Наполи со 3:1 славеше над Торино, победа со која тимот од Неапол се зацврсти на првото место во Серија А по осум одиграни меча. Отпорот на Торино траеше многу кратко и по неполни 15 минути беше најавено дека домаќинот ќе ги освои трите бода.
Андре Замбо Ангиса погоди за 1:0 во шестата минута, а веќе во 12 минута истиот играч повторно се израдува и Наполи веќе водеше со 2:0. Замбо Ангиса е првиот играч на Наполи кој успеал да даде два гола во првите 15 минути на меч во Серија А по пауза од речиси 29 години. Последен играч на Наполи кој тоа го имаше направено беше Даниел Фонсека во јануари 1994 година.
2 – André-Frank Zambo Anguissa is the first Napoli player to have scored a brace in the first 15 minutes of a Serie A match since Daniel Fonseca, in January 1994 against Cremonese. Overwhelming.#NapoliTorino pic.twitter.com/4VkPa7sNHe
— OptaPaolo 🏆 (@OptaPaolo) October 1, 2022
Сите дилеми околку победникот на овој меч ги реши, ѕвездата на Грузија, Кварцахелија кој погоди во 37 минута за 3:0. Торино преку Санабрија намали на 3:1 во 44 минута, а потоа следуваше мирно второто полувреме без погодоци.
Македонскиот репрезентативец Елиф Елмас во игра влезе во 81 минута на местото на Кварцахелија.