Во минатото пракса на Премиер лигата беше доколку последното коло одлучува за шампионот, трофејот со хеликоптер да биде транспортиран на стадионот каде што треба да се додели, но последните години не е така.
За оваа сезона имаше подготвено две сценографии, кои се наоѓаа на „Етихад“ и на „Емирати“, стадионите на Манчестер сити и Арсенал. На двете сценографии пишуваше „Манчестер сити шампион“ и „Арсенал шампион“, но на крајот само една можеше да биде искористена.
Воедно, имаше по еден пехар на двата стадиони и по еден комплет идентични медали. Сепак, малкумина знаат дека Премиер лигата има два идентични пехари, едниот кај освојувачот, а другиот во седиштетото на лигата, кој служи во промотивни цели.
Со оглед на тоа дека Манчестер сити и минатата сезона ја освои Премиер лигата, едниот пехар веќе беше таму, а оној кој е во сопственост на лигата пристигна во Лондон.
FOR SALE.
Arsenal celebration arch.
Never used.#arsenal #premierleague pic.twitter.com/18rhwZzL7Q— Ian Stapleton (@elasticaboy) May 21, 2024
На крајот едната сценографија не беше искористена и се најде во магацинскиот простор на стадионот „Емирати“ во Лондон, а од Премиер лигата најавија дека ништо нема да биде фрлено, туку ќе биде рециклирано и искористено за следната сезона.
🙈 Oh, Arsenal. The Champions arch graveyard… pic.twitter.com/vTpIFFRF4a
— Football Insider (@footyinsider247) May 20, 2024
