За само 24 часа дојде до голем пресврт во изборот за нов тренер на Наполи. Иако вчера беше најавувано дека постигнат е договор со Сержо Консеисао, кој го водеше Порто, и дека тој уште денеска треба да дојде во Неапол да потпише договор, сепак, во последен момент преговорите прекинаа и тој нема да биде тренер на Елиф Елмас.
Сега на пол-позиција за тренер на Наполи се спомнува Кристоф Галтие, човекот кој со Лил сезонава направи чудо и ја освои титулата во француското првенство, а го има тренирано скапото засилување на наполитанците, Виктор Осимен. Кандидати се и Италијанците Лучано Спалети и Масимилијано Алегри, но ако Галтие прифати преселба на југот на Италија, тој ќе биде нов тренер на Елмас и Наполи.
