Најтрофејниот македонски клуб Вардар почна со нови засилувања непосредно по завршувањето на првиот дел од сезоната во Првата лига, кој не мина резултатски успешно за Црвено-црните.
Првото засилување доаѓа од Шкупи. Тоа е 30 – годишниот словачки интернационалец Михал Пинтер, игра на централната дефанзивна позиција и досега има одиграно 42 натпревари во ПМФЛ.
Пинтер претходно има настапувано и за екипите на Татран и за Вион Злате Моравче, а бил дел од сите младински селекции на Словачка.
Вардар се очекува да доведе и нов голман, а преговара со Давор Талевски од Шкендија и со репрезентативецот Дени Илиев.
