Вулверхемптон на гостувањето кај Тотенхем, на терен истрча со почетен состав во кој има дури седум Португалци, што е изедначување на рекордот на Премиер лигата за број на играчи од иста земја во еден тим, а да не се Британци.
Дури ни португалските гиганти Порто и Бенфика, немаат по седум Португалци во своите почетни состави, но Волците од Премиер лигата, денеска имаат.
Португалската колонија ја сочинуваат Жозе Са, Матеус Нуњеш, Рубен Невеш, Мутињо, Нето, Поденсе и Гуедеш. Комплетниот среден ред и напад се португалски, плус голманот. Во одбраната има по еден Французин, Англичанец и Шпанец.
Ова не е прв, туку четврти пат во историјата Вулверхемптон да истрча на терен со седуммина Португалци во почетните 11. Ниту еден друг премиерлигашки клуб немал толку многу странци од иста земја меѓу стартерите.
