Најдобриот кошаркар во шведската историја, Јонас Јеребко се соочи со неочекувани проблеми. Јеребко вчера потпиша договор со ЦСКА Москва, а денеска поради тој потег е исфрлен од репрезентацијата.
⚡️ Йонас Йеребко – игрок ЦСКА! ⚡️
Тяжелый форвард подписал контракт с нашей командой до конца сезона 📄
Российским болельщикам Йеребко известен по выступлениям за «Химки» с 2019 по 2021 годы.
Добро пожаловать, Йонас! 🔴🔵 pic.twitter.com/014WkR5SPY
— CSKA Moscow (@cskabasket) March 30, 2022
Јеребко кој има 35 години, повеќе од една година беше без клуб, па не размислуваше многу кога ја доби понудата да потпиша за ЦСКА. Сепак, фактот дека Русија прави инвазија врз Украина, е причина поради која Јеребко налути голем дел од неговата земја.
„Јеребко ја претставува шведската кошарка кога ќе го облече репрезентативниот дрес и затоа веднаш разговаравме со него по договорот што го потпиша со ЦСКА. Тоа директно се коси со шведскиот став околу руската инвазија и затоа сме приморани да донесеме ваква одлука“, стои во соопштението на шведската кошаркарска федерација.
Освен исфрлувањето од репрезентацијата, Јеребко остана и без два спонзори кои ги раскинаа договорите со него.
Крилниот играч дури 10 години помина во НБА лигата играјќи за екипите на Детроит, Бостон, Јута и Голден Стејт.