3.8 C
Skopje
сабота, 15 ноември 2025
Дома Blog Страница 9996

Падна „кралот“ со кралски дочек за Барди и Леванте (Видео)

Зоран Поповски
-
0

Енис Барди и соиграчите од Леванте беа пречекани на кралски начин, откако го урнаа „кралот“ во Мадрид. Реал беше поразен со 2:1 на Сантијаго Бернабеу“, што е вистинска сензација на играчите од Валенсија.

По цели 11 години Леванте беше подобар од Реал Мадрид, а интересно е што Барди во две сезони колку што игра во Ла Лига има победи и против Реал Мадрид и против Барселона. „Скалпот“ на двата гиганти на шпснакиот и на светскиот фудбал вредат многу, па спектакуларниот дочек е сосема заслужен.

https://twitter.com/LevanteUD/status/1053716625009065984

 

Дава по пет гола на меч, вреди само 6 милиони евра

Зоран Поповски
-
0

Раководството на Ајнтрахт Франкфурт имаше извонреден сенс за добар бизнис и ќе го откупи договорот на Лука Јовиќ за само 6 милиони евра.

Младиот српски напаѓач блеска во Бундеслигата, а во петокот сам и даде пет гола на Фортуна од Диселдорф, со што стана најмладиот играч во германско првенство со петка на еден меч.

Вистински губитници во целата ситуација се популарните „орли“ од Лисабон. Бенфика го купи Јовиќ за 6,5 милиони евра од Црвена Звезда, но во клубот немаа трпение да му дадат вистинска шанса на Јовиќ.

Како 17-годишник го позајмија на Ајнтрахт со договор меѓу двата клуба, Германците да можат да го откупат комплетно играчот за 6 милиони евра. Така тврди „А Бола“, иако се шпекулираше дека цената ќе биде 12 милиони евра.

Ајнтрахт воопшто не размислува и ќе го откупи договорот за играчот што белска во Бундеслигата. Јовиќ веќе постигна 9 голови на 10 меча во новата сезона, а беше стрелец и во финалето на купот против Баерн во Берлин, во сензационалниот триумф на „орлите“ од Франкфурт.

12 фудбалери кои ги бранеле боите на Интер и на Милан

Томас Ѓорѓиевски
-
0

Миланското дерби по долги години е повторно „хит“ во Италија. Двете екипи доведоа неколку квалитетни играчи со кои можат повторно да бидат конкурентни за Скудетото, во оваа или во наредните неколку сезони. Иако сегашните играчи не можат да се споредуваат со великаните кои некогаш ги бранеле боите на овие екипи, ќе се обидат да го вратат стариот сјај на „Дерби дела мадонина“.

Иако градки ривали, Интер и Милан низ годините немале проблем да разменат играчи, ниту пак да ангажираат некој играч кој во својата кариера играл за едната или другата екипа. Такви има неколку, а меѓу нив се „Ил феномено“ Роналдо, Златан Ибрахимовиќ, Андреа Пирло, Кларенс Сидорф…

12 фудбалери кои ги носеле дресовите на Интер и на Милан:

Патрик Виера – Милан 1995/1996, Интер 2006/2010

Кларенс Сидорф – Интер 2000/2002, Милан 2002/2012

Ернан Креспо – Интер 2002/2003; 2006/2009, Милан 2004/2005

Златан Ибрахимовиќ – Интер 2006/2009, Mилан 2010/2012

Роналдо Назарио – Интер 1997/2002, Mилан 2007/2008

Андреа Пирло – Интер 1998/2001, Милан 2001/2011

Кристијан Виери – Интер 1999/2005, Милан 2005/2006

Едгар Давидс – Mилан 1996/1997, Интер 2004/2005

Тарибо Вест – Интер 1997/1999, Милан 2000/2001

Марио Балотели – Интер 2007/2010, Милан 2013/2014; 2015/2016

Сулеј Мунтари – Интер 2008/2012, Милан 2012

Франческо Коко Милан 1995/2002, Интер 2002/2007

Вечерва се очекува спектакл, Интер и Милан ќе се судрат по 222. пат на „Сан Сиро“, во овој случај на „Џузепе Меаца“, бидејќи „нероаѕурите“ се во улога на домаќини.

Лопетеги: Не помислувам на отказ

Томас Ѓорѓиевски
-
0

Реал Мадрид заборави како да победува, „кралевите“ на последните пет меча во сите конкуренции четири пати претрпеа пораз, а одиграа реми без голови против Атлетико. Вчера „скалпот“ им го зеде и Леванте, и тоа на „Сантијаго Бернабеу“ при конечни 2-1, што го стави тренерот Хулен Лопетеги во незавидна ситуација.

Наводно, Флорентино Перез веќе подготвува негова замена, а Лопетеги во моментов не размислува за отказ.

„Мотивиран сум повеќе од било кога. Најмалку за што размислувам во овие моменти е отказ. Играчите не заслужуваат такви трауми во овие моменти, сакам само што побрзо да ги вратам момците на победнички патеки и да верувам во мојата стратегија. Секој тим мора да истрпи вакви промени, а жално е што не остваруваме добри резултати иако играме добро“, истакна Лопетеги.

Следен предизвик за Реал Мадрид е натпревар против Викторија П’лзењ во групите од Лигата на шампиони, а веќе во недела ги очекува гостување на „Ноу камп“, односно првото „Ел класико“ за оваа сезона против Барселона.

Мурињо: Сари и асистентот се извинија, крај на приказната

Томас Ѓорѓиевски
-
0

Дербито меѓу Челзи и Манчестер јунајтед го обележи инцидент во самиот финиш на средбата. Баркли погоди за 2-2 во судиското надополнување, а од клупата каде се наоѓаше стручниот штав на „сините“ малку се претера во радувањето за голот.

Еден од асистентите на Маурисио Сари истрча пред клупата на Јунајтед, па со гестикулации кон Мурињо се обиде да го испровоцира менаџерот на „црвените ѓаволи“ и му успеа. Мурињо веднаш стана да се пресметува, но Португалецот потоа истакна дека ситуацијата е решена и дека му се извиниле за реакцијата.

„Не бев јас тој кој реагираше прв, туку асистентот на Сари. Беше исклучително непристоен, но, Сари ја смири ситуацијата и се извини. И двајцата се извинија и јас го прифатив тоа. За мене приказната е завршена, нема потреба да правите фама како што знаете да правите. Ниту му го знам името на тој тренер, ниту сакам да го знам“, се изјасни Мурињо на новинарите.

Вардар за десетка, Шкендија за кам-бек во битка за титулата

Зоран Поповски
-
0

Вардар игра за чиста десетка и ќе се обиде со победа против шампионот Шкендија да стаса до 10 меча без пораз и да го откаже главниот конкурент за титулата. Денеска од 14,30 часот на стадионот „Борис Трајковски“ ќе се игра големото дерби во македонската Прва лига.

Под команда на Александар Васоски, најтрофејниот клуб играше изненадувачки добро во првиот од четирите круга во домашното првенство и се уште е без пораз по 9 кола. Ако и денеска на стадионот „Борис Трајковски“ остане непоразен ќе биде чекор поблиску до 11 титула на домашната сцена, а победа му носи предност од 10 бодови, што ќе биде речиси недостижна за Шкендија.

Проблем за скопските „црвено-црни“ е отсуството на главниот стрелец Тигран Барсегјан, кој нема работна дозвола и нема да игра, а отсутен ќе биде и Максим Максимов од сити причини. И билансот во меѓусебните натпревари во последно време не е на страната на Вардар, имаат пет меча без триумф и само една победа против Шкендија на последните 8 дуели. Но, ова е нов меч, домаќините покажаа дека умеат да играат одлично и покрај сите проблеми во клубот и се надеваат на триумф што ќе ги однесе на 10 плус во однос на шампионот.

Шкендија има квалитетен состав, но имаше многу проблеми во првиот дел, особено во финишот на првата деветка од шампионатот. За нив ова е меч да се биде, или не, а поразот веројатно ќе значи збогување со титулата. Бесмир Бојку им се повреди на последниот тренинг, а сите останати играчи ќе му бидат на располагање на Ќатип Османи. Тренер, кој се врати на кормилото на Шкендија лани, со победа против Вардар од 2:0 и успеа да ја освои титулата со тетовци со огромна разлика од 35 бодови пред денешниот ривал.

Во првото коло од ова првенство Васоски дебитираше на клупата на Вардар на домашната сцена, токму против Шкендија и умешно му се спротивстави на Османи. Вардар освои голем бод во Тетово, со реми, 2:2, а двајцата стратези ќе се надмудруваат и денеска и од нив ќе зависат доста работи околу конечниот исход на дербито.

Двојки, 10. коло, 14.30 часот:

Вардар – Шкендија

Македонија Ѓ. П. – Академија Пандев

Ренова – Работнички

Шкупи – Силекс

Беласица – Победа

 

Сенаторите подобри од Монтреал во продолжение

Томас Ѓорѓиевски
-
0

Отава сенаторс во продолжение го победи Монтреал канадиенс со 4-3. Домаќините се најдоа во незавидна ситуација по првиот период, во кој Монтреал три пати го смести пакот во голот и си направи навидум сигурна предност од два гола разлика.

Сепак, ништо не беше завршено, бидејќи во вториот период „сенаторите“ се извлекоа од негативата со головите на Бедкер и Дучен. Без возбудувања во третиот период, па двете екипи мораа да играат продолжение за да се одлучи победникот, а домаќините благодарение на Стоун ја забележаа четвртата овосезонска победа.

„Ловоровите листови“ од Торонто веќе два меча не знаат за победа, а „скалпот“ ноќеска им го зеде и Сент Луис со конечни 4-1. Гостите изненадија со три гола во вториот период, а Торонто само еднаш успеа да погоди во третиот период, што беше недоволно да се стигне негативата.

„Предаторите“ од Нешвил влегоа во победничка серија од пет меча, а со сигурни 3-0 славеа над Едмонтон ојлерс. Со 14 бода, тимот на Нешвил полека ја зазема лидерската позиција на Западната конференција.

Резултати НХЛ:

Колумбус блу џекетс – Чикаго блекхокс 1-4

Флорида пантерс – Детроит ред вингс 3-4 по продолжение

Отава сенаторс – Монтреал канадиенс 4-3 по продолжение

Торонто мејпл лифс – Сент Луис блуз 1-4

Минесота вајлд – Тампа беј лајтнинг 5-4 по продолжение

Едмонтон ојлерс – Нешвил предаторс 0-3

Ванкувер канукс – Бостон бруинс 2-1 по продолжение

Вегас голден најтс – Анахејм дакс 3-1

Сан Хосе шаркс – Њујорк ајлендерс 4-1

Тепачка меѓу Рондо и Пол го засени дербито во Лос Анџелес (видео)

Томас Ѓорѓиевски
-
0

Тепачка меѓу Ражон Рондо и Крис Пол во средината на четвртиот период го засени утринското дерби меѓу ЛА Лејкерс и Хјустон рокитс. Двајцата плејмејкери при прекин си дофрлија неколку збора, Пол прв тргна да се пресмеа, а Рондо без размислување реши да се пресмета.

Двајцата играчи беа исклучени од игра, а истото го снајде и Брендон Инграм, кој непосредно по мешаницата бурно реагираше и го турна Харден, па и тој го заврши мечот предвреме.

Во најскоро време асоцијацијата ќе ги одреди казните за овие тројца кошаркари.

Марк Маркез старо-нов светски шампион во МотоГП

Томас Ѓорѓиевски
-
0

Марк Маркез ја оствари осмата овосезонска победа во МотоГП, а со освојувањето на Големата награда на Јапонија, Шпанецот ја одбрани светската титула со недостижни 102 бода пред Андреа Довициозо. Маркез се изедначи по бројот на титули со Мика Дуан во МотоГП, има пет, а повеќе од него имаат само Валентино Роси – седум, и Џакомо Агостини – осум.

Ова беше прва шасна за Маркез да ја одбрани титулата, а го направи тоа токму на патеката од Хонда, „Твин ринг Мотеги“. За титулата, на Маркез му беше потребно да биде пред неговиот ривал Довициозо. Токму против италијанскиот возач се водеше битка за искачување на подиумот, а сѐ беше решено откако Довициозо излета од патеката на два круга пред крајот.

На второ место на трката заврши Карл Крачлои, додека на подиумот како трето пласиран се искачи Алекс Ринс.

Шампионатот во МотоГП продолжува следниот викенд, со трката за Големата награда на Австралија, на патеката „Филип Ајленд“.

 

https://twitter.com/MotoGP/status/1053888902786887681?ref_src=twsrc%5Etfw%7Ctwcamp%5Etweetembed%7Ctwterm%5E1053888902786887681&ref_url=http%3A%2F%2Fsportklub.rs%2FAutomoto%2FMoto-GP%2Fa255218-On-je-vladar-Moto-GP-sampionata-Markesu-sedma-titula.html

https://twitter.com/MotoGP/status/1053886514302738432?ref_src=twsrc%5Etfw%7Ctwcamp%5Etweetembed%7Ctwterm%5E1053886514302738432&ref_url=http%3A%2F%2Fsportklub.rs%2FAutomoto%2FMoto-GP%2Fa255218-On-je-vladar-Moto-GP-sampionata-Markesu-sedma-titula.html

Хјустон му го расипа дебито на Леброн во „Стејплс“

Томас Ѓорѓиевски
-
0

Хјустон рокитс славеше на гостувањето кај ЛА Лејкерс со 124:115, „ракетите“ во финишот зедоа замав и му го расипаа дебито на Леброн Џејмс пред домашната публика. „Езерџиите“ забележаа два порази на стартот на регуларната сезона, а Хјустон брзо се опорави по поразот од Пеликанс во премиерниот меч.

Во неизвесната пресметка клучни беа последните две минути од средбата, во кои при резултат од 114-112 во корист на  Хјустон, гостите направија серија од 10 поени, а лејкерси постигнаа само еден кош.

Шутерски расположениот Џејмс Харден заврши со 36 поени, седум скока и пет асистенции, Крис Пол додаде 28 поени и 10 асистенции. Кај домаќините повторно најефикасен беше Џејмс со 24 поени, пет скока и пет асистенции, Мекги додде 16 поени и пет скока.

Резултати НБА:

ЛА Лејкерс – Хјустон рокитс 115:124

Вашингтон визардс – Торонто репторс 113:117

Њујорк никс – Бостон селтикс 101:103

Филаделфија сиксерс – Орландо меџик 116:115

Чикаго булс – Детроит пистонс 116:118

Мајами хит – Шарлот хорнетс 112:113

Далас маверикс – Минесота тимебрвулвс 140:136

Денвер нагетс – Феникс санс 119:91

Портланд трејлблејзерс – Сан Антонио спарс 121:108

 

1...9.9959.9969.997...10.141Страна 9.996 од 10.141

Спорт Манија е портал наменет за љубителите на спортот кој почна со работа на 14 септември 2018 година.

Контакт: contact@sportmanija.mk

Спорт Манија © 2018-2023