Како што стојат работите, Френки де Јонг ќе се пресели во Манчестер, меѓутоа нема да го облече дресот на Јунајтед.
И шампионот Сити се пушти во трка по потписот на одличниот холандски играч за врска, а наводно има понуда која повеќе ѝ одговара на Барселона.
Познато е дека Каталонците се интересираат за Бернардо Силва, кој исто така би сакал да заигра на „Камп ноу“, па се споменува директна размена на фудбалерите кои на трансфер-пазарот се проценуваат по 80 милиони евра.
Големи се шансите да дојде до договор, особено што Гвардиола дели историја со Барселона. Ако Пеп се одлучи да замеша прсти, новиот тренер на Јунајтед, Ерик тен Хаг, ќе остане без најголемата желба.
