Македонската ракометна репрезентација во овие моменти го има првиот собир за претстојното Европско ракометно првенство, кое ќе се одржи на почетокот на идната година во Унгарија и Словачка.
Нашите репрезентативци се собраа во хотелот „Александар Палас“, откако претходно сите ги направија задолжителните тестирања за вирусот ковид-19.
Подоцна тие ќе заминат за Маврово, каде што ќе одработат интензивни тренинзи.
Првенството стартува на 13 јануари, каде што истиот ден ќе игра и Македонија, и тоа против Словенија.
Покрај овие две селекции, во групата А се наоѓаат и Данска и Црна Гора.
