Прилепчани си се почастија со одличен голман за пласманот во Прва лига
Ракометниот клуб има амбиции да се задржи во елитата, а купи чувар на мрежата со големо искуство и 77 настапи за репрезентацијата на Грузија.
Зураб Цинцаѕе е засилувањето на ракометниот клуб Прилеп на голманската позиција, со што прилепчани продолжија сериозно да се засилуваат и да инвестираат во клубот кој има амбиции да се задржи во елитата.
Новиот тренер Горан Кузмановски ќе има задача да создаде тим што ќе може рамноправно да се натпреварува во македонската Прва лига, во која РК Прилеп се враќа по едногодишна пауза.
Цинцаѕе е млад голман, има 23 години, но и богато искуство и 77 настапи за репрезентацијата на Грузија. Ланската сезона бранеше за Имеди Телави во грузиското првенство.
