Чудна ситуација се случи на дуелот Кливленд – Шарлот кој беше неизвесен до самиот крај. Кливленд победи со 102:101, а во драматичната завршница се случи еден необичен момент.
На пет минути пред крајот, гостите имаа двоцифрена предност (90:80), кога Тери Розие реши да шутира за три поени и промаши. Сепак, судиите решија да му го признаат шутот како да е погодена тројката и плус му дадоа едно дополнително слободно фрлање, кое беше реализирано.
Ваквата одлука на судиите беше затоа што Розие непосредно пред да шутира, од клупата на Кливленд стана Ед Дејвис и го фати Розие за раката, попречувајќи го. Според правилата тоа не е дозволено, па судиите на Дејвис му досудија техничка лична грешка.
This sequence was WILD
Ed Davis touched Terry Rozier while he was shooting 😳 pic.twitter.com/OiFV1YUWTn
— Bleacher Report (@BleacherReport) February 5, 2022
Од клупата на Кливленд бурно реагираа затоа што тврдеа дека контактот бил направен откако судиите претходно ја прекинале играта поради направен фаул, претходно во акцијата на Шарлот и дека тој кош воопшто не требало да биде признат затоа што е шутнато по прекин на играта.
Сепак судиите мислеа поинаку и Шарлот успеа да постигне четири поени од тој напад во кој воопшто не постигнаа тројка.
Here it is, folks. The worst call you'll ever see. #NBA #NBA75 @NBAOfficial pic.twitter.com/lmLORjYMLr
— RBA (@RedBlackAttack) February 5, 2022
