Познато е колку пари ќе заработи Бернал за победата на Тур де Франс

Колумбиецот Еган Бернал не само што се запиша во историјата на велосипедизмот како најмлад победник на Тур де Франс во последните 110 години туку и добро ќе заработи од триумфот на најславната трка на светот. Бернал, кој има 22 години, за победата на Тур ќе добие парична награда од 500.000 евра.

Велосипедизмот е многу напорен спорт и можеби оваа награда делува скромно во споредба со наградите кои ги добиваат, на пример, тенисерите на гренд слемите, но секако не е мала.

Второпласираниот Герент Томас ќе добие 200.000 евра, а третиот Стивен Крајсвајк награда од 100 илјади. Пари ќе добијат сите кои ја завршија трката, но за 20-тиот и до последниот наградата е само 1.000 евра. За победа на етапа се добиваат 11.000 евра, а награди од 25.000 евра има и за најдобриот спринтер, најдобриот млад возач и најдобриот на нагорнините.

Сепак, најверојатно на учесниците повеќе им вреди задоволството што ги извозеле сите етапи, отколку заработката.

- Оглас -

Најнови вести