Тимот на Хајдук од Сплит в понеделник против АЗ Алкмар ќе игра финале во јуниорската Лига на шампионите за фудбалери до 19 години, а честитка за пласманот во финалето дојде и од нивниот најлут ривал Динамо Загреб.
Објавата на Динамо има огромен број лајкови, исто како и одговорот од официјалната страница на сплиќани. Од Хајдук порачаа: „Ви благодариме од срце“.
Иако односите на двата клуба во последните години се на ниско ниво, овојпат Динамо со потегот придонесе за затоплување, и потврда дека ферплејот постои.
Се појави и интересна снимка од тунелот пред излегувањето на терен пред полуфиналето на Хајдук со Милан. Еден од младите Хрвати ги анализираше Росонерите и викна: „Тие се гол к.р, ќе ги добиеме како и сите досега“.
https://twitter.com/i/status/1649594030622142464