Маурисио Покетино комплетно со својот стручен штаб вчера ги обновија договорите со ПСЖ до јуни 2023 година, но тренерот на Светците го затекнаа лоши вести на неговиот ден.
Имено, Килијан Мбапе, младата француска ѕвезда, му соопшти на Покетино дека дефинитивно нема да ја продолжи соработката со гигантот од Париз. Тоа значи дека Мбапе ќе ја одработи последната сезона во дресот на ПСЖ и следното лето како слободен играч ќе одлучува каде ќе ја продолжи кариерата.
Секако, тоа ќе се случи доколку во меѓувреме управата на ПСЖ не се согласи да го продаде Мбапе во Реал Мадрид, клубот кој покажа најмногу интерес за него, а и впрочем тоа е желбата на самиот Мбапе.
Доколку дојде до продажба, најмалку 150 милиони евра ќе бидат потребни за да се задоволат апетитите на ПСЖ, сума која тешко може да се издвои со оглед на финансиската криза предизвикана од пандемијата со корона-вирусот со која се соочија многу клубови во изминатиов период.
