Веќе нема дилеми дека Манчестер сити ќе завладее со фудбалска Англија, а дали ќе биде тоа утре по дербито меѓу Јунајтед и Ливерпул, или пак идниот викенд, не е толку важно.
Победата од 2-0 на гостувањето кај Кристал палас ја најави Серхио Агуеро, кој реализира првенствен гол по речиси два месеци пауза. Во тој момент, Агуеро покажа со прстот кон Гвардиола, а овој пак направи гест како да му симнува капа на рекордерот на Граѓаните по бројот на погодоци.
https://twitter.com/cityreport_/status/1388491766807023618
„Какво играчиште, каков гол, заљубен сум во него. Ќе ужива со нас во последните месеци од неговиот договор“, изјави Гвардиола по мечот.
Инаку е познато дека Агуеро ќе го напушти англискиот првак во најава по крајот на сезоната, а неговата иднина уште е неизвесна.