Денес во прсториите на ФФМ беше извршена ждрепката за Купот на Македонија. Поради малиот број пријавени екипи за најмасовното натпреварување, дури четири екипи ќе бидат слободни во 1/16-финалето. Тоа се освојувачот на Купот од минатата сезона, екипата на Македонија ЃП, потоа финалистот Струга, како и полуфиналистите Шкендија и Силекс.
Од оние што ќе играат, најинтересно ќе биде на дуелот во Врапчиште, каде што ќе игра една од најквалитетните екипи во Втората лига, Беса и скопскиот Вардар.
Најзвучна двојка во 1/16-финалето ќе биде дуелот во Тетово помеѓу поранешните освојувачи Тетекс и Работнички, а останатите прволигаши добија поволна ждрепка и се очекува да минат без поголеми проблеми.
Двојки – 20.09.2023, 15 часот
Јанг Тим (Струга) – Победа
Новаци – Брегалница
Башкими – Скопје
Арсими – Тиквеш
Кожуф – АП Брера
Карбинци – Воска
Охрид – Детонит Плачковица
Беласица – Гостивар
БВК Коњаре – Шкупи
Беса – Вардар
Тетекс – Работнички
Влазрими – Пелистер
