Претседателот на Серија А, Паоло дал Пино, изрази надеж дека од следниот месец навивачите ќе се вратат на трибините на стадионите во Италија. Според него, кризата со корона-вирусот придонела за големо заедништво во италијанскиот фудбал, а камбекот на фановите би бил постепено во етапи и би почнал во месецот кој доаѓа за два дена.
Во Италија најлошото од пандемијата помина, бројот на заболени и починати е многу мал, па затоа се охрабрија да ги отворат кината и театрите кои се затворени простори и нема зошто да не се отворат и стадионите, со држење на дистанца.
„Мора да бидеме трпеливи, но убедени сме дека ако здравствената ситуација продолжи да се подобрува, постепеното враќање на навивачите на стадионите е реалност. Тоа можеби ќе почне да се случува во јули“, вели Дал Пино, кој додаде дека единството е како никогаш порано и ги нема тензиите како порано.
