Ракометарите на ПСЖ на чело со Раул Гонзалес го одржаа перфектниот старт во Лигата на шампионите, откако денес триумфираа и на гостувањето кај Скерн со 26-24. По овој меч, „светците“ остануваат максимални во групата Б, со пет победи на исто толку натпревари.
Хансен ја предводеше својата екипа со осум погодоци, а Генсхајмер со пет гола придонесе во рутинската победа. Покрај ПСЖ, Пик Сегед го следи чекорот на екипата која ја предводи Раул Гонзалес, и тие имаат максимални 10 бода од пет средби, по денешниот триумф над Фленсбург со 30-28.
Резултати 5. коло ЛШ:
Скерн – ПСЖ 24-26
Мотор – ППД Загреб 35-27
Пик Сегед – Фленсбург 30-28
Келце – Вардар 31-27
