Премијата на Спортска прогноза нема да биде доделена ниту во третото коло од новата сезона, но четворица прогнозери имаат погодено по шест меча од вчерашните седум и може да дојдат до 12-ка и ваучер од 1.000 денари.
Тројца од од овие четворица најуспешни во саботата, „паднале“ на средба во Шпанија, бидејќи типувале победа на Атлетико, а Валенсија ги совлада Јорганџиите. Само 2,91 отсто од играчите типувале победа на Лилјаците и тоа е главното саботно изненадување.
Шест меча од понудата на Спортска прогноза се играат денеска. Според нивните очекувања, прогнозерите „составија“ интересен тикет.
Возбудувањата ќе започнат од 12.30 часот кога играат Каљари и Удинезе, меч за кој 52,33 отсто чекаат икс.
Над 60 проценти веруваат во победи на Хетафе, Стразбур и Вердер, 54,17 мислат дека Сасуоло ќе триумфира кај Фрозиноне, а поделеноста е најголема кај дуелот Фиорентина – Аталанта каде 35,1 отсто се за кец, 43,1 за нерешено, а 21,6 типувале победа на Аталанта.
Еве како би изгледал тикетот за денеска според прогнозите на мнозинството играчи на Спортска прогноза:
3004 Каљари – Удинезе Х
1306 Хетафе – Осасуна 1
1705 Стразбур – Монпеље 1
3006 Фрозиноне – Сасуоло 2
1808 Хајденхајм – Вердер 2
3007 Фиорентина – Аталанта 1Х
*Вкупната квота за овие шест предлози заедно е над 200
