Екипата Далас Маверикс дојде до првата победа во новата сезона од НБА, откако утринава беа подобри од Торонто Репторс на гостински терен со 103:95.
Предводени од кој друг, ако не Лука Дончиќ, тимот од Тексас славеше во Канада, откако по првите 24 минути имаа негатива од 51:45.
Сепак, одличниот Словенец ги презеде работите во свои раце, и на крајот средбата ја заврши со 27 поени, 12 асистенции и девет скокови, запишувајќи го првиот дабл-дабл сезонава.
Портланд Трејлблејзерс пред своите навивачи убедливо го победи Феникс санс со 134:105 и исто како и Далас, дојде до првата победа во оваа сезона.
Си џеј Мекалум беше број еден на оваа средба кај домаќините запишувајќи 28 поени, а помош имаше и од најдобриот играч на тимот, Демијан Лилард кој стигна до цифрата од 19 поени, а практично и не ни ја одигра последната четвртина, бидејќи победникот беше решен уште од порано.
НБА РЕЗУЛТАТИ
Кливленд Кавалирс – Атланта Хокс 101:95
Индијана Пејсерс – Мајами Хит 102:91(по продоолженија)
Торонто Репторс – Далас Маверикс 95:103
Чикаго Булс – Детроит Пистонс 97:82
Минесота Тимбервулвс – Њуорленс Пеликанс 96:89
Сан Антонио Спарс – Милвоки Бакс 111:121
Портланд Трејлблејзерс – Феникс Санс 134:105
Лос Анџелес Клиперс – Мемфис Гризлис 114:120
