Македонската машка репрезентација за ракометари до 18 години, без проблеми се пласираше во финалето на ЕХФ шампионатот во Летонија.
Досега македонскиот тим одигра четири меча од таканаречената европска Б дивизија, и извојува четири убедливи победи, денешната над Луксембург од 32-22. Во финалето Црвено-жолтите ќе играат против Швајцарија или Летонија, но според резултатите, кој и да ни биде ривал, Македонија е фаворит за триумф.
Триумф на овој шампионат ќе значи пласман во елитното европско друштво, и пласман на следното СП за играчи до 19 години.
