Милан вчеравечер ги заврши своите настапи во Лигата на шампионите.
Италијанскиот гигант загуби на домашен терен од Ливерпул со 2:1 и заврши на последното место во групата со четири освоени бодови.
Тренерот на овој тим, Стефано Пиоли е свесен дека ги чека долг и макотрпен пат да го вратат клубот кон старите успеси.
„Секако дека имаме одредена ‘горчина’ бидејќи мислам дека можевме подобро против Порто и Атлетико, но треба да бидеме реални.
Во моментов сме далеку зад тоа да се бориме со најдобрите клубови во Лигата на шампионите и тоа е факт.
Сега ни останува да се фокусираме во Серија А и да обезбедиме што подобар пласман“ изјави Пиоли.
