Македонската фудбалска репрезентација ќе атакува на четвртата победа во низа во Лигата на нации. Нашите најдобри фудбалери од 18 часот ќе играат против Ерменија во Ереван. Со евентуален триумф нашата селекција ќе го обезбеди првото место во групата и ќе биде еден чекор поблиску кон остварување на сонот, а тоа е пласман на Европското првенство во 2020 година.
Селекторот Игор Ангеловски со офанзивен состав ќе излезе на денешниот меч. Во формација 4-2-3-1, место во стартниот тим има за Димитриевски – голман; Ристовски, Муслиу, Зајков, Ристевски – одбрана; Адеми, Спировски, Трајковски, Барди, Алиоски – среден ред; Пандев – напад.
Квартетот Пандев-Барди-Алиоски-Трајковски досега ги постигнаа сите осум погодоци за Македонија во Лигата на нации.
