по подолго време, придонесе за триумфот на својот тим од 2-1 и стана само третиот фудбалер во историјата на Лигата на шампионите, по Раул Гонзалес и Лионел Меси, кој постигнал барем по еден гол во 14 сезони по ред во најсилното клупско натпреварување.

Бензема е првиот играч од шпански клуб кој сезонава во сите натпреварувања постигнал три гола со глава и, уште позначајно, го надмина Руд ван Нистелрој на вечната листа на стрелците во ЛШ. Повеќе голови од Бензема (сега има 57 гола во ЛШ, од кои 12 за Лион и 45 за Реал) имаат само Кристијано Роналдо (120), Меси (105) и Раул (71).

МАРСЕЛО Е ВО ФОРМА, А НЕИЗВЕСЕН Е ЗА „КАМП НОУ“ В НЕДЕЛА

Реал синоќа конечно победи по 31 ден без радост, но не остави позитивен впечаток. Дополнителен проблем е што „кралевите“ во последните минути играа без Марсело, кој се повлече откако доби силен удар. Бразилскиот лев бек е во форма, даде голови на последните два меча и за тимот би било сериозен проблем ако не може да смета на него на неделното дерби против Барселона.

Грифин го одигра мечот на кариерата и ги даде поените за победа (Видео)

Трајан Маневски

-

24.10.2018

0

Во највозбудливиот дуел кој ноќеска се одигра во НБА-лигата, Детроит пистонс со 133:132 ја победи Филаделфија, и тоа откако мораше да се одиграат дополнителни пет минути. Блејк Грифин е играч на мечот. Тој едноставно беше незадржлив за гостите. Грифин постигна рекордни 50 поени во кариерата, вклучувајќи ги и оние кои беа клучни за триумфот.

Откако во регуларниот дел беше 120:120, неизвесноста продолжи и во следните пет минути. Гостите имаа предност од 132:130, а до крајот останаа помалку од шест секунди. Грифин ја доби топката и тргна кон кошот. Не само што реализираше за два поени, туку над него беше направен и прекршок за дополнително слободно фрлање. Одличната игра Грифин ја заврши со погодок од линијата за „пенали“, што значеше и победа на Детроит со разлика од еден поен и радост на домашните фанови. Детроит сега има три победи и уште е без пораз, додека „76-ките“ се со биланс 2-2.

https://youtu.be/lzLga3cdHXQ

Покрај 50 постигнати поени, Грифин имаше и 14 скока и шест асистенции. Во победничкиот тим добар беше и Реџи Џексон со 23 поени. Кај Филаделфија најпрецизни беа Џоел Ембид со 33 поени и Џеј џеј Редик со 3 поени.

Во останатите мечеви кои се играа ноќеска: Њу Орлеанс – ЛА клиперс 116:109 и Денвер – Сакраменто 126:112.

Јуве минимално против Јунајтед, Рома и Сити доминантни, „фешта“ во Хофенхајм

Томас Ѓорѓиевски

-

23.10.2018

0

*Крај на натпреварите: Ајакс 1-0 Бенфика, Хофенхајм 3-3 Лион, Шахтар 0-3 Манчестер сити, Манчестер јунајтед 0-1 Јувентус, Реал Мадрид 2-1 П‘лзен, Рома 3-0 ЦСКА Москва

*ГООООООООООООЛЛЛЛЛЛ 90+2‘ – Хофенхајм сепак се спаси од пораз пред самиот финиш на мечот против Лион, Жоелитон израмни на 3-3

*ГООООООООООООООЛЛЛЛЛ 90+3‘ – Ајакс во судиското надополнување стигна до минимална победа од 1-0 над Бенфика со голот на Мазрауи

*ГООООООООООЛЛЛЛЛ 79‘ – П‘лзен ја намалува предноста на Реал Мадрид на 2-1, Хросовски стрелец

*ГОООООООООООООЛЛЛЛ 71‘ – Сити води и со 3-0 против Шахтар, Бернардо Силва ја запечати победата за гостите

*ГОООООООООООЛЛЛЛЛЛ 67‘ – Повторно пресврт на мечот Хофенхајм – Лион, овој пат гостите го направија преку Депај, 2-3

https://www.dailymotion.com/video/x6w05bo

*ГООООООООООЛЛЛЛЛ 59‘ – Лион се враќа во игра против Хофенхајм, Ндомбеле израмни на 2-2

https://www.youtube.com/watch?v=2x10rjZewRY

*ГОООООООООЛЛЛЛ 56‘ – „Кралевите“ изградија сигурна предност за 2-0, Марсело прецизен по асистенција на Бејл

https://www.dailymotion.com/video/x6w03r1

*ГОООООООООЛЛЛЛЛЛ 50‘ – Ундер погодува за убедливи 3-0 на Рома против ЦСКА

*ГОООООООООООЛЛЛЛЛ 47‘ – Хофенхајм го постигнува првиот гол во второто полувреме од шестте натпревари, Крамариќ повторно ја тресе мрежата на Лион, 2-1

*ПОЛУВРЕМЕ Резултати:

Ајакс 0-0 Бенфика, Рома 2-0 ЦСКА, Хофенхајм 1-1 Лион, Манчестер јунајтед 0-1 Јувентус, Реал Мадрид 1-0 П‘лзен, Шахтар 0-2 Манчестер сити

*ГООООООООООЛЛЛЛЛ 43‘ – Џеко втор пат стрелец за „волчицата“, Рома води со 2-0 против ЦСКА

https://www.dailymotion.com/video/x6w02ei

*ГООООООООООЛЛЛЛ 35‘ – „Граѓаните“ веќе имаат двојно водство против Шахтар, стрелец на голот Лапорт

*ГООООООООООЛЛЛЛ 33‘ – Крамариќ израмнува на 1-1 за Хофенхајм против Лион

https://www.dailymotion.com/video/x6w026n

*ГОООООООООООЛЛЛЛЛ 30‘ – Един Џеко погодува за 1-0 во корист на Рома против ЦСКА

*ГОООООООООООЛЛЛЛ 30‘ – Манчестер сити со голот на Давид Силва води во Украина со 1-0

https://www.dailymotion.com/video/x6w01ek

*ГОООООООООООЛЛЛЛЛ 27‘ – Лион води со 1-0 на гостувањето кај Хофенхајм, благодарение на голот на Траоре

https://www.dailymotion.com/video/x6w026g

*ГООООООООООООЛЛЛЛЛ 17‘ – Пауло Дибала го совлада Де Хеа за предност на Јувентус на „Олд трафорд“, 0-1

*ГООООООООООЛЛЛЛЛ 11‘ – Карим Бензема погодува за 1-0 во корист на Реал Мадрид против П‘лзен

*Крај на натпреварите: Баерн Минхен го совлада тимот на АЕК Атина со 2-0, Јанг бојс и Валенсија ремизираа при конечен исход од 1-1

*ГОООООООООЛЛЛЛ 63‘ – Левандовски зголеми на 2-0 само две минути откако Мартинез донесе водство за Баерн

https://www.dailymotion.com/video/x6vzw6t

*ГОООООООООООЛЛЛЛЛЛ 61‘ – Мартинез носи предност од 1-0 за „баварците“ против АЕК

https://www.dailymotion.com/video/x6vzvpv

*Официјални состави:

Шахтар Доњецк – Манчестер сити

Шахтар: Пјатов, Кристов, Степаненко, Ракитски, Исмаили, Жуниор Мораеш, Матвијенко,Мајкон, Велингтон Нем, Коваленко, Фернандо.

Манчестер сити: Едерсон, Стоунс, Отаменди, Лапорт, Менди, Де Бројне, Давид Силва, Фернандињо, Марез, Стерлинг, Габриел Жесус.

Манчестер јунајтед – Јувентус

Јунајтед: Де Хеа, Јанг, Линделоф, Смолинг, Шо, Матиќ, Мата, Погба, Рашфорд, Марсијал, Лукаку.

Јувентус: Шчезни, Кансело, Кјелини, Бонучи, Алекс Сандро, Матуиди, Пјаниќ, Бентанкур, Квадрадо, Дибала, Роналдо.

Рома – ЦСКА Москва

Рома: Олсен, Флоренци, Фацио, Манолас, Сантон, Де Роси, Нзонзи, Пелегрини, Ундер, Ел Шарави, Џеко.

ЦСКА: Помазун, Фернандеш, Чернов, Власиќ, Чалов, Набабкин, Сигурдсон, Магнусон, Бекао, Ахметов, Облиаков.

Хофенхајм – Олимпик Лион

Хофенхајм: Бауман, Кадерабек, Вогт, Шулц, Акпогума, Бичакчиќ, Грилич, Демирбај, Крамариќ, Белфодил, Залаи.

Лион: Лопес, Тете, Денајер, Марсело, Менди, Тусар, Ндомбеле, Оуар, Траоре, Депај, Териер.

Ајакс – Бенфика

Ајакс: Онана, Мазрауи, Де Лигт, Блинд, Талјафико, Шоне, Ван де Бик, Де Јонг, Зиеч, Долберг, Тадиќ.

Бенфика: Влачодимос, Алмеида, Конти, Жардел, Грималдо, Фејса, Пици, Фернандеш, Рафа Силва, Салвио, Сеферовиќ.

Реал Мадрид – Викторија П‘лзен

Реал: Навас, Васкез, Рамос, Начо, Марсело, Крос, Модриќ, Касемиро, Иско, Бејл, Бензема.

П‘лзен: Хрушка, Резник, Хејда, Хубник, Лимберски, Хросовски, Прочазка, Чермак, Петржела, Хавел, Крмечик.

*ГОООООООООООООЛЛЛЛ 54‘ – Јанг бојс израмнува на 1-1 против Валенсија, стрелец на погодокот е Хорау од белата точка

https://www.dailymotion.com/video/x6vzv5y

*Полувреме во Атина и Берн – Баерн Минхен засега не може да ја пробие одбраната на АЕК, Валенсија води со минимални 1-0 на гости кај Јанг бојс со голот на Батчуаји

*ГООООООООООООЛЛЛЛЛЛЛЛ 26‘ – Батчуаји е човекот кој го постигнува првиот гол вечерва, Валенсија води 0-1

*15′ – Нема промени на резултатите, и на двата меча е 0-0, Баерн и Валенсија прават иницијатива за отворање на средбите, но засега без конкретни закани.

*18:55 – Почеток на натпреварите: АЕК – Баерн Минхен, Јанг Бојс – Валенсија

*Официјални состави:

АЕК Атина – Баерн Минхен

АЕК: Баркас, Бакакис, Лампропулос, Чигрински, Хулт, Галанопулос, Андре Симоеш, Бакасетас, Манталос, Клонаридис, Понсе.

Баерн: Ноер, Кимих, Суле, Хумелс, Рафиња, Хави Мартинез, Тијаго, Хамес Родридез, Робен, Гнабри, Левандовски.

Јанг бојс – Валенсија

Јанг бојс: Волфли, Мбабу, Вон Бегрен, Лаупер, Бенито, Соу, Саного, Фасначт, Сулејмани, Асале, Хоару.

Валенсија: Нето, Пикини, Диакаби, Габриел, Гаја, Кондогбија, Парехо, Солер, Торес, Родриго, Батчуаји.

Лигата на шампионите се враќа на сцената за мечевите од третото коло во групната фаза. Се очекуваат доста интересни пресметки, а секако сите со нетрпение го чекаат дербито на колото, Манчетер јунајтед и Јувентус, спектклот на „Олд Трафорд“ каде по 2011 година Крисијано Роналдо повторно ќе истрча на теренот.