Интер успеа да го освои трофејот во Копа Италија откако по 120 минути игра го совлада Јувентус со 4:2.
Откако во регуларните 90 минути резултатот на семафорот на „Олимпико“ беше 2:2, Иван Перишиќ беше херојот за Нераѕурите во дополнителното време.
Најпрвин тој го реализира и вториот пенал за Интер, и тоа во 98-мата минута, а потоа и четири минути подоцна постигна убав гол, со што ги оттргна сите дилеми околу победникот.
Следуваше голема мешаница по којашто тренерот на Јувентус, Масимилијано Алегри, доби црвен картон и мораше да замине на трибините, а тоа не му пречеше на Интер да дојде до нова победа во финале над Јуве, откако во јануари беше подобар во Супер купот.
За Интер ова е осма титула во Италијанскиот куп, а одличната сезона можат да ја крунисаат и со наслов во Серија А, каде што водат голема битка со Милан.
Unbelievable rocket by Ivan Perisic 🥕, justice being served#JuveInter pic.twitter.com/63KBFsoOWN
— Naglesman🇮🇹 (@NerazzurriR9) May 11, 2022
