Македонската одбојкарска репрезентација славеше убедливо со 3-0 во сетови (25-21, 25-21, 25-20) на гостувањето во Тузла против Босна и Херцеговина.
За пласман во полуфиналето од европската Сребрена лига, ќе се чека помош од Романија која утре треба да ја надигра албанската селекција без загубен сет, или со 3-1.
Капитенот Никола Ѓоргиев со 22 поени го предводеше нашиот национален состав до втората победа во групната фаза, по што Македонија се изедначи со второпласираната Албанија на 10 бода.